ریلوے کی وزارت
اشونی ویشنو اور گجیندر سنگھ شیخاوت نے نئی جیسلمیر–دہلی (شکور بستی) ریل سروس کو ہری جھنڈی دکھا دی، نئی ریل سروس کو ’سورن نگری ایکسپریس‘ کے نام سے چلایا جائے گا
نئی ٹرین سروس جیسلمیر اور راجستھان کے اہم شہروں کو قومی دارالحکومت سے جوڑتے ہوئے سفر کے طریقے کو بدلنے جا رہی ہے، جس سے سیاحت کو فروغ ملے گا، بنیادی خدمات تک رسائی بڑھے گی اور علاقائی ترقی میں تیزی آئے گی
راجستھان میں 85 اسٹیشنوں کی ازسرِنو تعمیر کا کام جاری ہے، جس پر تقریباً 4,000کروڑ روپے کی سرمایہ کاری کی جا رہی ہے: اشونی ویشنو
प्रविष्टि तिथि:
29 NOV 2025 5:14PM by PIB Delhi
ریلوے، اطلاعات و نشریات اور الیکٹرانکس و اطلاعاتی ٹیکنالوجی کے مرکزی وزیر جناب اشونی ویشنو اور ثقافت و سیاحت کے مرکزی وزیر جناب گجیندر سنگھ شیخاوت نے آج جیسلمیر اسٹیشن سے نئی جیسلمیر–دہلی (شکور بستی) ریل سروس کی افتتاحی خصوصی ٹرین کو ہری جھنڈی دکھائی۔
عوامی جذبات کے پیشِ نظر جناب ویشنو نے اعلان کیا کہ جیسلمیر–دہلی (شکور بستی) ایکسپریس کا نام سورن نگری ایکسپریس رکھا جائے گا۔
جیسلمیر–دہلی (شکور بستی) جیسلمیر ایکسپریس کی شروعات قومی دارالحکومت اور راجستھان کے مغربی علاقے کے درمیان ریل روابط میں نمایاں بہتری لائے گی۔ رام دیورا، جودھپور، مکرانہ، جے پور اور الور جیسے شہر اب قومی دارالحکومت سے مزید آسانی اور سہولت کے ساتھ جڑ جائیں گے۔
یہ نئی سروس جدید طبی اور تعلیمی سہولتوں تک رسائی کو آسان بنائے گی، اہم سیاحتی مقامات تک کنیکٹیوٹی بہتر کرے گی، اور آس پاس کے علاقوں میں معاشی ترقی کو فروغ دے گی۔ قابلِ اعتماد اور سہل سفر کی سہولت فراہم کرتے ہوئے یہ ٹرین مقامی باشندوں، سیاحوں، طلبہ اور کاروباری طبقے سمیت سب کے لیے فائدہ مند ثابت ہوگی، جس سے علاقائی نقل و حمل اور ترقی کو مضبوطی ملے گی۔
اپنے خطاب میں جناب ویشنو نے کہا کہ بھارتی ریلوے تیزی سے ترقی کر رہا ہے اور ہر روز نئے سنگِ میل قائم کر رہا ہے۔ انہوں نے کہا کہ وزیرِ اعظم نریندر مودی کی رہنمائی میں بھارتی ریلوے اپنی ترقیاتی سفر کو نئی بلندیوں تک لے جانے کے لیے پرعزم ہے۔
مرکزی وزیر اشونی ویشنو نے کہا کہ راجستھان میں ریلوے کی ترقی کے لیے بے مثال کام کیا جا رہا ہے، اور اس وقت تقریباً 55,000 کروڑ روپے کے منصوبے جاری ہیں۔ سرحدی علاقوں میں ریلوے نیٹ ورک کو وسعت دینے کے حصے کے طور پر انوپ گڑھ سے کھجووالہ، بیکانیر، جیسلمیر، بارمر اور بھابھر تک نئی لائن کے منصوبے مختلف مراحل سے گزر رہے ہیں۔ ان لائنوں کی تعمیر نہ صرف عام عوام کے لیے فائدہ مند ہوگی بلکہ یہ مسلح افواج کے لیے اسٹریٹجک معاونت میں بھی اہم کردار ادا کرے گی۔
جناب ویشنو نے بتایا کہ 2014 سے قبل راجستھان کے لیے مختص سالانہ بجٹ صرف تقریباً 680 کروڑ روپے تھا، جو اب تقریباً 10,000 کروڑ روپے تک بڑھ چکا ہے۔ پوکارن اسٹیشن پر ریلوے سہولتوں کے بارے میں بات کرتے ہوئے انہوں نے کہا کہ جب نئی رام دیورا–پوکارن ریل لائن بھیرَو گوفہ اور کیلاش ٹکری کے راستے مکمل ہو جائے گی، تو تمام ٹرینوں کو اس اسٹیشن پر رکنے کی سہولت دی جائے گی۔ انہوں نے افسران کو ہدایت دی کہ اس لائن کا کام تیز رفتاری سے مکمل کیا جائے۔
جناب ویشنو نے جیسلمیر اسٹیشن میں دوسرا داخلی دروازہ تعمیر کرنے کا بھی اعلان کیا۔ انہوں نے افسران کو ہدایت دی کہ کوچنگ ڈیپو کی تکمیل کو تیز کیا جائے تاکہ جیسلمیر سے مزید ٹرینیں چلائی جا سکیں۔
جیسلمیر اسٹیشن کی دوبارہ ترقی کے بارے میں بات کرتے ہوئے جناب ویشنو نے کہا کہ اس کی تعمیر نو 140 کروڑ روپے کی لاگت سے مکمل ہو چکی ہے۔ انہوں نے مزید کہا کہ راجستھان میں 85 اسٹیشنوں کی دوبارہ ترقی کا کام تقریباً 4,000 کروڑ روپے کی سرمایہ کاری کے ساتھ جاری ہے۔ جناب ویشنو نے کہا کہ راجستھان میں ریلوے کے بنیادی ڈھانچے کی مضبوطی کے سبب، چھ جوڑی وندے بھارت ٹرینیں اور ایک جوڑی امرت بھارت ٹرین کے ساتھ دیگر سروسز چلائی جا رہی ہیں، اور پچھلے چھ مہینوں میں، اس ٹرین سمیت، آٹھ نئی ٹرینیں متعارف کرائی گئی ہیں۔ انہوں نے ہدایت دی کہ جیسلمیر اور جودھپور کے درمیان ٹریک کی تجدید کا کام ترجیحی بنیادوں پر لیا جائے۔
پروگرام کے دوران جناب گجیندر سنگھ شیخاوت نے جناب اشونی ویشنو کا شکریہ ادا کیا۔ اپنے خطاب میں جناب اُمیدا رام بینیوال، معزز رکن پارلیمنٹ، جناب کیلاش چودھری، سابق مرکزی وزیر مملکت اور جناب چھوٹو سنگھ، معزز رکن اسمبلی نے بھی جناب اشونی ویشنو کے نئے ریل سروس اور ریلوے ترقیاتی کاموں کے لیے اظہارِ تشکر کیا۔
******
ش ح۔ ش ا ر۔ ول
Uno-2038
(रिलीज़ आईडी: 2196387)
आगंतुक पटल : 13