دہلی میں یکم جنوری تا 9 نومبر 2025 کے عرصے کے دوران اوسط اے کیو آئی (ایئر کوالٹی انڈیکس) 175 ریکارڈ کیا گیا ہے، جو کہ گزشتہ سال اسی عرصے میں یہ 189 تھا۔ اسی عرصے میں پی ایم 2.5 اور پی ایم 10 کی مقدار بالترتیب 75 مائیکرو گرام فی میٹر کیوب اور 170 مائیکرو گرام فی میٹر کیوب رہی، جبکہ گزشتہ سال اسی مدت میں بالترتیب 87 مائیکرو گرام فی میٹر کیوب اور 191 مائیکرو گرام فی میٹر کیوب تھی۔

پنجاب اور ہریانہ میں اس سال کھیتوں میں آگ لگنے کے واقعات میں بھی کمی دیکھی گئی ہے۔ 15 ستمبر تا 9 نومبر 2025 کے دوران پنجاب میں 4,062 واقعات ریکارڈ کیے گئے ہیں، جبکہ گزشتہ سال اسی عرصے میں 6,266 واقعات ہوئے تھے (یعنی 35.2 فیصد کمی)۔ ہریانہ میں اس سال صرف 333 آگ کے واقعات ریکارڈ کیے گئے، جبکہ پچھلے سال اسی عرصے میں 959 واقعات ہوئے تھے (یعنی 65.3 فیصد کمی)۔ قومی خطہ دارالحکومت اور ملحقہ علاقوں میں ہوا کے معیار کے انتظام کا کمیشن (سی اے کیو ایم) پنجاب اور ہریانہ کی ریاستی حکومتوں کے سینیئر افسران اور دیگر متعلقہ اداروں کے ساتھ حالات کا فعال جائزہ لے رہا ہے، تاکہ قانونی ہدایات پر سختی سے عمل درآمد ہو اور فصلوں کی باقیات جلانے کے مسئلے سے نمٹا جا سکے۔

میونسپل سالڈ ویسٹ (ایم ایس ڈبلیو) مینجمنٹ: دہلی میں گزشتہ جمع شدہ فضلہ کی پروسیسنگ میں مستقل پیش رفت ہوئی ہے، جہاں 23 لاکھ ٹن سے زائد ڈمپ سائٹ فضلہ کو حیاتی طور پر دفن کیا جا چکا ہے۔ اضافی طور پر تقریباً 7,000 ٹن فی دن (ٹی پی ڈی) ویسٹ ٹو انرجی کی صلاحیت اور 750 ٹی پی ڈی بایو-سی این جی/سی بی جی کی صلاحیت تیار کی جا رہی ہے۔ گڑگاؤں، نوئڈا، گریٹر نوئڈا، فرید آباد، اور غازی آباد میں بھی فضلہ کی مکمل صفائی کی جانب متوازی کوششیں جاری ہیں۔ بنیادی ڈھانچے کی بہتری کے علاوہ، سی اے کیو ایم نے لینڈ فل سائٹوں پر آگ اور اخراج کو روکنے کے لیے سی سی ٹی وی کیمروں، میتھین ڈیٹیکٹر، فائر سپریشن سسٹم اور کارکنوں کے لیے ذاتی حفاظتی آلات (پی پی ای) کی تنصیب کی ہدایت دی ہے۔ جون 2025 میں، سی اے کیو ایم نے کھلے میں فضلہ جلانے کے لیے صفر رواداری، رات کے وقت مانیٹرنگ میں اضافہ اور رہائشی ویلفیئر ایسوسی ایشن، صنعتی تنظیموں اور مقامی اداروں کے تعاون سے شہری شعور کی مہمات کو سخت کرنے کی ہدایت دی تھی۔ یہ اقدامات این سی آر میں کھلے میں فضلہ جلانے کے واقعات میں نمایاں کمی کا سبب بن سکتے ہیں۔

این سی آر میں جی آر اے پی کے مرحلہ I اور II نافذ العمل ہیں: موسمی، موسمیاتی اور ہوا کے معیار کی پیشن گوئی کے لیے انڈین میٹرولوجیکل ڈپارٹمنٹ (آئی ایم ڈی) اور انڈین انسٹی ٹیوٹ آف ٹراپیکل میٹرولوجی (آئی آئی ٹی ایم) کے ماڈلوں کی بنیاد پر، جی آر اے پی کے مرحلہ ایک اور دو کے تحت اقدامات پورے این سی آر میں نافذ کیے گئے ہیں۔ متعلقہ ادارے فضائی معیار کی بگڑتی ہوئی صورتحال کو روکنے کے لیے متعدد فعال اور حفاظتی اقدامات کر رہے ہیں۔ مرحلہ ایک (اے کیو آئی 201–300) 14 اکتوبر 2025 کو اور مرحلہ دو (اے کیو آئی 301–400) 19 اکتوبر 2025 کو پورے این سی آر میں نافذ کیا گیا۔ جی آر اے پی کے مرحلہ ایک اور دو کے تحت مختلف اقدامات میں مکینیکل روڈ سویپنگ مشین (ایم آر ایس ایم) کی تعیناتی، چھڑکاؤ کا استعمال، اینٹی اسموگ گن کے استعمال میں تیزی، ڈی جی سیٹ کے منظم آپریشن شامل ہیں۔

