অৱাং নোংপোক লমদমগী চাউখৎ-থৌরাং মন্ত্রালয়
য়ুনিয়ন মিনিষ্টর জয়তিরাদিত্য সিন্দিয়া হোর্নবিল ফেষ্টিবেলদা নাগাগী নুঙ চিংবগী থৌরম শরুক য়াখ্রে; প্রধান মন্ত্রী মোদীগী এক্ত ইষ্ট ভিজনগী মখাদা লুপা করোর ৬৪৫ হেনবগী চাউখৎ-থৌরাংগী থবকশিং হৌদোকখ্রে
নাগালেন্দা হকশেল, লম্বীশিং, মৈ, লাইরিক-লাইশু অমসুং অনৌবা থবকশিংগী ইনফ্রাষ্ট্রকচর চাউনা ফগৎলগনি
प्रविष्टि तिथि:
05 DEC 2025 5:11PM by PIB Imphal
ঙসি কম্মুনিকেসন অমসুং দোনরগী য়ুনিয়ন মিনিষ্টর জয়তিরাদিত্য সিন্দিয়ানা হোর্নবিল ফেষ্টিবেলগী শরুক অমা ওইনা তৌফেমা খুঙ্গুংদা নাগাগী নুঙ চিংবগী থৌরম শরুক য়াখ্রে, মতুদা মহাক্না রাজ্য অসিগী অচৌবা চাউখৎ-থৌরাংগী পেকেজ অমা হাংদোকখ্রে। ঙসি লুপা করোর ২০২ হেনবগী প্রোজেকশিং শঙ্গাখ্রে অমসুং লুপা করোর ৪৪৩ রোমগী অনৌবা প্রোজেকশিংগী উরেপ-উয়ুং তমখ্রে, পুন্না লুপা করোর ৬৪৫ গী শেনফম থাদখ্রে।
নুঙ চিংবগী থৌরম শরুক য়াবা
অঙ্গামীগী নাৎকী ফিজোল শেত্তুনা, সিন্দিয়ানা নাৎকী শেংলবা নুঙ চিংবগী থৌরম শরুক য়াখ্রে, অঙ্গামীগী পুন্সি মহিংগী অমতা ওইবা অমসুং অপুনবা পাঙ্গল উৎপা থৌরম অদু হকথেংননা শরুক য়াখি।
মহাক্না হায়খি মসিগী চৎনবী অসিউ হকচাংগী পাঙ্গল উৎপা খক নত্তনা কমদৌনা নাৎ অমসুং চৎনবীশিংনা কাংলুপশিং পুনশিনবগে হায়বগী অহিংবা খুদম অমনি। তৌফেমাগী মীয়ামগী মরক্ত শরুক য়াবা অসিদা, চাউখৎপগা লোয়ননা ফুরুপকী হৌরকফমশিং ঙাক-শেল্লিবা খুন্নাই অমগী লৌশিং অদু ঐ খঙলে।
মরুওইবা চাউখৎ-থৌরাংগী প্রোজেকশিং শঙ্গাবা অমসুং হৌদোকপা
নুঙ চিংবগী থৌরম মতুংদা, য়ুনিয়ন মিনিষ্টরনা মরুওইবা হিরমশিংদা লুপা করোর ৬৪৫ হেনবগী নাগালেন্দগী অচৌবা চাউখৎ-থৌরাংগী প্রোজেকশিং শঙ্গাখ্রে অমসুং উরেপ-উয়ুং তমখ্রে। অৱাং-নোংপোক্কী লম্বী-থোঙগী ফিবম ফগৎনবা ভারত সরকারগী মীৎয়েংগী শরুক অমা ওইনা, মরুওইবা লম্বীশিং ফগৎনবা অমসুং মরুওইবা লম্বীশিং ফগৎহন্দুনা এয়রপোর্তকা শম্নবা লম্বীশিংগী ফিবম ফগৎনবা অকনবা মীৎয়েং চঙলে।
মহাক্না শঙ্গাখিবা লুপা করোর ২২০ হেনবগী প্রোজেক ৫ অদুদি:
- দিমাপুরগী নগরজন্দা কে.ভি ১৩২ গী সব-ষ্টেসন ফগৎহনবা- লুপা করোর ২৪.৪৬
- লৈফম য়াওরবা ওজাশিংগী ত্রেনিং অমসুং একজাম সেন্তর- লুপা করোর ২০
