ಕೇಂದ್ರ ಎಲೆಕ್ಟ್ರಾನಿಕ್ಸ್ ಮತ್ತು ಮಾಹಿತಿ ತಂತ್ರಜ್ಞಾನ ಸಚಿವರಾದ ಶ್ರೀ ಅಶ್ವಿನಿ ವೈಷ್ಣವ್ ಅವರು, ಚಿಪ್ಸ್ ಟು ಸ್ಟಾರ್ಟ್-ಅಪ್ (ಚಿಪ್ ಗಳಿಂದ ನವೋದ್ಯಮದವರೆಗೆ -C2S) ಕಾರ್ಯಕ್ರಮದಡಿಯಲ್ಲಿ 17 ಶೈಕ್ಷಣಿಕ ಸಂಸ್ಥೆಗಳ ವಿದ್ಯಾರ್ಥಿಗಳು ಮೊಹಾಲಿಯ ಸೆಮಿಕಂಡಕ್ಟರ್ ಲ್ಯಾಬೋರೇಟರಿ (ಎಸ್.ಸಿ.ಎಲ್.-SCL) ನಲ್ಲಿ ತಯಾರಿಸಿದ 28 ಚಿಪ್‌ಗಳನ್ನು (600 ಬೇರ್ ಡೈಸ್ ಮತ್ತು 600 ಪ್ಯಾಕ್ ಮಾಡಿದ ಚಿಪ್‌ಗಳು ಸೇರಿದಂತೆ) ಹಸ್ತಾಂತರಿಸಿದರು. 2025ರ ನವೆಂಬರ್ 28 ರಂದು ಮೊಹಾಲಿಯ ಸೆಮಿಕಂಡಕ್ಟರ್ ಲ್ಯಾಬೋರೇಟರಿ (SCL) ಗೆ ಕೆಲಸದ ಪ್ರಗತಿ ಮತ್ತು ನಡೆಯುತ್ತಿರುವ ಆಧುನೀಕರಣ ಚಟುವಟಿಕೆಗಳನ್ನು ಪರಿಶೀಲಿಸಲು ಭೇಟಿ ನೀಡಿದ ಸಂದರ್ಭದಲ್ಲಿ ಚಿಪ್ ಹಸ್ತಾಂತರ ಸಮಾರಂಭವನ್ನು ಆಯೋಜಿಸಲಾಗಿತ್ತು.

ಸಮಾರಂಭದಲ್ಲಿ, ಜಾಗತಿಕ ಸೆಮಿಕಂಡಕ್ಟರ್ ಭೂದೃಶ್ಯದಲ್ಲಿ ಭಾರತವು ಬಹಳ ವೇಗವಾಗಿ ವಿಶಿಷ್ಟ ನಾಯಕನಾಗಿ ಹೊರಹೊಮ್ಮುತ್ತಿದೆ ಎಂದು ಸಚಿವರು ಹೇಳಿದರು. ಇಂದು, ದೇಶಾದ್ಯಂತದ ಸಂಸ್ಥೆಗಳು ವಿಶ್ವದ ಕೆಲವು ಅತ್ಯಾಧುನಿಕ ವಿನ್ಯಾಸ ತಂತ್ರಜ್ಞಾನಗಳಿಗೆ ಪ್ರವೇಶವನ್ನು ಹೊಂದಿದ್ದು, ಭಾರತಕ್ಕೆ ವಿಶಿಷ್ಟವಾದ ದೊಡ್ಡ ಪ್ರಮಾಣದ ಸೆಮಿಕಂಡಕ್ಟರ್ ಅಭಿವೃದ್ಧಿ ಪರಿಸರ ವ್ಯವಸ್ಥೆಯನ್ನು ಸೃಷ್ಟಿಸುತ್ತಿವೆ. ದೇಶದ ವಿವಿಧ ರಾಜ್ಯಗಳಲ್ಲಿ ಇ.ಡಿ.ಎ.ಸಲಕರಣೆ/ ಪರಿಕರಗಳೊಂದಿಗೆ ಬೆಂಬಲಿತ ಸಂಸ್ಥೆಗಳ ಸಂಖ್ಯೆಯನ್ನು ಈ ಕೆಳಗಿನ ಚಿತ್ರವು ವಿವರಿಸುತ್ತದೆ:

