محترمہ نیلم شمی راؤ، سکریٹری وزارت ٹیکسٹائل اور چیئرپرسن، ٹیکسٹائل کمیٹی، نے آج سے ممبئی کا اپنا دو روزہ جامع دورہ شروع کیا، جس میں وزارت ٹیکسٹائل کے تحت کام کرنے والے مختلف اداروں کے جاری پروگراموں، ادارہ جاتی کارکردگی اور پالیسی پر عمل آوری کی پیش رفت کا جائزہ لیا۔ اپنے دورے کے پہلے دن، انہوں نے ہتھکرگھے اور اس سے منسلک شعبوں سے متعلق سرگرمیوں کا جائزہ لیا، ان کے ساتھ ڈاکٹر ایم بینا، ڈویلپمنٹ کمشنر (ہینڈ لومز) بھی تھیں۔

دورے کے دوران سکریٹری نے محترمہ انشو سنہا، آئی اے ایس، پرنسپل سکریٹری (ٹیکسٹائل) حکومت مہاراشٹرا اور حکومت مہاراشٹر کے دیگر سینئر افسران کے ساتھ بات چیت کی اور ریاست مہاراشٹر میں مرکزی اسکیموں کے ریاستی اور مرکزی نفاذ دونوں کے ساتھ ہم آہنگی لانے پر غور کیا اور ریاست میں سیکٹر کی ترقی کو متاثر کرنے والے مسائل پر تبادلہ خیال کیا۔

اس دورے کا آغاز ٹیکسٹائل کمیٹی میں ایک تفصیلی جائزہ اجلاس سے ہوا، جہاں سیکرٹری نے ٹیکسٹائل کمیٹی ایکٹ 1963 میں ٹیکسٹائل کمیٹی کے بانی کی طرف سے تجویز کردہ افعال کے بارے میں تنظیم کی سرگرمیوں کا جائزہ لیا اور اس کی سرگرمیوں کی تنظیم نو اور از سر نو ترتیب دینے کا مشورہ دیا تاکہ وزارت کے اہداف کو پورا کرنے کے لیے ٹیکسٹائل کمیٹی ایکٹ 1963 میں کام کیا جا سکے۔ انہوں نے سائنسی، تکنیکی اور اقتصادی تحقیق میں صنعت کی بڑھتی ہوئی ضروریات پر زور دیا اور ٹیکسٹائل کمیٹی کے کاموں کو ان سے منسوب کیا اور صنعت اور حکومت دونوں کی خواہشات کو پورا کرنے کے لیے ترجیحات کو دوبارہ ترتیب دینے کا مشورہ دیا۔  انہوں نے کہا کہ ٹی سی کو اس شعبے کے زمینی حقائق پر معلومات فراہم کرتے ہوئے صنعت اور حکومت کے درمیان ایک لنک کی طرح کام کرنا چاہیے تاکہ وزارت ٹیکسٹائل کی پالیسی مداخلتوں کی مدد سے صنعت کو ان مسائل کو کم کرنے میں مدد مل سکے۔

اس کے بعد محترمہ راؤ نے سنتھیٹک اینڈ آرٹ سلک ملز ریسرچ ایسوسی ایشن کا دورہ کیا۔ جائزہ سنتھیٹک اینڈ آرٹ سلک ملز ریسرچ ایسوسی ایشن کے تکنیکی ٹیکسٹائل، انسان کے بنائے ہوئے ریشوں اور سبز ٹیکسٹائل اختراعات میں جاری تحقیق و ترقی پر مرکوز تھا۔ سکریٹری نے تربیت اور تعلیم، تکنیکی ٹیکسٹائل ایپلی کیشنز کو فروغ دینے، صنعتی جانچ کی سہولیات اور صلاحیت سازی کے پروگراموں میں سنتھیٹک اینڈ آرٹ سلک ملز ریسرچ ایسوسی ایشن کے تعاون کو سراہا، جن کا مقصد مصنوعی شعبے کی مسابقت کو مضبوط کرنا ہے۔ انہوں نے سنتھیٹک اینڈ آرٹ سلک ملز ریسرچ ایسوسی ایشن کی تحقیقی سرگرمیوں کو عالمی پائیداری اور ری سائیکلنگ کے مقاصد کے ساتھ ہم آہنگ کرنے کی ضرورت پر زور دیا۔

