ایک نئی تحقیق میں ایک مصنوعی ذہانت  ( اے آئی ) کا فریم ورک متعارف کرایا گیا ہے  ، جو کینسر کو سمجھنے اور اس کے علاج کے طریقے کو تبدیل کر سکتا ہے ۔ یہ فریم ورک ہمیں کینسر کو دیکھنے کے لیے ایک نیا  زاویہ فراہم کرتا ہے ، جو نہ صرف اس کے سائز یا پھیلاؤ سے بلکہ اس کی  ہیئت سے  بھی متعارف کراتا ہے ۔

کینسر صرف بڑھتے ہوئے ٹیومر کی بیماری نہیں ہے ۔ یہ پوشیدہ حیاتیاتی پروگراموں کے ایک سیٹ سے چلتا ہے  ، جسے کینسر  کی علامات کہتے ہیں ۔ یہ علامات اس بات کی وضاحت کرتی ہیں کہ صحت مند خلیات کس طرح مہلک ہو جاتے ہیں: وہ کیسے پھیلتے ہیں ، مدافعتی نظام سے بچتے ہیں  اور علاج  کو غیر موثر کرتے ہیں ۔ کئی دہائیوں سے ، ڈاکٹروں نے ٹی این ایم جیسے اسٹیجنگ سسٹم پر انحصار کیا ہے ، جو ٹیومر کے سائز اور پھیلاؤ کو بیان کرتے ہیں ۔ لیکن اس طرح کے نظام  موثر طور سے اس کی ہیئت کا پتہ لگانے سے محروم رہتے ہیں ۔ کینسر کے ایک ہی مرحلے  والے دو مریضوں کے نتائج  قدرِ مختلف بھی ہو سکتے ہیں ۔

اشوکا یونیورسٹی کے ساتھ کام کرنے والے محکمہ سائنس و ٹیکنالوجی (ڈی ایس ٹی) کے ایک خود مختار ادارے ، ایس این بوس نیشنل سینٹر فار بیسک سائنسز کے سائنسدانوں نے پہلا اے آئی فریم ورک متعارف کرایا ہے  ، جو کینسر کے  مولیکولر ’’ ساخت  ‘‘  کو پہچان سکتا ہے اور اس کی شکل کی پیش گوئی کر سکتا ہے ۔

تصویر : اونکو مارک کا نیورل نیٹ ورک کینسر کے خلیوں کے اندر پیچیدہ مالیکیولر سگنلز کو ڈی کوڈ کرتا ہے تاکہ ہال مارک کی سرگرمیوں کی پیش گوئی کی جا سکے ۔

ڈاکٹر شبھاسس ہلدر اور ڈاکٹر دبیان گپتا کی قیادت میں ٹیم نے کینسر کی 14 اقسام میں 3.1 ملین سنگل سیلز کا تجزیہ کرنے کے لیے اونکو مارک کے عنوان سے فریم ورک کی قیادت کی ، جس سے مصنوعی  ’’ سیوڈو بائیوپسیز ‘‘  تیار کی گئیں  ، جو ہال مارک سے چلنے والی ٹیومر کی حالتوں کی نمائندگی کرتی ہیں ۔ اس بڑے ڈیٹا سیٹ نے اے آئی کو یہ  پہچان کرنے کی اجازت دی کہ کس طرح میٹاسٹیسس ، مدافعتی فرار  اور جینومک عدم استحکام جیسے علامات ٹیومر کی نشوونما اور تھراپی کے خلاف مزاحمت کو فروغ دینے کے لیے مل کر کام کرتے ہیں ۔

اونکو مارک نے اندرونی جانچ میں  99 فی صد  سے زیادہ درستگی حاصل کی اور پانچ آزاد دستوں میں  96 فی صد  سے زیادہ باقی رہا ۔ اس کی آٹھ بڑے ڈیٹا سیٹوں سے 20000 حقیقی دنیا کے مریضوں کے نمونوں پر توثیق کی گئی ، جس سے وسیع اطلاق ظاہر ہوتا ہے ۔ پہلی بار ، سائنسداں حقیقی معنوں میں یہ  پتہ لگا سکے کہ کینسر کے مرحلے کو آگے بڑھانے کے ساتھ ہال مارک کی سرگرمی کیسے بڑھتی ہے ۔

کمیونیکیشنز بایولوجی (نیچر پبلشنگ گروپ) میں شائع ہونے والا نیا فریم ورک یہ ظاہر کر سکتا ہے کہ مریض کے ٹیومر میں کون سے خاص نشانات فعال ہیں، جو ڈاکٹروں کو ایسی دوائیوں کی طرف اشارہ کرتے ہیں  ، جو براہ راست ان عمل کو نشانہ بناتے ہیں ۔ یہ   مہلک قسم کے کینسر  کی شناخت کرنے میں بھی مدد کر سکتا ہے  ، جو پہلے کی مداخلت کی حمایت کرتے ہوئے معیاری مرحلے کے تحت کم نقصان دہ نظر آسکتے ہیں ۔

اشاعت کا لنک:        https://doi.org/10.1038/s42003-025-08727-z

...........................

) ش ح –   ع و -  ع ا )

U.No. 1846

(Release ID: 2194750) Visitor Counter : 7