بھارت سرکار کی الیکٹرانکس اور انفارمیشن ٹیکنالوجی کی وزارت کے تحت انڈیا اے آئی مشن نے بین الاقوامی توانائی ایجنسی (آئی ای اے) کے تعاون سے، توانائی میں مصنوعی ذہانت کے حقیقی دنیا کے اثرات پر آنے والی کیس بک کے لیے عالمی سطح پر خلاصے مدعو کیے ہیں۔ یہ تعاون آئی ای اے کی عالمی مہارت اور تجزیاتی فریم ورک سے فائدہ اٹھانے کی کوشش کرے گا جبکہ گلوبل ساؤتھ کے پائیدار توانائی کے اہداف کے ساتھ ہم آہنگی میں ذمہ دارانہ، جامع اور اثر انگیز مصنوعی ذہانت کو اپنانے کو فروغ دینے کے لیے انڈیا اے آئی مشن کے وژن کی حمایت کرے گا۔

انڈیا اے آئی اور آئی ای اے کے ذریعہ مشترکہ طور پر تیار ہونے والی اس کیس بک کا مقصد اختراع کاروں، محققین اور کاروباری افراد کو پالیسی سازوں، محققین اور صنعت کے رہنماؤں کے عالمی سامعین کے سامنے اپنے مصنوعی ذہانت سے چلنے والے توانائی کے حل کی نمائش کرنے کا ایک منفرد موقع فراہم کرنا ہے۔ کیس بک علم کے اشتراک کے ذخیرے کے طور پر کام کرے گی، جو انڈیا اے آئی مشن اور پائیدار توانائی کے مستقبل کے لیے بھارت سرکار کے روڈ میپ کے ساتھ ہم آہنگ ہوتے ہوئے بین شعبہ جاتی اور کراس کنٹری تعاون کو قابل بنائے گی۔

محققین، اختراع کاروں، پریکٹیشنرز، اور ڈومین ماہرین کو، جنہوں نے توانائی کے شعبے میں کامیاب، توسیع پذیر، اور مؤثر اے آئی حل نافذ کیے ہیں، 21 نومبر 2025 تک اپنے خلاصے (زیادہ سے زیادہ 200 الفاظ) جمع کرانے کے لیے مدعو کیا جاتا ہے۔

اہم تاریخیں

● خلاصہ جمع کرانے کی آخری تاریخ: 21 نومبر 2025

● ابواب کا مسودہ تیار کرنا: دسمبر 2025

● انڈیا-اے آئی امپیکٹ سمٹ، 2026: 19-20 فروری 2026 میں کیس بک کا اجرا

سوالات یا وضاحتوں کے لیے، درخواست دہندگان سبجیکٹ لائن کا استعمال کرتے ہوئے  fellow3.gpai-india@meity.gov.in پر میل کر سکتے ہیں: ’’ AI in Energy – Query – [Author Name]‘‘۔

شارٹ لسٹ ہونے والے اندراجات کو کیس بک کے اہداف کے مطابق ایک باب (800 الفاظ) میں شرکت کے لیے مدعو کیا جائے گا، جس کی نقاب کشائی نئی دہلی میں انڈیا-اے آئی امپیکٹ سمٹ 2026 میں کی جائے گی۔ جمع کرانے کے تفصیلی رہنما خطوط اور درخواست فارم https://impact.indiaai.gov.in/events/iea پر دستیاب ہیں۔

بین الاقوامی توانائی ایجنسی کے بارے میں

بین الاقوامی توانائی ایجنسی (آئی ای اے) پیرس میں قائم ایک خود مختار بین حکومتی تنظیم ہے ، جو 1974 میں قائم کی گئی تھی ۔ یہ عالمی توانائی کے شعبے پر پالیسی سفارشات ، تجزیہ اور ڈیٹا فراہم کرتی ہے۔ آئی ای اے کے 32 رکن ممالک اور 13 ایسوسی ایشن ممالک عالمی توانائی کی طلب کے 75٪ کی نمائندگی کرتے ہیں۔

***

(ش ح – ع ا)

U. No. 1170

(Release ID: 2189371) Visitor Counter : 6