سی اے کیو ایم (کمیشن برائے فضائی معیار ، این سی آر اور آس پاس کے علاقوں) کے جاری نفاذی اقدامات کے تحت، جو قانونی خاکہ اور نافذ العمل گریپ کے تحت زمین پر نگرانی اور دھول کم کرنے کے اقدامات کو مضبوط کرنے کے لیے کیے جا رہے ہیں، 26 فلائنگ اسکواڈز نے 29.11.2025 کو دہلی کے مختلف علاقوں میں مرکوز معائنہ مہم چلائی۔ اس مہم میں سڑکوں پر نظر آنے والی دھول کی مقدار کا جائزہ لیا گیا اور دہلی میونسپل کارپوریشن (ایم سی ڈی )، نیو دہلی میونسپل کونسل (این ڈی ایم سی) اور سینٹرل پبلک ورکس ڈیپارٹمنٹ (سی پی ڈبلیو ڈی) کے زیرِ عمل صفائی، جھاڑو اور دھول روکنے کے اقدامات کی تاثیر کو جانچا گیا۔

مجموعی طور پر تینوں اداروں کی321 سڑکوں کا معائنہ کیا گیا۔ جیو-ٹیگ شدہ اور وقت کے مطابق فوٹو گرافک دستاویزات جمع کی گئیں اور کمیشن کو مربوط معائنہ رپورٹ کے طور پر پیش کی گئیں۔ حتمی ڈیٹا کے مطابق، 35 سڑکوں پر زیادہ دھول دیکھی گئی، 61 میں درمیانی، 94 میں کم اور 131 سڑکوں پر کوئی دھول نظر نہیں آئی۔

ایم سی ڈی کے تحت، جس میں سب سے زیادہ سڑکوں (182) کا معائنہ کیا گیا، 35  میں زیادہ دھول، 50 میں درمیانی، 70 میں کم اور 27 سڑکوں میں کوئی دھول نظر نہیں آئی۔ نتائج سے ظاہر ہوتا ہے کہ ایم سی ڈی کے سڑک صاف کرنے اور میکینیکل صفائی سرگرمیوں کو مزید مضبوط کرنے کی ضرورت ہے، خاص طور پر ان سڑکون پر جہاں دھول کی بار بار جمع ہونے کی شکایت ہے۔

اس کے برعکس، این ڈی ایم سی کے علاقے میں بہتر کارکردگی دیکھی گئی۔ 133 سڑکوں میں سے 100 میں کوئی دھول نہیں، 24 میں کم دھول اور 9 میں درمیانی دھول درج کی گئی، اور کوئی اسٹريچ زیادہ دھول والے زمرے میں نہیں آیا۔

اسی طرح، سی پی ڈبلیو ڈی کے چھ سڑکوں میں کوئی زیادہ دھول والا حصہ نہیں تھا، 2 حصوں میں درمیانی دھول، اور 4 حصوں میں کوئی دھول نہیں دیکھی گئی۔ اس کا ڈیٹا نسبتاً مؤثر دیکھ بھال کو ظاہر کرتا ہے، تاہم مسلسل نگرانی ضروری ہے۔

کمیشن نے زور دیا کہ سڑکوں کی دھول دہلی میں ذراتی آلودگی  میں سب سے بڑا حصہ ڈالتی ہے، خاص طور پر سردیوں کے موسم میں۔ انہوں نے مسلسل میکینیکل صفائی، جمع شدہ دھول کا بروقت تصرف، فٹ پاتھ کی مناسب دیکھ بھال، اور تمام سڑکوں پر پانی چھڑکنے/ دھول روکنے کے اقدامات کی پابندی کی اہمیت پر زور دیا۔

مزید برآں، سی اے کیو ایم نے تمام اداروں خصوصاً ایم سی ڈی کو ہدایت دی ہے، کیونکہ اس کے زیر نگرانی زیادہ دھول والے علاقے ہیں، کہ صفائی کے آپریشنز کو مزید تیز کریں، میکینیکل صفائی کے اوقات کو بہتر بنائیں، اور دھول کم کرنے کے اصولوں اور کمیشن کی قانونی ہدایات کی سخت پاسداری کو یقینی بنائیں۔ کمیشن نے دہرایا کہ آپریشن صاف ہوا کے تحت اس قسم کی ہدفی معائنہ مہمات جاری رہیں گی تاکہ سڑکیں صاف، دھول سے پاک اور قواعد کے مطابق رہیں، اور علاقے میں دھول کنٹرول کے اقدامات کو بہتر بنایا جا سکے۔

************

ش ح ۔   م  د ۔  م  ص

(U :  2064  )

(रिलीज़ आईडी: 2196635) आगंतुक पटल : 3