ಈ ಸಂದರ್ಭದಲ್ಲಿ, ಎಸ್.ಸಿ.ಎಲ್.ನ (SCL) ಮಹಾನಿರ್ದೇಶಕರು ಮತ್ತು ತಂಡವು ಸಿ.ಟು.ಎಸ್.(C2S) ಕಾರ್ಯಕ್ರಮದ ಅಡಿಯಲ್ಲಿ ಅಳವಡಿಸಿಕೊಂಡ ಚಿಪ್ ವಿನ್ಯಾಸ ಮತ್ತು ಫ್ಯಾಬ್ರಿಕೇಶನ್ ಪ್ರಕ್ರಿಯೆಯ ಕುರಿತು ವಿವರವಾದ ಪ್ರಸ್ತುತಿಯನ್ನು ನೀಡಿದರು.

 

ಚಿಪ್ ಇನ್ ಕೇಂದ್ರದ ಬಗ್ಗೆ:

ಬೆಂಗಳೂರಿನ ಸಿ-ಡಿ.ಎ.ಸಿಯಲ್ಲಿ ಸ್ಥಾಪಿಸಲಾದ ಅತಿದೊಡ್ಡ ಸೌಲಭ್ಯಗಳಲ್ಲಿ ಒಂದಾದ ಚಿಪ್ ಇನ್ ಕೇಂದ್ರವು ವ್ಯಾಪಕ ಶ್ರೇಣಿಯ ಸೆಮಿಕಂಡಕ್ಟರ್ ವಿನ್ಯಾಸಗಳು ಮತ್ತು ಪರಿಹಾರಗಳನ್ನು ಒದಗಿಸುತ್ತದೆ, ರಾಷ್ಟ್ರೀಯ ಚಿಪ್ ವಿನ್ಯಾಸ ಮೂಲಸೌಕರ್ಯವನ್ನು ದೇಶಾದ್ಯಂತ ಸೆಮಿಕಂಡಕ್ಟರ್ ವಿನ್ಯಾಸ ಸಮುದಾಯಕ್ಕೆ ನೇರವಾಗಿ ಒದಗಿಸಲು ಶ್ರಮಿಸುತ್ತಿದೆ. ಇದು ಸಂಪೂರ್ಣ ಚಿಪ್ ವಿನ್ಯಾಸ ಚಕ್ರಕ್ಕೆ ಅತ್ಯಾಧುನಿಕ ಪರಿಕರಗಳನ್ನು ಹೊಂದಿರುವ ಕೇಂದ್ರೀಕೃತ ಸೌಲಭ್ಯವಾಗಿದೆ.

ಇದು ಕಂಪ್ಯೂಟ್ ಮತ್ತು ಹಾರ್ಡ್‌ವೇರ್ ಮೂಲಸೌಕರ್ಯ, ಐಪಿ ಕೋರ್‌ಗಳು ಮತ್ತು ಮಾರ್ಗದರ್ಶನವನ್ನು ಸಹ ನೀಡುತ್ತದೆ, ಇದು ಎಸ್.ಸಿ.ಎಲ್. (SCL)  ಫೌಂಡ್ರಿಯಲ್ಲಿ ವಿನ್ಯಾಸ ತಯಾರಿಕೆಗೆ ಸಮಗ್ರ ಸೇವೆಗಳನ್ನು ಒದಗಿಸುತ್ತದೆ ಮತ್ತು ಭಾರತ ಸರ್ಕಾರದ ಎಲೆಕ್ಟ್ರಾನಿಕ್ಸ್ ಮತ್ತು ಮಾಹಿತಿ ತಂತ್ರಜ್ಞಾನ ಸಚಿವಾಲಯದ C2S (ಚಿಪ್ಸ್ ಟು ಸ್ಟಾರ್ಟ್-ಅಪ್) ಕಾರ್ಯಕ್ರಮದಡಿಯಲ್ಲಿ ಶೈಕ್ಷಣಿಕ ಸಂಸ್ಥೆಗಳಿಗೆ ಪ್ಯಾಕೇಜಿಂಗ್ ಮಾಡುತ್ತದೆ.

