Ka Prime Minister’s Mementos e-Auction 2025 ka la wanrah lang palat 1,300 tylli ki tiar ba kyrpang ba la ai sngewbha sha u Myntri Rangbahduh ba donburom na kylleng ka ri kynthup ïa ki memento ba kyrpang na ka thaiñ shatei lammihngi jong ka Ri India. Da kaba mihkhmat ïa ka Assam, Nagaland, Meghalaya, Sikkim, bad Arunachal Pradesh, kine ki jingai sngewbha ki pyni ïa ka jingstad shna jingshna, ka riti dustur, bad ka jingsarong ha ka kolshor jong ka thaiñ. Kane ka jingdie lilam, kaba pynïaid online ha ka pmmementos.gov.in haduh ka 2 tarik u Risaw, kam dei tang ka lad ban long trai ïa ki tiar ba kordor jong ka ri, ka dei ruh ka lad ban kyrshan ïa ka Namami Gange Project, ha kaba man la ka jingtyrwa kan bei tyngka ïa ka sienjam ban pynneh pynsah ïa ka Wah Bakhuid.

Nagaland:

Mithun- Ka jingoh shrong na u dieng ia u masi

Kane ka dur ba oh shrong ha u dieng, kaba la ai da u Lat ka jylla Nagaland, ka pyni ia u Mithun, u mrad uba donbor bad uba don ka bynta kaba kongsan ha ka jingim jong ki Naga. La pynwandur ha ka rukom ba itynnad bad la pynphyrnai, kane ka dur ka ieng kum ka dak jong ka spah bad ka burom ha ka imlang sahlang hapdeng ki Naga. Ka rukom saindur ka pynpaw ïa ki jingïadei kiba jylliew hapdeng ka imlang sahlang, ka kolshor, bad ka mariang kiba batai ïa ka riti dustur shna tiar jong ka Nagaland. Kane ka dei ka kabu kaba kham niar ban long trai ia ka tiar kaba pyni ia ka jinglong jong ka thain bad ka jingstad ha ka jingsaindur.

Ka Jainkup Naga ba la shna da ka kti

Ka jainkup Naga kaba la die lilam ka long kham palat ban ia ka jain; ka long ka dak jong ka pateng. Da ka nongrim kaba khlain ha ki rong bapher bapher kaba la pynitynnad da ki bynta kiba saw bad ki motif ba la shna ban pyni ia ki khnam bad ki stieh, ka jainkup ka pyni ia ka jingshlur bad ka burom. Ha ka imlang sahlang jong ki Naga, ki jainkup ba la shna da ka kti ki pyni ia ka kyrdan ha ka imlang sahlang bad ia ka jingjop shimet, ki iathuh ia ki khana kiba la hiar na kawei ka pateng sha kawei pat. Kane ka jainkup ka long kaba biang bha na ka bynta uno uno uba kwah ban pyniasoh bad ka jinglong jong ka thain shatei lammihngi jong ka ri India.

Meghalaya:
Ka lieng ba shna na u siej

La pynwandur da ka jingtbit ban trei da ki siej ba don ha ka thain, kane ka lieng ka pyni ïa ka dustur jong ka Meghalaya ha kaba iadei bad ki siej bad ka jingshna tiar na ki siej. La shna da ki kyrdan bapher bapher ba la pynbeit ryntih bad ki dur ba la oh shrong bha, ka model ka pyni ia ka rukom treikam jong ka thain ha ka kam saindur: ka jingstad, ka jingtrei kti, bad ka jingmutdur. Ka ieng kum ka dak jong ka jingangnud bad ka jingtrei kti, kaba pynkylla ia ki tiar kiba pyndonkam man ka sngi sha ka tiar kaba itynnad bad kaba ki briew ki kwah bha.

Assam:

Ka mask Garuda ba wah ha kynroh

Kane ka mask Garuda ka wan na Majuli, ka dewlynnong kaba heh tam ha ka pyrthei bad ka jaka pdeng jong ka kolshor jong ka Assam. La shna ia ka na ka dewbyrtha bad u siej da kaba pyndonkam ia ki buit shna mask tynrai, ka pyni ia ka Garuda, ka sim blei na ka khanatang ba la pyndonkam ha ki jinglehniam ba rim. Ka mask ka dap da ka jingmut, ka jingtbit, bad ka jingngeit jong ka thain, kaba pynlong ia ka kum ka tiar ba pyni shisha ia ki riti dustur ba kynja mynsiem bad dustur iathuh khana jong ki nong Assam.

Ka Japi jong ki Assamese

La shna na u siej bad ki sla palm, bad la pynitynnad da ki dur ba airing itynnad, ka Japi kadei kaba iada na slap bad ka dak jong ka burom ha kylleng ka Assam. La ju phong da ki nongrep bad la ai sngewbha ia ki briew ba kyrpang, ka pynpaw ia ka jingiadei hapdeng ka kam kaba man ka sngi, ka jingpdiang sngewbha, bad ka jingsngew sarong ia ka kolshor ha ki jaka nongkyndong. Ban don ia ka Japi ka long ban bat ia ka tiar kaba pyni ia ka jinglong jong ka Assam.

Ka Muga Silk Angavastra

Kane ka angavastra kaba don ka rong ksiar, kaba la shna na ka jain muga ba pawnam jong ka Assam, ka pyni ia ka rukom shna jain kaba kyrpang jong ka jylla. Ka jain, ryngkat bad ki rukom thain kiba itynnad bad kane ka jain ka long ruh kaba shai bha, ka long kaba biang ban pyndonkam ha ki kam kiba kham kyrpang bad ka pyni ruh ia ka jingsarong kaba man ka sngi. Ka long kaba skhem, kaba itynnad, bad ka nuksa kaba kyrpang jong ka kam thain jain Assamese kaba tbit.

Sikkim:

Ka jingpynwan dur ia u Blei Buddha da ka rnong

Ka jingpynwandur da ka rnong kaba itynnad bha ia u Blei Buddha, kaba la shna da ki nongtrei kti na Sikkim, ka pyni ia u Buddha ha ka jingpynleit jingmut kaba jai jai. Da ki jainkup ba la shna ha ka rukom kaba bniah bad ka dur khmat kaba i jai jai, kane ka tiar ka pynpaw ïa ki jingktah jong ka niam Buddhism kiba pynwan dur ïa ka kolshor bad ka pateng tynrai jong ka Sikkim.

Arunachal Pradesh:

Ka kam shna tiar da ki dieng jong ki Wancho – Ki shikurim nongriewlum

Kane ka tiar kaba la saindur itynnad bha na u dieng, ka pyni ia ki shikurim na ka jaitbynriew Wancho na Arunachal Pradesh. Ki arngut ki briew ia kiba la pynphong da ki jain tynrai, ki pyni nuksa ia ka jingtbit ban pynwandur na u dieng bad ka jingiathuhkhana jong ka jaitbynriew Wancho. La buh ha ka synduk kaba saw kaba itynnad, kane ka tiar ka pyni ia ka jinglong riewlum bad ki kam oh shrong.

Na ka bynta ka jingtip ba kham bniah bad ban ai ia ki jingtyrwa dor jong phi, leit ha ka pmmementos.gov.in. Ka jingtyrwa dor kan sdang haduh ka 2 tarik Risaw. Man ka jingtyrwa dor kaba jop kan kyrshan ia ka jingpynneh pynsah ia ka wah bad ka pateng jong ka ri.

****

(रिलीज़ आईडी: 2189490) आगंतुक पटल : 11