মহামান্যসকল,

ভদ্ৰ মহিলা আৰু মহোদয়সকল,

নমস্কাৰ!

ৱানাক্কাম!

মই আপোনালোক সকলোকে ইতিহাস আৰু সংস্কৃতিৰে সমৃদ্ধ চহৰ চেন্নাইলৈ স্বাগতম জনাইছো! মই আশা কৰোঁ যে আপোনালোকে ইউনেস্কোৰ বিশ্ব ঐতিহ্য ক্ষেত্ৰ মামাল্লাপুৰম অন্বেষণ কৰিবলৈ কিছু সময় পাব। ইয়াৰ অনুপ্ৰেৰণামূলক শিলৰ খোদাই আৰু বিশাল সৌন্দৰ্য্যৰ সৈতে, ই এক "অৱশ্যেই দৰ্শনীয়" গন্তব্যস্থান।

বন্ধুসকল,

মই প্ৰায় দুই হাজাৰ বছৰ আগতে লিখা থিৰুকুৰালৰ উদ্ধৃতিৰে আৰম্ভ কৰোঁ। মহান সন্ত থিৰুভাল্লুভাৰে কৈছেঃ :“नेडुंकडलुम तन्नीर मै कुंडृम तडिन्तेडिली तान नल्गा तागि विडिन”। ইয়াৰ অৰ্থ হৈছে, "আনকি মহাসাগৰবোৰো সংকুচিত হ"ব, যদি ইয়াৰ পানী ওপৰলৈ টানি অনা ডাৱৰে ইয়াক বৰষুণৰ ৰূপত ঘূৰাই নিদিয়ে"। ভাৰতত প্ৰকৃতি আৰু ইয়াৰ পদ্ধতিবোৰ শিক্ষাৰ নিয়মীয়া উৎস হৈ আহিছে। এইবোৰ কেইবাখনো শাস্ত্ৰৰ লগতে মৌখিক পৰম্পৰাত পোৱা যায়। আমি শিকিছো, पिबन्ति नद्य: स्वयमेव नाम्भ:, स्वयं न खादन्ति फलानि वृक्षा:। नादन्ति सस्यं खलु वारिवाहा:, परोपकाराय सतां विभूतय:।। ।

অৰ্থাৎ, "নদীবোৰে নিজৰ পানী নাখায় আৰু গছবোৰেও নিজৰ ফল নাখায়। ডাৱৰবোৰেও তেওঁলোকৰ পানীৰ দ্বাৰা উৎপাদিত শস্য গ্ৰহণ নকৰে।" প্ৰকৃতিয়ে আমাক যোগান ধৰে। আমি প্ৰকৃতিৰ বাবেও যোগান ধৰিব লাগিব। পৃথিৱী মাতৃৰ সুৰক্ষা আৰু যত্ন লোৱাটো আমাৰ মৌলিক দায়িত্ব। আজি ই "জলবায়ু কাৰ্যব্যৱস্থা"ৰ ৰূপ ধাৰণ কৰিছে কাৰণ এই কৰ্তব্যক বহুতে দীৰ্ঘদিন ধৰি অৱহেলা কৰিছিল। ভাৰতৰ পৰম্পৰাগত জ্ঞানৰ ওপৰত ভিত্তি কৰি, মই গুৰুত্ব দিম যে জলবায়ু কাৰ্য্যব্যৱস্থাই "অন্ত্যোদয়" অনুসৰণ কৰিব লাগিব। অৰ্থাৎ, আমি সমাজৰ অন্তিম ব্যক্তিৰ উত্থান আৰু বিকাশ নিশ্চিত কৰিব লাগিব। গোলকীয় দক্ষিণৰ দেশসমূহ বিশেষকৈ জলবায়ু পৰিৱৰ্তন আৰু পাৰিপাৰ্শ্বিক সমস্যাৰ দ্বাৰা প্ৰভাৱিত হয়। আমি "ৰাষ্ট্ৰসংঘৰ জলবায়ু চুক্তি" আৰু "পেৰিছ চুক্তি"ৰ অধীনত প্ৰতিশ্ৰুতিক লৈ কাৰ্যব্যৱস্থা গ্ৰহণ কৰিব লাগিব। ই গোলকীয় দক্ষিণক জলবায়ু অনুকূল উপায়েৰে ইয়াৰ উন্নয়নমূলক আকাংক্ষা পূৰণত সহায় কৰাত গুৰুত্বপূৰ্ণ হ'ব।