ಚಿಪ್ ಇನ್ ಕೇಂದ್ರವು C2S ಕಾರ್ಯಕ್ರಮ ಸಂಸ್ಥೆಗಳಿಂದ ವಿದ್ಯಾರ್ಥಿಗಳು ರಚಿಸಿದ ಚಿಪ್ ವಿನ್ಯಾಸಗಳನ್ನು ಸಂಗ್ರಹಿಸುತ್ತದೆ. ಪ್ರತಿ ಮೂರು ತಿಂಗಳಿಗೊಮ್ಮೆ, ಈ ವಿನ್ಯಾಸಗಳನ್ನು ಒಟ್ಟುಗೂಡಿಸಲಾಗುತ್ತದೆ ಮತ್ತು 180 ಎನ್.ಎಂ. ತಂತ್ರಜ್ಞಾನವನ್ನು ಬಳಸಿಕೊಂಡು ತಯಾರಿಕೆಗಾಗಿ ಎಸ್.ಸಿ.ಎಲ್. ಮೊಹಾಲಿಗೆ ಕಳುಹಿಸಲಾಗುತ್ತದೆ. ಚಿಪ್ ಇನ್ ಕೇಂದ್ರವು ಫ್ಯಾಬ್-ಅನುಸರಣೆ ಪರಿಶೀಲನೆಗಳನ್ನು ನಡೆಸುತ್ತದೆ, ಪುನರಾವರ್ತಿತ ಪ್ರತಿಕ್ರಿಯೆ ಮತ್ತು ವಿನ್ಯಾಸ ಪರಿಷ್ಕರಣೆಗಳ ಮೂಲಕ ವಿದ್ಯಾರ್ಥಿಗಳು ಮತ್ತು ಸಂಸ್ಥೆಗಳೊಂದಿಗೆ ನಿಕಟವಾಗಿ ಕೆಲಸ ಮಾಡುತ್ತದೆ. ಅನುಮೋದನೆ ಪಡೆದ ನಂತರ, ವಿನ್ಯಾಸಗಳನ್ನು ಚಿಪ್ ಇನ್ ಕೇಂದ್ರವು ಒಂದೇ ಮಾಸ್ಕ್ (ಎಂ.ಪಿ.ಡಬ್ಲ್ಯು.ರೆಟಿಕಲ್) ಗೆ ಸಂಯೋಜಿಸುತ್ತದೆ, ಇದು ಒಂದೇ ಬಾರಿಗೆ  ಬಹು ವಿನ್ಯಾಸಗಳನ್ನು ತಯಾರಿಸುವ ಮೂಲಕ ಸಮಯ ಮತ್ತು ವೆಚ್ಚ ಎರಡನ್ನೂ ಉಳಿಸುತ್ತದೆ. ಎಸ್.ಸಿ.ಎಲ್.ಮೊಹಾಲಿ ನಂತರ ಚಿಪ್‌ಗಳನ್ನು ತಯಾರಿಸುತ್ತದೆ, ಪ್ಯಾಕೇಜ್ ಮಾಡುತ್ತದೆ ಮತ್ತು ವಿದ್ಯಾರ್ಥಿಗಳಿಗೆ ಹಿಂತಿರುಗಿಸುತ್ತದೆ.

ಕಳೆದ ವರ್ಷದಲ್ಲಿ, ಚಿಪ್ ಇನ್ ಸೆಂಟರ್ ಸಿ2ಎಸ್ ಕಾರ್ಯಕ್ರಮದಡಿಯಲ್ಲಿ ಎಸ್‌ಸಿಎಲ್‌ನಲ್ಲಿ ವಿನ್ಯಾಸಗಳ ತಯಾರಿಕೆಗಾಗಿ 5 ಎಂಪಿಡಬ್ಲ್ಯೂ ಶಟಲ್ ರನ್‌ಗಳನ್ನು ಆಯೋಜಿಸಿತ್ತು. ಭಾರತದಾದ್ಯಂತ 46 ಸಂಸ್ಥೆಗಳು ಒಟ್ಟು 122 ವಿನ್ಯಾಸಗಳನ್ನು ಸಲ್ಲಿಸಿದ್ದವು. ಇವುಗಳಲ್ಲಿ, ಎಸ್‌ಸಿಎಲ್ 56 ವಿದ್ಯಾರ್ಥಿಗಳು ವಿನ್ಯಾಸಗೊಳಿಸಿದ ಚಿಪ್‌ಗಳನ್ನು ಯಶಸ್ವಿಯಾಗಿ ತಯಾರಿಸಿ ಆಯಾ ಸಂಸ್ಥೆಗಳಿಗೆ ತಲುಪಿಸಿದೆ. ವಿನ್ಯಾಸದ ಏಕೀಕೃತ ವಿವರಗಳೊಂದಿಗೆ ಶಟಲ್-ವಾರು ಮಾಹಿತಿಯು ಕೆಳಗೆ ನೀಡಲಾಗಿದೆ. https://c2s.gov.in/MPW_Services.jsp ನಲ್ಲಿ ವಿವರಗಳಿವೆ:

