بھارت کے انسانی حقوق کے قومی کمیشن (این ایچ آر سی)نے نئی دہلی میں سشستر سیما بل (ایس ایس بی) کے تعاون سے  مرکزی مسلح فورسیز کے لیے اپنے 30 ویں سالانہ مباحثے کے مقابلے کے آخری دور کا انعقاد کیا ۔ جس کا موضوع تھا ‘قومی سلامتی کے خدشات سے سمجھوتہ کیے بغیر نیم فوجی دستوں کے ذریعے انسانی حقوق کا مشاہدہ کیا جا سکتا ہے ۔’  سیمی فائنل اور زونل راؤنڈ کے بعد آخری راؤنڈ میں 16 شرکاء نے ہندی اور انگریزی میں تحریک کے حق  میں اور مخالفت میں بحث کی ۔  سنٹرل انڈسٹریل سیکورٹی فورس (سی آئی ایس ایف) نے مقابلے میں بہترین ٹیم کے طور پر رننگ ٹرافی حاصل کی ۔

 

انفرادی اعزازات میں ہندی میں مباحثے کا پہلا انعام سی آئی ایس ایف کے اسسٹنٹ کمانڈنٹ جناب مینک ورما کو ملا جب کہ انگریزی میں  یہ انعام سی آئی ایس ایف کی اسسٹنٹ کمانڈنٹ محترمہ اروندھتی وی نے حاصل کیا ۔  ہندی میں دوسرا انعام جناب دیپک سنگھ یادو ، ریکروٹ جی ڈی ، آسام رائفلز اور انگریزی میں میجر آدتیہ پاٹل ، آسام رائفلز کودیا گیا ۔  تیسرا انعام ہندی میں بی ایس ایف کے کانسٹیبل جناب آشوتوش سنگھ کو اور انگریزی میں یہ انعام این ایس جی کے اسسٹنٹ کمانڈنٹ جناب نریش چندر باجیتھا کو ملا ۔  سرٹیفکیٹ اور یادگاری نشان کے علاوہ ، پہلے ، دوسرے اور تیسرے انعام جیتنے والوں کو بالترتیب 12ہزار روپے،10ہزار روپے اور 8 ہزار روپےکے نقد انعامات بھی دیئے گئے ۔

 

این ایچ آر سی ، انڈیا کے چیئرپرسن ، جسٹس جناب وی راما سبرامنین نے موضوع  کے تعلق سے ان کے واضح خیالات کے لیے تمام 16 شرکاء کی کوششوں کو سراہا اور کہا کہ وہ سبھی فاتح بننے کے مستحق ہیں ۔  انہوں نے کہا کہ این ایچ آر سی کے اقدام کے پس پشت مقصد مسلح افواج کو انسانی حقوق کےنظرسے ڈیوٹی پر غور کرنے کے لیے ایک پلیٹ فارم کرنا ہے ۔

جسٹس راما سبرامنین نے کہا کہ قومی سلامتی اور انسانی حقوق کے تحفظ کو یقینی بنانے کے لیے مسلح افواج میں توازن فرض کا جز ہے ۔  انہوں نے کہا کہ یہ حقائق کا ایک حد سے زیادہ بیان ہو سکتا ہے جس سے یہ پتہ چلتا ہے کہ انسانی حقوق کا مشاہدہ صرف قومی سلامتی کے خدشات سے سمجھوتہ کرکے کیا جا سکتا ہے ۔  انہوں نے یہ بھی کہا کہ مسلح کارروائی کے دوران انسانی حقوق کے خدشات سے متعلق بحث نئی نہیں ہے بلکہ  یہ صدیوں پرانی ہے ۔  اس سلسلے میں انہوں نے رامائن اور مہابھارت کی مثالوں کا بھی حوالہ دیا ۔

اس سے پہلے، این ایچ آر سی انڈیا کی ممبر محترمہ وجے بھارتی سا نی اور چیف آف جویرے نے کہا کہ سلامتی اور انسانی حقوق کے مخالف تصورات قابل قبول نہیں ہیں۔ یہ ہمارے جمہوری نظام کے ستون ہیں جو اسے ایک ساتھ جوڑے رکھتے ہیں۔ یہ محض ایک تعلیمی مشق نہیں ہے، بلکہ یہ دانشورانہ طاقت، اخلاقی حوصلے اور جمہوری اقدار کی عکاسی ہے، ہماری مرکزی مسلح افواج  فخر کے ساتھ جس پر قائم ہیں۔

اپنے خطاب میں این ایچ آر سی، انڈیا کے سیکریٹری جنرل جناب بھرت لال نے کہا کہ پولیس فورسز کے فرائض اور انسانی حقوق کے تحفظ میں کوئی تضاد نہیں ہے۔ مساوات، آزادی اور انصاف کی حقیقی ضمانت صرف اس صورت میں حاصل کی جا سکتی ہے جب عوامی نظم ایسا ہو جسے سیکیورٹی فورسز برقرار رکھنے کی توقع رکھتی ہوں۔ انہوں نے مزید کہا کہ اقتدار کے ساتھ بڑی ذمہ داری بھی آتی ہے، اور مسلح افواج ایسے ماحول کے قیام میں اہم کردار ادا کرتی ہیں جہاں لوگوں کی زندگیوں اور حقوق کے تحفظ کویقینی بنایا جا سکے۔

ایس ایس بی کی خصوصی ڈی جی محترمہ انوپما نیلکر چندر نے بھی شرکاء کی کوششوں کو سراہا اور کہا کہ انہوں نے بحث کے دوران اپنی فکر میں بڑی وضاحت کے ساتھ اظہار کیا ۔  انہوں نے اس بات کو اجاگرکیا کہ یہ تقریب انگریزی اور ہندی دونوں زبانوں میں منعقد کی جاتی رہی ہے اوریہ گزشتہ 30 برسوں میں تیار کردہ نظام کی پیروی کرتی ہے ، جس میں آٹھ زون حصہ لے رہے ہیں ۔

این ایچ آر سی، انڈیا کے ڈائریکٹر جنرل (انویسٹی گیشن) جناب آنند سواروپ؛ رجسٹرار (قانون)، جناب جریندر سنگھ؛ جیوری کے دو اراکین، جن میں سابق ڈائریکٹر جنرل بی پی آر اینڈ ڈی، ڈاکٹر میرَن چڈھا بوروَنکر اور ڈائریکٹر ساؤتھ کیمپس، دہلی یونیورسٹی، پروفیسر راجنی ابّی شامل تھے؛اور ساتھ ہی این ایچ آر سی کے دیگر سینئر افسران اور سی اے پی ایف کے اہلکار بھی موجود تھے۔تقریب کے اختتام پر این ایچ آر سی کے ایس ایس پی جناب ہری لال چوہان نے شکریے کی تحریک پیش کی۔

*********

 

ش ح۔ش م۔اش ق

U. No-2094

(रिलीज़ आईडी: 2197023) आगंतुक पटल : 4