বন্ধুসকল,

মই গৌৰৱেৰে কওঁ যে ভাৰতে ইয়াৰ উচ্চাকাংক্ষী "ৰাষ্ট্ৰীয়ভাৱে নিৰ্ধাৰিত অৱদান"ৰ জৰিয়তে নেতৃত্ব দিছে। ভাৰতে ২০৩০ চনৰ লক্ষ্যৰ ৯ বছৰ পূৰ্বে অ-জীৱাশ্ম ইন্ধনৰ উৎসৰ পৰা ইয়াৰ স্থাপিত বৈদ্যুতিক ক্ষমতা লাভ কৰিছিল। আৰু, আমি আমাৰ উন্নীত কৰা লক্ষ্যসমূহৰ জৰিয়তে সীমাটো আৰু অধিক ওপৰত ৰাখিছো। আজি, স্থাপিত নৱীকৰণযোগ্য শক্তি ক্ষমতাৰ ক্ষেত্ৰত ভাৰত বিশ্বৰ শীৰ্ষ ৫খন দেশৰ ভিতৰত অন্যতম। আমি ২০৭০ চনৰ ভিতৰত "নেট জিৰো"ত উপনীত হোৱাৰ লক্ষ্যও নিৰ্ধাৰণ কৰিছো। আমি আন্তঃৰাষ্ট্ৰীয় সৌৰ মিত্ৰতা, চিডিআৰআই, আৰু "উদ্যোগ পৰিৱৰ্তনৰ বাবে নেতৃত্ব গোট"ৰ দৰে মিত্ৰতাৰ জৰিয়তে আমাৰ অংশীদাৰসকলৰ সৈতে সহযোগিতা অব্যাহত ৰাখিছো।

বন্ধুসকল,

ভাৰত এখন বৃহৎ বৈচিত্ৰ্যময় দেশ। আমি জৈৱ বৈচিত্ৰ্য সংৰক্ষণ, সুৰক্ষা, পুনৰুদ্ধাৰ আৰু সমৃদ্ধিৰ ক্ষেত্ৰত নিৰন্তৰভাৱে অগ্ৰণী ভূমিকা পালন কৰি আহিছো। মই সুখী যে "গান্ধীনগৰ ইমপ্লিমেণ্টেচন ৰোডমেপ এণ্ড প্লেটফৰ্ম"ৰ জৰিয়তে আপোনালোকে বনজুই আৰু খননৰ দ্বাৰা প্ৰভাৱিত অগ্ৰাধিকাৰমূলক ভূ-দৃশ্যৰ পুনৰুদ্ধাৰক স্বীকৃতি দিছে। ভাৰতে শেহতীয়াকৈ আমাৰ গ্ৰহৰ সাতটা বাঘৰ প্ৰজাতিৰ সংৰক্ষণৰ বাবে "আন্তঃৰাষ্ট্ৰীয় বিগ কেট এলায়েন্স" আৰম্ভ কৰিছে। ই সংৰক্ষণৰ এক অগ্ৰণী পদক্ষেপ প্ৰজেক্ট টাইগাৰৰ পৰা আমি লাভ কৰা শিক্ষাৰ ওপৰত আধাৰিত। প্ৰজেক্ট টাইগাৰৰ ফলস্বৰূপে, আজি বিশ্বৰ ৭০ শতাংশ বাঘ ভাৰতত পোৱা যায়। আমি প্ৰজেক্ট লায়ন আৰু প্ৰজেক্ট ডলফিনৰ ওপৰতো কাম কৰি আছো।

বন্ধুসকল,

ভাৰতৰ পদক্ষেপসমূহ জনসাধাৰণৰ অংশগ্ৰহণৰ দ্বাৰা চালিত। "মিছন অমৃত সৰোবৰ" হৈছে এক অনন্য জল সংৰক্ষণৰ পদক্ষেপ। এই অভিযানৰ অধীনত মাত্ৰ এবছৰতে ৬৩ হাজাৰৰো অধিক জলাশয় বিকশিত কৰা হৈছে। এই অভিযান সম্পূৰ্ণৰূপে সামূহিক অংশগ্ৰহণৰ জৰিয়তে আৰু প্ৰযুক্তিৰ সহায়ত ৰূপায়ণ কৰা হয়। আমাৰ "কেচ দ্য ৰেইন" অভিযানেও উৎকৃষ্ট ফলাফল দেখুৱাইছে। পানী সংৰক্ষণৰ বাবে এই অভিযানৰ জৰিয়তে দুই লাখ আশী হাজাৰৰো অধিক পানী সংৰক্ষণৰ গাঁথনি নিৰ্মাণ কৰা হৈছে। ইয়াৰ উপৰি, প্ৰায় দুই লাখ পঞ্চাশ হাজাৰ পুনৰ ব্যৱহাৰ আৰু পুনৰ ভৰ্তিৰ গাঁথনিও নিৰ্মাণ কৰা হৈছে। এই সকলোবোৰ জনসাধাৰণৰ অংশগ্ৰহণৰ জৰিয়তে আৰু স্থানীয় মাটি আৰু পানীৰ অৱস্থাৰ ওপৰত গুৰুত্ব আৰোপ কৰি কৰা হৈছিল। আমি গংগা নদী পৰিষ্কাৰ কৰাৰ বাবে "নমামি গংগে মিছন"ত সামূহিক অংশগ্ৰহণকো ফলপ্ৰসূভাৱে ব্যৱহাৰ কৰিছো। ইয়াৰ ফলত নদীখনৰ বহু অংশত গাঙ্গেয় ডলফিন পুনৰ দেখা পোৱাৰ ক্ষেত্ৰত এক গুৰুত্বপূৰ্ণ সাফল্য লাভ কৰিছে। আৰ্দ্ৰভূমি সংৰক্ষণৰ ক্ষেত্ৰত আমাৰ প্ৰচেষ্টাও ফলপ্ৰসূ হৈছে। ৰামছাৰ স্থান হিচাপে মনোনীত ৭৫টা জলাশয়ৰ সৈতে, ভাৰতত এছিয়াৰ ৰামছাৰ স্থানৰ সৰ্ববৃহৎ নেটৱৰ্ক আছে।