 

		ಇಂಟೆಗ್ರೇಟೆಡ್ ಸರ್ಕ್ಯೂಟ್ ಗಳಲ್ಲಿ ವಿನ್ಯಾಸ ಪ್ರಕ್ರಿಯೆಯ ಕೊನೆಯ ದಿನ/ಉತ್ಪಾದನೆಗೆ ಕಳುಹಿಸಿದ ದಿನ  (ಟೇಪ್ ಔಟ್ ಡೇ)	ವಿನ್ಯಾಸಗಳು	ಸಂಸ್ಥೆಗಳು
1	ಎಂ.ಪಿ.ಡಬ್ಲ್ಯು ಶಟಲ್ -I	06ನೇ ಡಿಸೆಂಬರ್ 2024	20	17
2	ಎಂ.ಪಿ.ಡಬ್ಲ್ಯು ಶಟಲ್ -II	28tನೇ ಫೆಬ್ರವರಿ2025	14	12
3	ಎಂ.ಪಿ.ಡಬ್ಲ್ಯು ಶಟಲ್ -III	31ನೇ ಮೇ 2025	22	15
4	ಎಂ.ಪಿ.ಡಬ್ಲ್ಯು ಶಟಲ್ -IV	31ನೇ ಆಗಸ್ಟ್  2025	38	20
5	ಎಂ.ಪಿ.ಡಬ್ಲ್ಯು ಶಟಲ್ -V	30ನೇನವೆಂಬರ್  2025	28	24
	ಒಟ್ಟು		122 ವಿನ್ಯಾಸಗಳನ್ನು ಉತ್ಪಾದನೆಗೆ ಕಳುಹಿಸಲಾಗಿದೆ	46 ಸಂಸ್ಥೆಗಳು

 

ಎಸ್.ಸಿ.ಎಲ್. ಮೊಹಾಲಿಗಾಗಿ ಕಳೆದ ಒಂದು ವರ್ಷದಲ್ಲಿ 5 ಶಟಲ್‌ಗಳು ಯಶಸ್ವಿಯಾಗಿ ಮುಕ್ತಾಯಗೊಂಡಿದ್ದು, ಚಿಪ್ ಇನ್ ಸೆಂಟರ್ ಅಡ್ವಾನ್ಸ್ ನೋಡ್‌ಗಳಿಗೆ ಮೌಲ್ಯ ಸರಪಳಿ ಸಂಗ್ರಾಹಕ (ವಿ.ಸಿ.ಎ.-VCA) ಆಗಿ ಕಾರ್ಯನಿರ್ವಹಿಸುವ ಸಾಮರ್ಥ್ಯವನ್ನು ವೇಗವಾಗಿ ಮುಂದುವರಿಸುತ್ತಿದೆ. ಈ ವಿನ್ಯಾಸ ಟೇಪ್‌ಔಟ್‌ಗಳು ಮತ್ತು ಬೆಂಬಲಿತ ಸಂಸ್ಥೆಗಳಲ್ಲಿ ಸಂಬಂಧಿತ ಬೋಧನೆ, ಸೂಚನೆ ಮತ್ತು ಸಂಶೋಧನಾ ಚಟುವಟಿಕೆಗಳ ಸಮಯದಲ್ಲಿ, ಭಾಗವಹಿಸುವ ಸಂಸ್ಥೆಗಳಿಂದ 1 ಲಕ್ಷಕ್ಕೂ ಹೆಚ್ಚು ವಿದ್ಯಾರ್ಥಿಗಳು 125 ಲಕ್ಷ ಗಂಟೆಗಳಿಗಿಂತ ಹೆಚ್ಚು ಇ.ಡಿ.ಎ. ಪರಿಕರಗಳನ್ನು ಬಳಸಿದ್ದಾರೆ. ಇದರ ಜೊತೆಗೆ, ಚಿಪ್ ಇನ್ ಸೆಂಟರ್ 90 ಕ್ಕೂ ಹೆಚ್ಚು ನವೋದ್ಯಮಗಳನ್ನು ಬೆಂಬಲಿಸುತ್ತಿದೆ, ಇದು ಅದೇ ಅವಧಿಯಲ್ಲಿ ಸುಮಾರು 50 ಲಕ್ಷ ಗಂಟೆಗಳ ಇ.ಡಿ.ಎ. ಪರಿಕರಗಳನ್ನು ಬಳಸಿದೆ. ಇದರಿಂದ  ಒಟ್ಟು ಇ.ಡಿ.ಎ. ಪರಿಕರ ಬಳಕೆಯನ್ನು 175 ಲಕ್ಷ ಗಂಟೆಗಳಿಗಿಂತ ಹೆಚ್ಚಾಗಿದೆ, ಆ ಮೂಲಕ ಇದು ವಿಶ್ವದ ಅತಿದೊಡ್ಡ ಕೇಂದ್ರೀಕೃತ ಚಿಪ್-ವಿನ್ಯಾಸ ಬಳಕೆದಾರ ಸೌಲಭ್ಯಗಳಲ್ಲಿ ಒಂದಾಗಿದೆ. ವಿವಿಧ ಶೈಕ್ಷಣಿಕ ಸಂಸ್ಥೆಗಳಲ್ಲಿ ರಾಜ್ಯವಾರು ಇ.ಡಿ.ಎ. ಪರಿಕರಗಳ ಬಳಕೆ ಹೀಗಿದೆ:

