کمپنیز ایکٹ 2013 کے تحت قائم سنگین فراڈ انویسٹی گیشن آفس (ایس ایف آئی او) کمپنیز ایکٹ کی دفعہ 212 کے تحت تفویض کردہ پیچیدہ کارپوریٹ دھوکہ دہی کی تحقیقات اور مقدمات کی کارروائی انجام دیتا ہے۔

تحقیقات کے دوران، کمپنیز ایکٹ 2013 کی دفعہ 217 کے مطابق، ایس ایف آئی او سمن/نوٹس جاری کرتا ہے۔

اس تناظر میں، ایس ایف آئی او نے سمن/نوٹس کی نقالی یا غلط استعمال کو روکنے کے لیے تکنیکی اور طریقہ کار کے تحفظات کے مندرجہ ذیل اقدامات مرتب کیے ہیں:

• ایس ایف آئی او کے ذریعے جاری کردہ سمن/نوٹس ڈیجیٹل طور پر تیار کیے جاتے ہیں اور ہر نوٹس میں ایک کیو آر کوڈ اور منفرد دستاویز شناختی نمبر (ڈی آئی این) شامل ہوتا ہے۔
• ایس ایف آئی او کے افسران کو صرف کچھ غیر معمولی حالات میں غیر ڈیجیٹل سمن/نوٹس جاری کرنے کی اجازت ہے، بصورت دیگر تمام سمن/نوٹس ڈیجیٹل طور پر جاری کیے جائیں گے۔

وصول کنندگان درج ذیل دو طریقوں میں سے کسی ایک کے ذریعے سمن/نوٹس کی صداقت کی تصدیق کر سکتے ہیں:

آپشن 1: کیو آر کوڈ اسکین کر کے تصدیق۔

آپشن 2: ایس ایف آئی او کی ویب سائٹ کے ذریعے آن لائن تصدیق۔

ایس ایف آئی او نے سمن/نوٹس کی آن لائن تصدیق کا نظام قائم کیا ہے تاکہ وصول کنندگان فوری طور پر موصولہ نوٹس کی صداقت کی تصدیق کر سکیں۔

یہ تصدیقی نظام شہریوں کو یقین دہانی کراتا ہے کہ انہیں موصول ہونے والی کوئی بھی اطلاع حقیقی ہے اور نقالی یا غلط استعمال سے محفوظ ہے۔

مزید برآں، نگرانی کو بڑھانے کے لیے ایس ایف آئی او میں سمن اور نوٹس کے اجرا کے عمل کی نگرانی کے لیے ایک شفاف کثیر سطحی جائزہ میکانزم بھی موجود ہے۔

*********

( ش ح۔ اس ک۔ ش ہ ب )

U.No.1598

(Release ID: 2192551) Visitor Counter : 9