- স্কুল ১৯০ দা আই.সি.তি ইনফ্রাষ্ট্রকচর- লুপা করোর ১৮.৯৫
- চেন্দাং সেদল-কোহিমা রোদ (ফেজ-২, কিমি ১২.৫৭)- লুপা করোর ৪৫.৫৯
- এ.তি লম্বী ফগৎহনবা, সুরাংদগী ইম্পুর ফাওবা (কিমি ২৬.৩৩৪, থোঙ অহুম)- লুপা করোর ৯৩.৯৮
হকশেল, শান্নবা, ইন্নোবেসন, ইনর্জি অমসুং লম্বী য়াওনা লুপা করোর ৪৪৩ রোমগী অনৌবা প্রোজেক ১০ গী মহাক্না উরেপ-উয়ুং তমখ্রে, প্রোজেকশিং অদুদি :
- মল্তিস্পিসিএলিতি হোস্পিতাল, চুমৌকেদিমা (পিএম-দিভাইন)- লুপা করোর ৫৮.৭
- ফমুং ৫০ গী হোস্পিতাল, পেরেন (পি.এম-দিভাইন)- লুপা করোর ৪৪.৬
- কোহিমা স্পোর্তস সেন্তর, আই.জি ষ্টদিয়ম (পিএম-দিভাইন)- লুপা করোর ৭২.৬
- নাগালেন্দ ইন্নোবেসন হব- লুপা করোর ১৯.৬
- মেগাৱাত ১১.৫ জুজা স্মোল হায়দ্রো- লুপা করোর ২.৮
- অনৌবা দি.এল.সি কমপ্লেক্স, পেরেন তাউনসিপ- লুপা করোর ২১.৯
- ওল্দ পেরেন-চালকোত লম্বী (কিমি ১৬.৫০)- লুপা করোর ৪৬.৩
- ফোমচিং-লোংদিং লম্বী (কিমি ২০.৯)- লুপা করোর ৫৮
- থিজামা-চৈতু এয়রপোর্ত লম্বী (কিমি ১৮.২৪)- লুপা করোর ৪২.৬
- খোনোমো-এন.ঐচ-২৯ লম্বী ভাইয়া জুদজা তুরেল (কিমি ৯.১৫)- লুপা করোর ২৬.৫
- ইমলোই-খুকি জঙ্কসন লম্বী(কিমি ১৩.৭)- লুপা করোর ২৯.৮
অৱাং-নোংপোক অওনবা পুরক্নবা প্রধান মন্ত্রী মোদীগী পান্দম ফোঙদোক্লদুনা, য়ুনিয়ন মিনিষ্টরনা হায়খি মদুদি এক্ত ইষ্ট পোলিসিদা অনৌবা ইনোৎ পীবদগী লমদম অসিগী চাউখৎপগী খোঙজেল য়াংখৎলে, লমদম অসিগী চাউখৎপগী লম্বী অমুক হন্না শেম্লে অমসুং লম্বী-থোঙ, অনা-লায়য়েং, ইন্নোবেসন অমসুং নহারোলশিং চাউখৎপা ফাওবগী ইনফ্রাষ্ট্রকচর শেমগৎনবা মমাঙদা অমুক্ত ওইখিদ্রিবা খোঙজেলদা থবক পায়খৎলে।
য়ুনিয়ন মিনিষ্টরনা হায়খি নাগালেন্দগী নহারোল অমসুং চাউখৎপা পাম্বা মীয়ামগী থৌনানা রাজ্য অসিগী চাউখৎপা খক নত্তনা ভারতকী চাউখৎপগী ৱারিদা য়াম্না চাউনা মতেং পাংলে। তোঙান তোঙানবা প্রোজেক কয়া পায়খৎপা হৌরে অমসুং রাজ্য অসি শীনবা থুংনা মখা তানা চাউখৎ-থৌরাংগী থবকশিং পায়খৎনবা চীফ মিনিষ্টর নৈফিয়ু রিওগা লোয়ননা পুন্না থবক তৌমিন্নগনি।
DX53.jpeg)
46GA.jpeg)
O9JV.jpeg)
00GJ.jpeg)
***
(रिलीज़ आईडी: 2199730)
आगंतुक पटल : 7