ویور سروس سنٹر (ڈبلیو ایس سی) میں، دفتر ترقیاتی کمشنر (ہینڈلومز)، محترمہ راؤ اور ڈاکٹر بینا نے بڑی اسکیموں کے نفاذ کا جائزہ لیا، جن میں نیشنل ہینڈلوم ڈیولپمنٹ پروگرام، کلسٹر ڈیولپمنٹ پروگرام اور مارکیٹنگ سے متعلق امور جیسے کہ نمائشیں، ڈیزائن اختراعات اور ویورز کے لیے ڈیجیٹل پلیٹ فارم شامل ہیں۔ سکریٹری نے ٹکنالوجی کے انضمام، ای کامرس کی اہلیت اور ہینڈلوم مارک کو فروغ دینے کی اہمیت کو اُجاگر کیا تاکہ ہندوستان کی ہینڈ لوم مصنوعات کی گھریلو  ترسیل اور برآمدات کو وسعت دی جاسکے۔

اس کے بعد وفد نے کاٹن ٹیکسٹائل ایکسپورٹ پروموشن کونسل کا دورہ کیا، جہاں کاٹن ٹیکسٹائل ایکسپورٹ سیکٹر کے نمائندوں کے ساتھ بات چیت کی گئی۔ بات چیت میں برآمدی مسابقت، منڈیوں کے تنوع، کستوری کاٹن بھارت اور ویلیو ایڈڈ کاٹن ٹیکسٹائل مصنوعات کے فروغ پر توجہ مرکوز کی گئی۔ محترمہ راؤ نے تجارتی میلوں، خریدار فروخت کنندگان کے اجلاس اور بین الاقوامی برانڈنگ اقدامات کے ذریعے برآمد کنندگان کی حمایت میں کاٹن ٹیکسٹائل ایکسپورٹ پروموشن کونسل کے فعال کردار کی تعریف کی۔

اسی طرح کا ایک جائزہ اجلاس مین -میڈ  ٹیکسٹائل ایکسپورٹ پروموشن کونسل ( ٹی ای ایکس پی آر او سی آئی ایل ) میں منعقد ہوا۔ سکریٹری نے برآمدات کی کارکردگی کے رجحانات، مصنوعی اور ملاوٹ شدہ ٹیکسٹائل برآمد کنندگان کو درپیش چیلنجوں اور ہندوستانی انسان ساختہ ریشوں کے لیے عالمی سطح پر نمائش کو بڑھانے کے لیے حکمت عملیوں کا جائزہ لیا۔ انہوں نے کونسل کی پائیداری سے چلنے والے برآمدی ماڈلز کو اپنائنے اور زیادہ سے زیادہ مارکیٹ تک رسائی کے لیے ایف ٹی اے ​​اور تجارتی معاہدوں کا فائدہ اٹھانے کی حوصلہ افزائی کی ۔

شام کو، سکریٹری نے ٹیکسٹائل کمشنر کے دفتر میں ایک جامع جائزہ میٹنگ کی، جس میں وزارت کی اہم فلیگ شپ اسکیموں پر توجہ مرکوز کی گئی جیسے کہ پی ایم مترا پارکس اسکیم، ٹیکسٹائل کے لیے پروڈکشن لنکڈ انسینٹیو (پی ایل آئی) اسکیم، اور سمرتھ – اسکل ڈیولپمنٹ اسکیم۔ شام کے بعدمحترمہ راؤ بڑی صنعتی انجمنوں کے ساتھ ایک میٹنگ کی صدارت کریں گی، جس میں ٹیکسٹائل ویلیو چین کے سرکردہ نمائندے ببی شامل ہوں گےتاکہ پالیسی فیڈ بیک، استھکام سے متعلق اقدامات، اور سرمایہ کاری کے فروغ پر تبادلہ خیال کیا جا سکے۔

********

ش ح۔ع و۔ن ع

U-1222

(Release ID: 2189795) Visitor Counter : 8