صحت اور خاندانی بہبود  کی وزارت نے اعضاء اور ٹشو ٹرانسپلانٹیشن خدمات  ( پیوند کاری ) تک مساوی رسائی کو فروغ دینے کے حکومت کے ویژن کے مطابق 6 نومبر ، 2025  ء کو انسانی اعضاء اور ٹشوز کے ٹرانسپلانٹیشن ایکٹ 1994 کے تحت انسانی اعضاء اور ٹشوز کے ٹرانسپلانٹیشن (ترمیم) ضابطہ  2025 کو نوٹیفائی کیا ہے ۔

یہ ترمیم جو نیشنل آرگن ٹرانسپلانٹ پروگرام  یعنی انسانی اعضاء کی پیوند کاری سے متعلق پروگرام (این او ٹی پی) کو مزید مضبوط کرتی ہے ، کا مقصد کارنیل ٹرانسپلانٹیشن مراکز کے کام کاج کو ہموار کرنا اور ملک بھر میں آنکھوں کے عطیہ اور ٹرانسپلانٹیشن کی خدمات تک وسیع رسائی کو آسان بنانا ہے ۔

اس ترمیم کے تحت کارنیل ٹرانسپلانٹیشن مراکز میں کلینیکل اسپیکولر آلات کی لازمی ضرورت کو اب ختم کر دیا گیا ہے ۔

یہ تبدیلی ماہرین کی سفارشات اور  متعلقہ فریقوں کی مشاورت پر نہایت ہی محتاط غور و فکر کے بعد متعارف کرائی گئی ہے ۔ توقع ہے کہ اس ترمیم سے بنیادی ڈھانچے اور  عملی چیلنجوں میں ، خاص طور پر دیہی اور نیم شہری علاقوں میں آنکھوں کے چھوٹے مراکز کے لیے آسانی ہوگی  ۔ اس طرح ملک میں کارنیل ٹرانسپلانٹیشن خدمات کی مجموعی دستیابی اور رسائی میں اضافہ ہوگا ۔

یہ جدید اصلاحاتی ترمیم ملک کے کارنیا عطیہ اور ٹرانسپلانٹیشن ماحولیاتی نظام کو مستحکم بنانے کے لیے ایک طویل مدتی اقدام کے طور پر کام کرے گی ۔

 

******

U.No. 1044

(ش ح۔  ش م ۔ ع ا)

 

(Release ID: 2188477) Visitor Counter : 11