ہندوستانی بحری جہاز (آئی این ایس) سہیادری ، جو ہندوستانی بحریہ کا دیسی ساختہ جہاز اور اسٹیلتھ فریگیٹ ہے ، نے تعیناتی کے بندرگاہ مرحلے کے لیے فلپان کے منیلا میں مختصر قیام کے لئے لنگر انداز ہونے سے قبل فلپائن کی بحریہ کے ساتھ ایک مشق کی ۔

یہ جہاز اس وقت ہند -بحرالکاہل میں آپریشنل تعیناتی پر ہے ، جو دوستانہ غیر ملکی ممالک کے ساتھ مختلف کثیرجہتی اور دو طرفہ بحری مشقوں میں حصہ لے رہا ہے ، جس میں مالابار-2025 ، آسینڈکس-2025 ، جیمیکس-25  اور جمہوریہ کوریا کی بحریہ کے ساتھ پہلی دو طرفہ مشق شامل ہیں ۔

مشق کے دوران ، دونوں بحری افواج نے اہم مواصلاتی مشقیں ، نیویگیشن مشقیں ، وزٹ بورڈ سرچ اینڈ سیزر (وی بی ایس ایس) مشقیں  اور پیشہ ورانہ ہم آہنگی اور باہمی افہام و تفہیم کو بہتر بناتے ہوئے فلائنگ آپریشن انجام دیے ۔

بندرگاہی مرحلے میں پیشہ ورانہ تبادلے ، ڈیک کے دوران دورے اور موضوعاتی معاملات کے ماہرین کے تبادلے کا ایک سلسلہ شامل ہوگا ۔  اس کے علاوہ ، دورے کے دوران دوستانہ کھیلوں ، مشترکہ یوگا سیشن  اور یتیم خانے میں امداد جیسے ثقافتی سرگرمیوں کا بھی منصوبہ بنایا گیا ہے ۔

آئی این ایس سہیادری کا دورہ فلپائن کے ساتھ تعلقات کو مستحکم کرنے کے ہندوستان کے عزم کی نشاندہی کرتا ہے اور سمندری شعبے میں دونوں بحری افواج کے درمیان بڑھتے ہوئے تعاون کو اجاگر کرتا ہے ۔  یہ ہندوستان کی ایکٹ ایسٹ پالیسی اور ساگر (خطے میں سب کے لیے سلامتی اور ترقی) کے نقطۂ نظر کے مطابق  ہے جو اہم ہند- بحرالکاہل خطے میں امن ، سلامتی اور استحکام کو فروغ دینے کی طرف ایک قدم ہے ۔

 

*****

 

 

ش ح۔م   ش۔ ع د

(U-No. 1896)

(Release ID: 2195156) Visitor Counter : 8