مرکزی وزیر برائے بندرگاہوں، جہاز رانی اور آبی گزرگاہوں (ایم او پی ایس ڈبلیو) جناب سربانند سونووال نے آج یہاں کیئر لیوٹ کے زیر اہتمام 5ویں دو سالہ "سن آف دی سوائل ایوارڈز آسام 2025" میں آسام کے پانچ نوجوان ٹیلنٹس کو 'سنز آف دی سوائل ایمرجنگ اچیورز ایوارڈ'سے نوازا۔ اس تقریب نے متنوع شعبوں میں شاندار خدمات کا جشن منایا اور ان افراد کو اعزاز سے نوازا جو ہندوستان کے ترقیاتی سفر میں آسام کی ابھرتی ہوئی صلاحیت اور بڑھتے ہوئے وقار کی نمائندگی کرتے ہیں۔

ایمرجنگ اچیورز ایوارڈ سکریتا برواہ (میڈیا اینڈ کمیونیکیشن)، سنگھ مترا کلیتا (انٹرپرینیورشپ)، اشارانی برواہ (اسپورٹس)، ہمجوتی تعلقہدار (آرٹ اینڈ کلچر) اور ڈاکٹر دیبجانی بوراہ (کنزرویشن) کو پیش کیا گیا۔ ان ایوارڈ یافتگان کو اپنے متعلقہ شعبوں میں بہترین کارکردگی، لگن اور اختراع کے مظاہرے کے لیے تسلیم کیا گیا۔

تقریب سے خطاب کرتے ہوئے مرکزی وزیر سربانند سونووال نے کہا کہ یہ ایوارڈ آسام کے نوجوانوں میں موجود امنگوں اور جذبے کی نمائندگی کرتا ہے۔ "اتکرجتا اور لچک کے جذبے نے ہمیشہ آسام کے لوگوں کی شناخت کی ہے۔ یہ نوجوان کامیابیاں حاصل کرنے والے ترقی پسند اور پراعتماد نسل کی نمائندگی کرتے ہیں جو قوم کی تعمیر میں بھرپور حصہ ڈالنے کے لیے پرعزم ہے۔ ان کی کامیابی اس بات کا ثبوت ہے کہ عزم، حوصلہ اور نظم و ضبط کے ساتھ کیا کچھ حاصل کیا جا سکتا ہے۔"

آسام اور شمال مشرق کے نوجوانوں سے ایوارڈ یافتگان سے تحریک حاصل کرنے کی اپیل کرتے ہوئے وزیر موصوف نے مزید کہا، "آج کے ایوارڈ یافتگان نے یہ دکھایا ہے کہ جب کوئی اپنے خوابوں پر یقین رکھتا ہے اور انتھک محنت کرتا ہے تو بڑی کامیابیاں حاصل کی جا سکتی ہیں۔ میں آسام کے نوجوانوں سے درخواست کرتا ہوں کہ وہ اپنی کامیابیوں سے حوصلہ اور امید حاصل کریں اور ان کے نظم و ضبط اور استقامت سے تحریک لے کر ایک مضبوط، باصلاحیت اور خود کفیل معاشرے کی تعمیر میں حصہ ڈالیں۔"

جناب سربانند سونووال نے ترقی کے اس جذبے کو وزیر اعظم جناب نریندر مودی کی قیادت میں قومی وژن سے جوڑتے ہوئے کہا، "ہمارے متحرک وزیر اعظم جناب نریندر مودی جی نے قوم کو ایک رہنما فلسفہ دیا ہے: 'سب کا ساتھ، سب کا وکاس، سب کا وشواس، سب کا پریاس'۔ یہ وژن ہمیں یاد دلاتا ہے کہ ترقی تب ہی بامعنی ہوتی ہے جب ہر کوئی حصہ لے اور فائدہ اٹھائے۔ یہی اجتماعی کوشش، اعتماد، اتحاد اور مشترکہ ترقی ہے جس کے ذریعے ہندوستان آج دنیا کی سرکردہ معیشتوں میں فخر سے کھڑا ہے۔ میں ہر نوجوان شہری سے اپیل کرتا ہوں کہ وہ اس پیغام کو دل پر لے کر ہمارے عظیم ملک کی خدمت کے لیے دیانتداری، قابلیت اور محنت کے ساتھ تعاون کریں۔"

سربانند سونووال نے لائف ٹائم اچیومنٹ ایوارڈز کے وصول کنندگان ارون ناتھ (آرٹ اینڈ کلچر)، روی شنکر روی (نیوز میڈیا)، مین الدین احمد (اسپورٹس)، لکیمی برواہ (انٹرپرینیورشپ) اور سمنتا داس (پبلک سروس) کو بھی ان کی پائیدار شراکت اور قیادت کو تسلیم کرتے ہوئے اعزاز سے نوازا، جنہوں نے نسلوں کی تشکیل میں نمایاں کردار ادا کیا۔ سونووال نے سوشل سیکٹر ڈیولپمنٹ ایوارڈ حاصل کرنے والی ڈاکٹر الکا شرما اور اکشر فاؤنڈیشن کو تعلیم اور کمیونٹی کو بااختیار بنانے میں تبدیلی لانے والے کام کے لیے مبارکباد دی۔

2016 میں قائم کیے گئے "سن آف دی سوائل ایوارڈز" کیئر لیوٹ کے زیر اہتمام ان افراد اور تنظیموں کو مناتے ہیں جن کی لگن، اختراع اور خدمت آسام کے فخر اور ورثے کی نمائندگی کرتی ہے۔ جناب سونووال نے اس تحریک کو فروغ دینے اور شناخت کو مضبوط بنانے کے اقدام کی تعریف کی۔ "اتکرجتا کو تسلیم کرنا مزید اتکرجتا کی ترغیب دیتا ہے۔ اس طرح کی پہچان سے اعتماد پیدا ہوتا ہے اور امنگوں کی ثقافت جنم لیتی ہے جو اگلی نسل کو بڑے خواب دیکھنے اور بڑے حصول کے لیے بااختیار بناتی ہے۔"

اپنے خطاب کا اختتام کرتے ہوئے جناب سونووال نے پرتیبھا کی ترقی اور قومی ترقی میں آسام کے کردار کو مضبوط بنانے کے عزم کا اعادہ کیا۔ "اجتماعی کوشش اور وژن کے ساتھ، آسام ترقی کرتا رہے گا۔ ہم مل کر ایک مضبوط ہندوستان کی تعمیر کریں گے۔"

 

 

 

 

***

(ش ح۔اس ک  )

UR-1320

(Release ID: 2190466) Visitor Counter : 12