ಸಮಾರಂಭದಲ್ಲಿ, ಶ್ರೀ ಅಶ್ವಿನಿ ವೈಷ್ಣವ್ ಅವರು ಈ ಪ್ರಗತಿಯು ಪ್ರಧಾನಿ ನರೇಂದ್ರ ಮೋದಿಯವರ ವಿಸ್ತಾರವಾದ ದೃಷ್ಟಿಕೋನವನ್ನು ಪ್ರತಿಬಿಂಬಿಸುತ್ತದೆ ಎಂದು ಹೇಳಿದರು, ಅವರ ನಿರ್ದೇಶನ ಸ್ಪಷ್ಟವಾಗಿದೆ: ಭಾರತವು ಮುಂದಿನ ಕೆಲವು ವರ್ಷಗಳಲ್ಲಿ, ಪ್ರಮುಖ ಜಾಗತಿಕ ಸೆಮಿಕಂಡಕ್ಟರ್ ಶಕ್ತಿಯಾಗಿ ತನ್ನನ್ನು ತಾನು ಸ್ಥಾಪಿಸಿಕೊಳ್ಳುವಷ್ಟು ಪ್ರಮಾಣ/ವ್ಯಾಪ್ತಿ ಮತ್ತು ಶಕ್ತಿಯ ಸಾಮರ್ಥ್ಯಗಳನ್ನು ನಿರ್ಮಿಸಬೇಕು. ನಮ್ಮ ಕಾರ್ಯತಂತ್ರದ ಅಗತ್ಯಗಳಿಗಾಗಿ ನಾವು ಬೇರೆಯವರನ್ನು ಅವಲಂಬಿಸದಂತೆ ನೋಡಿಕೊಳ್ಳುವುದು ಮತ್ತು ನಮ್ಮ ಕಾರ್ಯತಂತ್ರದ ವಲಯಗಳಲ್ಲಿ ಸ್ವಾವಲಂಬಿಗಳಾಗುವುದು ಹಾಗು ಸ್ಥಳೀಯ ಚಿಪ್‌ಗಳನ್ನು ಬಳಸುವುದು ಇದರ ಗುರಿಯಾಗಿದೆ ಎಂದು ಅವರು ಹೇಳಿದರು. ಈ ಕಾರ್ಯತಂತ್ರದಲ್ಲಿ, ಎಸ್.ಸಿ.ಎಲ್  ಬಹಳ ಮಹತ್ವದ ಪಾತ್ರವನ್ನು ವಹಿಸುತ್ತದೆ.

****

 

(रिलीज़ आईडी: 2196476) आगंतुक पटल : 3