বন্ধুসকল,

আমাৰ মহাসাগৰসমূহে সমগ্ৰ বিশ্বৰ ৩০০ কোটিৰো অধিক লোকৰ জীৱিকাৰ সহায় কৰে। সেইবোৰ হৈছে এক গুৰুত্বপূৰ্ণ অৰ্থনৈতিক সম্পদ, বিশেষকৈ "ক্ষুদ্ৰ দ্বীপ ৰাজ্যসমূহ"ৰ বাবে, যাক মই "বৃহৎ মহাসাগৰীয় দেশসমূহ" বুলি ক’বলৈ ভাল পাওঁ। এইবোৰ ব্যাপক জৈৱ বৈচিত্ৰ্যৰো বাসস্থান। সেয়েহে, মহাসাগৰীয় সম্পদৰ দায়িত্বশীল ব্যৱহাৰ আৰু ব্যৱস্থাপনা অতি গুৰুত্বপূৰ্ণ। মই "বহনক্ষম আৰু স্থিতিস্থাপক নীলা আৰু মহাসাগৰ ভিত্তিক অৰ্থনীতিৰ বাবে জি-২০ উচ্চ পৰ্যায়ৰ নীতি" গ্ৰহণৰ বাবে আগ্ৰহী। এই সন্দৰ্ভত, মই জি-২০ক প্লাষ্টিক প্ৰদূষণ সমাপ্ত কৰাৰ বাবে এক ফলপ্ৰসূ আন্তঃৰাষ্ট্ৰীয় আইনীভাৱে বাধ্যতামূলক ব্যৱস্থাৰ বাবে গঠনমূলকভাৱে কাম কৰিবলৈ আহ্বান জনাইছো।

বন্ধুসকল,

যোৱা বছৰ, ৰাষ্ট্ৰসংঘৰ মহাসচিবৰ সৈতে, মই মিছন লাইফ-পৰিৱেশৰ বাবে জীৱনশৈলী আৰম্ভ কৰিছিলো। বিশ্বজনীন গণ আন্দোলন হিচাপে মিছন লাইফে পৰিৱেশ সুৰক্ষা আৰু সংৰক্ষণৰ বাবে ব্যক্তিগত আৰু সামূহিক পদক্ষেপ গ্ৰহণ কৰিব। ভাৰতত যিকোনো ব্যক্তি, কোম্পানী বা স্থানীয় সংস্থাৰ পৰিৱেশ অনুকূল পদক্ষেপৰ প্ৰতি অলক্ষিত থাকিব নোৱাৰিব। ই এতিয়া শেহতীয়াকৈ ঘোষণা কৰা "গ্ৰীণ ক্ৰেডিট প্ৰগ্ৰেম"ৰ অধীনত তেওঁলোকক সেউজ ক্ৰেডিট অৰ্জন কৰিব পাৰে। ইয়াৰ অৰ্থ হ’ব যে বৃক্ষ ৰোপণ, জল সংৰক্ষণ আৰু বহনক্ষম কৃষিৰ দৰে কাৰ্যকলাপে এতিয়া ব্যক্তি, স্থানীয় নিকায় আৰু অন্যান্যৰ বাবে ৰাজহ সৃষ্টি কৰিব পাৰে।

বন্ধুসকল,

শেষত মই পুনৰ কওঁ যে আমি মাতৃ প্ৰকৃতিৰ প্ৰতি আমাৰ কৰ্তব্য পাহৰিব নালাগে। মাতৃ প্ৰকৃতিয়ে খণ্ডিত দৃষ্টিভংগীৰ পক্ষপাতী নহয়। তেওঁ "বসুধৈব কুটুম্বকম"-এক পৃথিৱী, এক পৰিয়াল, এক ভৱিষ্যত পছন্দ কৰে। মই আপোনালোক সকলোকে এক ফলপ্ৰসূ আৰু সফল বৈঠক কামনা কৰিছো। ধন্যবাদ জ্ঞাপন কৰিলো।

নমস্কাৰ!

***

DS/LP/HS