پنجایت، جو کہ ایک ’’مقامی حکومت ‘‘ہے، ریاستی امور سے متعلق ہے اور بھارت کے آئین کے ساتویں شیڈول کی ریاستی فہرست کا حصہ ہے۔ پنجایتیں متعلقہ ریاستی پنجایتی راج قوانین کے تحت قائم کی جاتی ہیں اور کام کرتی ہیں، جو آئین کے قواعد کے مطابق ہر ریاست میں مختلف ہو سکتی ہیں۔

ریاستی حکومت کی رپورٹ کے مطابق، مہاراشٹر میں مختلف سطحوں پر غیر استعمال شدہ پنجایت گرانٹس کی تفصیلات درج ذیل ہیں:

ریاست کی رپورٹ کے مطابق، غیر استعمال شدہ فنڈز کی اہم وجوہات کام کے دائرہ کار میں تبدیلی، زمین سے متعلق مسائل، اور پنجایتی راج اداروں کی جانب سے کاموں کی منسوخی ہیں۔

دیہی مقامی اداروں (آر ایل بی) کو 15 ویں مالیاتی کمیشن کی گرانٹ کی سفارش پر عمل درآمد کے لئے وزارت خزانہ کی طرف سے 14.07.2021 کو جاری کردہ آپریشنل رہنما خطوط کے مطابق وزارت خزانہ کی طرف سے ریاستوں کو بالترتیب پنچایتی راج کی وزارت اور جل شکتی کی وزارت (محکمہ پینے کے پانی اور صفائی ستھرائی) کی سفارشات کی بنیاد پر غیر منسلک اور منسلک گرانٹ جاری کی جارہی ہیں ۔  اس کے بعد ، پنچایتوں کے تمام سطحوں کے درمیان سطح بہ سطح تقسیم متعلقہ ریاستی حکومت کے ذریعے تازہ ترین ریاستی مالیاتی کمیشن (ایس ایف سی) کی قبول شدہ سفارشات کی بنیاد پر اور 15 ویں مالیاتی کمیشن کے تجویز کردہ بینڈ کے مطابق کی جاتی ہے ۔

ریاستی حکومت کی رپورٹ کے مطابق، گزشتہ تین سالوں (2022-23، 2023-24 اور 2024-25) کے دوران مہاراشٹر میں پنچایتی راج کے تحت مرکز کی طرف سے جاری شدہ 15ویں مالیاتی کمیشن کی منسلک اور غیر منسلک گرانٹس کی موجودہ ضلع اور سطح وار تفصیل (گرام پنچایت، پنچایت سمیتی، ضلع پریشد) بالترتیب منسلک کی گئی ہے۔

ریاستوں میں پنچایتی راج اداروں کی طرف سے مرکزی مالیاتی کمیشن کی گرانٹس کے استعمال میں شفافیت اور جوابدہی کو بہتر بنانے اور یقینی بنانے کے لیے، وزارت نے اپریل 2020 سے ای گرام سوراج ویب پورٹل

 ( (https://egramswaraj.gov.in شروع کیا ہے، جو پنچایتوں کے تمام مالیاتی امورمنصوبہ بندی سے لے کر ادائیگی تککو یکجا کرتا ہے۔ اس نظام سے حاصل کردہ پیش رفت کے اعداد و شمار پورٹل پر ظاہر کیے جاتے ہیں تاکہ ریاست، ضلع اور بلاک کی سطح پر ہم وقت نگرانی ممکن ہو سکے۔

شفافیت کو مزید بڑھانے کے لیے، وزارت نے  ای گرام سوراج کو پبلک فنانشل مینجمنٹ سسٹم (پی ایف ایم ایس) کے ساتھ گرام پنچایتوں (جی پی ) کے لیے مربوط کیا ہے، جو دکانداروں( وینڈرز )اور سروس فراہم کرنے والوں کو حقیقی وقت میں ڈیجیٹل ادائیگی کی سہولت فراہم کرتا ہے۔ مزید برآں، اپریل 2020 میں آڈٹ-آن لائن ایپلی کیشن شروع کی گئی تاکہ پنچایت کے کھاتوں اور ان کے مالی انتظام کی آن لائن آڈٹ ممکن ہو سکے۔ یہ آلہ (ٹول )مرکزی مالیاتی کمیشن کے فنڈز کے شفاف استعمال کو یقینی بناتا ہے اور پنچایت سطح پر مالی نگرانی کو مضبوط کرتا ہے۔

وزارتِ پنچایتی راج نے بہترین کارکردگی دکھانے والی پنچایتوںکو نیشنل پنچایت ایوارڈز کے ذریعے انعام دینے کا سلسلہ شروع کیا ہے، جو کہ پنچایتوں کی حوصلہ افزائی اسکیم کے تحت آتا ہے، اور یہ راشٹریہ گرام سواراج ابھیان کی مرکزی معاون اسکیم کا حصہ ہے۔ان ایوارڈوں کو نیشنل پنچایت ایوارڈ 2023 سے نئے سرے سے ڈیزائن کیا گیا ہے تاکہ پائیدار ترقیاتی اہداف (ایس ڈی جی) کے حصول میں پنچایتی راج اداروں کی کارکردگی کا جائزہ لیا جا سکے۔ اس کے لیے 9 شناخت شدہ لوکلائزیشن آف سسٹین ایبل ڈیولپمنٹ گولز (ایل ایس ڈی جی) تھیم منتخب کیے گئے ہیں، جو 17 ایس ڈی جی سے ماخوذ ہیں۱۔غربت سے آزاد اور بہتر معاشی حالات والی پنچایت۲۔صحت مند پنجایت ۳۔بچوں کے لیے دوستانہ پنچایت۴۔پانی کی فراہمی سے متعلق پنچایت ۵۔ صاف ستھری اور سبز پنچایت ۶۔خود کفیل بنیادی ڈھانچے والی پنجایت ۷۔سماجی تحفظ والی پنجایت۸۔ اچھی حکمرانی والی پنچایت ۹۔خواتین کے لیے دوستانہ پنچایت ہیں اورایوارڈ یافتہ پنچایتوں کی کوششوں کو بڑھاوا دینے کے لیے مالی مراعات بھی فراہم کی جاتی ہیں، جو گرام پنچایت کے لیے 50 لاکھ روپے سے لے کر ضلع پنچایت کے لیے 5 کروڑ روپے تک ہوتی ہیں۔ یہ اقدام پنجایتوں کے درمیان صحت مند مقابلہ کو فروغ دیتا ہے اور انہیں مقامی حکمرانی میں عمدگی حاصل کرنے کی ترغیب دیتا ہے۔ تمام پنچایتیں ان ایوارڈز کے لیے درخواست دینے کی اہل ہیں۔

 

یہ معلومات مرکزی وزیر جناب راجیو رنجن سنگھ عرف للن سنگھ نے 2 دسمبر 2025 کو لوک سبھا میں ایک تحریری جواب میں دی ۔

..........................................................

ش ح۔ ش آ

U. NO. 2200

(रिलीज़ आईडी: 2197721) आगंतुक पटल : 6