ڈاکٹر امبیڈکر فاؤنڈیشن (ڈی اے ایف)، سماجی انصاف اور بااختیار بنانے کی وزارت، حکومت ہند26 نومبر 2025 کو بھیم ہال، ڈاکٹر امبیڈکر انٹرنیشنل سینٹر (ڈی اے آئی سی) نئی دہلی میں ایک باوقار قومی کانفرنس کا انعقاد کرنے کے لیے تیار ہے ، تاکہ ہندوستان کے آئین کو اپنانے کے 75 سال پورے ہونے کی یاد میں ملک گیرسطح پرسال بھر کی یادگاری تقریب کے شاندار اختتام کو نشان زد کیا جا سکے (سمویدھن @75)۔

اس کانفرنس کا تھیم’’زندہ آئین: جمہوریت، وقار اور ترقی کے 75 سال‘‘ ہے۔  جس میں معروف قانونی اسکالرز، نامور وائس چانسلرز، سینئر ماہرین تعلیم، ڈاکٹر امبیڈکر چیئر پروفیسرز، محققین، سماجی مفکرین، اور ہندوستان بھر کی یونیورسٹیوں اور اداروں کے طلبہ مندوبین شامل ہوں گے۔

ہندوستان کے سابق چیف جسٹس بی آر گوائی اس خصوصی تقریب کے افتتاحی اجلاس کے مہمان خصوصی ہوں گے۔ عزت مآب مرکزی وزیر برائے سماجی انصاف اور بااختیاریت آئین @75 کے اختتام کے موقع پر اختتامی اجلاس میں مہمان خصوصی کے طور پر خطاب کریں گے۔ اس تاریخی تقریب میں سماجی انصاف اور امپاورمنٹ کی وزارت کے سیکرٹری اور ایڈیشنل سیکرٹری بھی شرکت کریں گے۔

کانفرنس کے ایک حصے کے طور پر دو اعلیٰ سطحی پینل مباحثے منعقد کیے جائیں گے:

پینل ڈسکشن I: ’’زندہ آئین عمل میں: 21ویں صدی میں جمہوریت، وقار، اور ترقی‘‘ - جس میں نامور قانونی ماہرین، سینئر ماہرین تعلیم اور آئینی قانون کے ماہرین شامل  ہوں گے۔

پینل ڈسکشن II: ’’سماجی انصاف اور جامع ترقی کے لیے آئینی راستے: معاصر ہندوستان میں ڈاکٹر امبیڈکر کے وژن کا ادراک‘‘ – جس کی صدارت اور نظامت مشہور اسکالرز اور پالیسی ماہرین کریں گے ۔

کانفرنس میں آئین کی تشکیل کے وقت کی نادر آرکائیول اشیاء، تصاویر اور دستاویزات کی نمائش کرنے والی ایک خصوصی نمائش بھی لگائی جائے گی، جو شرکاء کو ہندوستان کے آئینی ورثے کا ایک دلکش بصری تجربہ فراہم کرے گی۔

دن کے پروگرام کے ایک حصے کے طور پر کلیدی خطابات، تھیم پر مبنی لیکچرز اور انٹرایکٹو سیشنز ہندوستان کے جمہوری سفر، آئینی حکمرانی کی زندگی اور ڈاکٹر بی آر امبیڈکر کا سماجی انصاف اور جامع ترقی کا وژن کی لازوال اہمیت کے بارے میں روشنی ڈالیں گے۔

اس تقریب میں امبیڈکر چیئر پروفیسرز، اسسٹنٹ پروفیسرز، ڈاکٹریٹ فیلوز اور نئی دہلی کے آخری سال کے یونیورسٹی کے طلباء سمیت 700 سے زیادہ شرکاء کے شامل ہونے کی امید ہے۔

نیشنل کانفرنس انصاف، آزادی، مساوات اور بھائی چارے کے اصولوں کو برقرار رکھنے کے لیے ہندوستان کے اجتماعی عزم کی توثیق کرتی ہے - وہ بنیادیں جو ہمارے جمہوری اور ترقی کے راستے کو تشکیل دیتی ہیں۔

اس کے علاوہ، دستور کی تمہید پر حلف برداری کی تقریب ہوگی، جس میں سماجی انصاف اور بااختیار بنانے کی وزارت اور اس سے منسلک/خودمختار تنظیموں/کمیشنوں/کارپوریشنوں کا سرکاری عملہ شامل ہوگا۔

*****

 ( ش ح ۔ م ح۔ع د)

U. No. 1721

(रिलीज़ आईडी: 2193619) आगंतुक पटल : 8