صدر جمہوریہ  ہند، محترمہ دروپدی مرمو  نے آج (30 ستمبر 2025) راشٹر پتی بھون میں ایک تقریب کے دوران صدر کے باڈی گارڈز ( پی بی جی) کو ڈائمنڈ جوبلی سلور ٹرمپٹ اور ٹرمپٹ بینر پیش کیا، جو 1950 میں  پی بی جی کے طور پر نامزد ہونے کے بعد 75 سالہ شاندار خدمات کے اعتراف میں تھا۔

‘ویراٹ’، کمانڈنٹ کا چارجر، جو 2022 میں ریٹائر ہوا، اس موقع پر بھی موجود تھا۔  پی بی جی نے ریٹائرمنٹ کے بعد ویراٹ کو اپنایا، جو  پی بی جی کے عملے اور ان کے گھوڑوں کے درمیان تعلق کی ایک منفرد علامت ہے۔ وزیراعظم جناب نریندر مودی نے 26 جنوری 2022 کو یوم جمہوریہ کی پریڈ میں اس گھوڑے کو پیار سے سہلایا تھا۔

صدر جمہوریہ  نے تقریب کے دوران اپنے مختصر کلمات میں کہا کہ ہم سب  پی بی جی پر فخر کرتے ہیں۔ انہوں نے  پی بی جی کو ان کی پیشہ ورانہ مہارت اور اعلیٰ عسکری روایات کو برقرار رکھنے پر  مبارکباد دی۔ انہوں نے اعتماد کا اظہار کیا کہ تمام باڈی گارڈز بخوبی جانتے ہوں گے کہ یہ اعزاز ایک اہم ذمہ داری کے ساتھ آتا ہے۔

صدر جمہوریہ کے باڈی گارڈز بھارتی فوج کے سب سے قدیم رجمنٹ ہیں، جسے 1773 میں گورنر جنرل کے باڈی گارڈز کے طور پر قائم کیا گیا تھا (بعد میں وائسرائے کے باڈی گارڈز کے نام سے جانا گیا)۔

27 جنوری 1950 کو اس رجمنٹ کا نام صدر کے باڈی گارڈز رکھا گیا۔ بھارت کے پہلے صدر، ڈاکٹر راجندرا پرساد، نے 14 مئی 1957 کو اپنا سلور ٹرمپٹ اور ٹرمپٹ بینر صدر کے باڈی گارڈز کو پیش کیا۔

صدر کے باڈی گارڈز ( پی بی جی) واحد رجمنٹ ہے جسے دو ‘اسٹینڈرڈز’ رکھنے کی اجازت حاصل ہے یعنی صدر کے باڈی گارڈ کا اسٹینڈرڈ اور  پی بی جی کا رجمنٹل اسٹینڈرڈ۔

پی بی جی پس منظر کا نوٹ دیکھنے کے لیے براہِ کرم یہاں کلک کریں –

۔۔۔۔۔۔۔۔۔۔

ش ح۔۔ ع ح۔ر ب

U-1098