اگست 2019 سے، حکومت ہند ریاستوں کے ساتھ شراکت داری میں ہر دیہی گھر میں نل کے پانی کی فراہمی کے لیے جل جیون مشن (جے جے ایم) – ہر گھر جل نافذ کر رہی ہے۔چونکہ پانی ریاست کا موضوع ہے، اس لیے دیہی گھروں کو نل کا پانی فراہم کرنے کے لیے پائپ شدہ پانی کی فراہمی کی اسکیموں کی منصوبہ بندی اور ان پر عمل درآمد کی بنیادی ذمہ داری متعلقہ ریاستوں اور مرکز کے زیر انتظام علاقوں پر عائد ہوتی ہے۔حکومت ہند جے جے ایم کے تحت تکنیکی اور مالی معاونت فراہم کر کے ریاستوں کی کوششوں کو سہارا دیتی ہے۔

پینے کے پانی اور صفائی ستھرائی کے محکمے نے ہر مربوط پائپڈ واٹر سپلائی (پی ڈبلیو ایس) اسکیم کو ایک منفرد شناختی نمبر (آئی ڈی) تفویض کرنے کے لیے ملک گیر دیہی پائپڈ واٹر سپلائی اسکیم (آر پی ڈبلیو ایس ایس) ماڈیول کا آغاز کیا ہے، جس میں اس کے تمام جیو ٹیگڈ اجزاء جیسے ماخذ، ٹریٹمنٹ، ٹرانسمیشن، تقسیم اور سروس ایریا شامل ہیں۔

دیہی پانی کی فراہمی کے شعبے کے لیے ڈیجیٹل پبلک انفراسٹرکچر (ڈی پی آئی) کی یہ بنیادی پرت جی آئی ایس پر مبنی ڈیجیٹل اثاثہ رجسٹری قائم کرتی ہے، جو کسی اسکیم کے تمام اجزاء کو فعال طور پر جوڑتی ہے۔

یہ ماڈیول پی ڈبلیو ایس اثاثوں کی ایک جامع جی آئی ایس پر مبنی ڈیجیٹل رجسٹری تیار کر کے، ہر رہائش گاہ تک ٹریس ایبلٹی کو یقینی بنانے کے لیے منفرد آر پی ڈبلیو ایس ایس انفراسٹرکچر آئی ڈیز اور سروس ایریا آئی ڈیز تفویض کرتا ہے۔ یہ اثاثوں کی حیثیت (شروع، جاری یا مکمل نہیں) کی بنیاد پر لازمی جیو ریفرنسنگ اور جیو ٹیگنگ قوانین نافذ کرتا ہے، اور مالی جواب دہی اور درست نگرانی کو یقینی بنانے کے لیے ہر اثاثے کو اس کے متعلقہ کیپیکس اسکیم آئی ڈی سے جوڑ کر شفافیت اور جواب دہی کو مضبوط کرتا ہے۔

یہ معلومات وزیر مملکت برائے جَل شکتی، جناب  وی سومننانے آج راجیہ سبھا میں ایک سوال کے تحریری جواب میں فراہم کیں۔

***

(ش ح۔اس ک  )

UR-2118

(रिलीज़ आईडी: 2197220) आगंतुक पटल : 3