گاڑیوں کے اخراج کے ماخذ پر قابو پانا: گاڑیوں کے اخراج خطے میں ذراتی مادے (پی ایم) کی سطح میں ایک اہم کردار ادا کرتے ہیں۔ قومی دارالحکومت خطہ میں ہوا کے معیار کے انتظام کے کمیشن (سی اے کیو ایم) نے متعدد مخصوص قانونی ہدایات جاری کی ہیں، جو درج ذیل ہیں:

• دہلی کے لیے این سی آر ریاستوں سے چلنے والی تمام انٹر سٹی بسوں کو صاف توانائی والے ذرائع (ای وی/ سی این جی/ بی ایس-وی آئی ڈیزل) میں تبدیل کر دیا گیا ہے اور پنجاب، ہماچل پردیش، اتراکھنڈ، مدھیہ پردیش اور جموں و کشمیر یو ٹی سمیت ملحقہ ریاستوں سے آنے والی بین ریاستی بسوں کے لیے بھی اسی طرح کی ہدایات جاری کی گئی ہیں۔
• نومبر 2025 سے دہلی میں بی ایس-III اور اس سے کم معیار کی تجارتی گاڑیوں (ایچ جی وی، ایم جی وی، اور ایل جی وی) کے داخلے پر پابندی عائد کر دی گئی ہے، سوائے ان گاڑیوں کے جو دہلی میں رجسٹرڈ ہوں۔
• اس کے علاوہ، موجودہ گاڑی اجتماعی خدمات فراہم کرنے والوں، ڈیلیوری سروس فراہم کرنے والوں اور ای سروس اداروں کے بیڑے میں صرف سی این جی اور برقی تین پہیہ آٹو رکشوں کی شمولیت کی اجازت دی جا رہی ہے، جبکہ یکم جنوری 2026 سے روایتی اندرونی احتراق انجن (آئی سی ای) والی ڈیزل یا پیٹرول سے چلنے والی گاڑیوں کو ایسے بیڑوں میں شامل ہونے کی اجازت نہیں ہوگی۔

صنعتی اور تعمیراتی شعبے کی تعمیل: قومی دارالحکومت خطے میں صنعتی شعبے میں صاف ایندھن اور سخت اخراجی معیار کی طرف تقریباً مکمل منتقلی یقینی بنائی گئی ہے۔ 240 صنعتی علاقوں میں سے 224 میں پی این جی کا انفراسٹرکچر دستیاب ہے اور 96 فیصد سے زائد صنعتیں پہلے ہی منظور شدہ ایندھن پر منتقل ہو چکی ہیں۔ اس کے علاوہ، تعمیل کو یقینی بنانے اور صنعتی اخراجات کو کم کرنے کے لیے، کمیشن نے ایک خاص آن لائن مسلسل ایمیشن مانیٹرنگ سسٹم (او سی ای ایم ایس) سیل قائم کیا ہے تاکہ دہلی-این سی آر کی صنعتوں سے ذرات اور گیسوں کے اخراجات کو حقیقی وقت میں ٹریک کیا جا سکے۔ کل 3,551 صنعتی اداروں کی او سی ای ایم ایس کی تنصیب اور فعال بنانے کے لیے نشاندہی کی گئی ہے۔

ہریالی اور پودا کاری: 2025-26 (ستمبر تک) کے دوران این سی آر میں 4.37 کروڑ سے زائد پودے لگائے جا چکے ہیں، جو سالانہ ہدف سے تجاوز کر چکے ہیں۔ کمیشن شہری جنگلات کی تخلیق کے لیے میاواکی تکنیک کے استعمال، سڑکوں اور صنعتی علاقوں کے ساتھ سبز بارڈر اور کھیتی کے لیے علاج شدہ گندے پانی کے استعمال پر زور دیتا ہے۔ اسکولوں، رہائشی ویلفیئر ایسوسی ایشن (آر ڈبلیو اے) اور دیگر عوامی اداروں کے ساتھ شراکت داری نے شجر کاری کی مہمات میں شہریوں کی شمولیت میں اضافہ ہوا ہے، جو ایک صاف ستھرے ماحول کے لیے اجتماعی کوشش کو مضبوط کرتی ہے۔

قریبی نگرانی: سی اے کیو ایم دہلی-این سی آر اور ملحقہ علاقوں میں ہوا کے معیار کے مجموعی منظرنامے کی گہری نگرانی جاری رکھے ہوئے ہے اور این سی آر کی ریاستی حکومتوں، آلودگی کنٹرول بورڈ، این سی آر کی کمیٹی اور مقامی شہری اداروں کے متعلقہ محکموں کے ساتھ مؤثر اور بروقت قانونی ہدایات کے نفاذ کے لیے مسلسل تعاون میں ہے۔ کمیشن سیکٹر مخصوص اقدامات اور تعمیل کا باقاعدگی سے جائزہ لے رہا ہے تاکہ بہتری کے رجحان کو برقرار رکھا جا سکے۔

**********

 

ش ح۔ ف ش ع

                                                                                                                                       U: 1056

(Release ID: 2188597) Visitor Counter : 5