Katkum ka rai ba la ioh ha ka plenary meeting kaba 72 jong ka North Eastern Council (NEC), kaba la long ha Agartala ha u bnai Nohprah, 2024, ka Tnad Development of North Eastern Region (DoNER) ka la thaw ïa 8 tylli ki High-Level Task Force (HLTF), ha kaba ia kawei pa kawei la khlieh da u Myntri Rangbah jong ka thaiñ shatei lammihngi. Ia ka HLTF halor ka North-East Economic Corridor (NEEC) la pyniaid da u Myntri Rangbah ka jylla Mizoram, ha kaba u Myntri ka Sorkar Pdeng ba dei peit ia ka Tnad DoNER bad ki Myntri Rangbah jong ka jylla Assam, Meghalaya bad Manipur kum ki dkhot. Ka jingbthah jong ka HLTF halor ka NEEC, nalor kiwei pat, ka kynthup ia ka jingbishar bniah ia ki jingdon jingem kiba la don lypa ha ka ioh ka kot bad ka rukom bei tyngka ha ka thain shatei lammihngi; ka jingithuh ia ki jingduna bad ka jingthaw ia ki lad ki lynti ban khring ia ki nongbei tyngka ha ka thain. La pynlong lai tylli ki jingialang jong ka HLTF halor ka NEEC.

Ia ki projek ba la mynjur hapoh ka skhim PM-DevINE la pyntreikam da ki tnat pyntreikam (IA) ba dei peit jong ki sorkar jylla bad ka jingkitkhlieh ba hakhmat eh ban buddien ia kine ki projek ka shong ha ki sorkar jylla/IA ba dei peit. Ia ki projek la buddien ruh da ka Tnad DoNER lyngba ki Field Technical Support Unit (FTSU), ki Project Quality Monitor (PQM) bad ki Third-Party Technical Inspection Agency (TPTI) bad ki jingpeit bniah da ki heh ophisar jong ka MDoNER bad ka North Eastern Council (NEC), bad kumjuh ruh ha ka por ba pynlong ia ka jingialang peit bniah.

Ia ki skhim ban tehlakam ia ka jingshlei um bad ban iada na ka jingtwa khyndew la thaw bad pyntreikam da ki Sorkar Jylla ba dei khmih katkum ka jingthmu ba kongsan jong ki. Ka Sorkar Pdeng ka iarap lang ia ki sienjam jong ki sorkar jylla. Ban pynkhlain ia ki lad jingpynbeit ba kongsan na ka bynta ban iada na ka jingshlei um, ka Sorkar Pdeng ka la pyntreikam ia ka Flood Management Programme (FMP) ha ka XI & XII Plan na ka bynta ka jingai jingiarap na sorkar pdeng sha ki Jylla na ka bynta ki kam kiba iadei bad ka jingtehlakam ia ka jingshlei um, ka jingiada na ka jingtwa khyndew, ka jingpyntuid ia ka um, bad kiwei kiwei kiba la bteng hadien kum ka bynta jong ka Flood Management and Border Areas Programme (FMBAP) kum ka skhim ba la bei tyngka da ka sorkar pdeng na ka bynta ka samoi naduh 2017-18 haduh u snem 2020-21 bad la pynjlan shuh shuh haduh u snem 2025-26. Shuh shuh, ha kine ki 10 snem ba la dep, hapoh ka Scheme jong ka NEC bad ka Non-Lapsable Central Pool of Resources (NLCPR), 24 tylli ki projek, kiba iadei bad ka jingshlei um / ka jingiada na ka jingtwa khyndew, kiba shongdor T.345.74 klur la mynjur ha ki Jylla ka thain shatei lammihngi.

Ia ki projek ba iadei bad ki jingdon jingem ba la mynjur la pynrung ha karynsan PM-Gati-Shakti na ka bynta ban pynbha ia ka jingthmu. Ia ka jingpeit bniah ha ki jaka treikam la leh lyngba ki jingleit jngoh ia ki jaka bad ki jingpeit bniah ba la pynlong da ki ophisar jong ka NEC bad ka Tnad DoNER. La peit ruh ia ka rukom pyntreikam da ki kynhun lyngba ka jingiatreilang jong ki PQM, ki TPTI bad ki FTSU.

Ia kane ka jingtip la ai da u Myntri Khynnah ka Tnad Development of North Eastern Region Dr. Sukanta Majumdar ha ka jubab ba shu thoh ia ka jingkylli ha Rajya Sabha mynta ka sngi.

*****