انتظامی اصلاحات اور عوامی شکایات کے محکمے(ڈی اے آر پی جی) نے اکتوبر  ، 2025  ء کے لیے سنٹرلائزڈ عوامی شکایات کے ازالے اور نگرانی نظام (سی پی جی آر اے ایم ایس) ماہانہ رپورٹ جاری کی ، جو عوامی شکایات کی اقسام اور زمروں اور ازالے کی نوعیت کا تفصیلی تجزیہ فراہم کرتی ہے ۔ یہ مرکزی وزارتوں/محکموں سے متعلق 42 ویں رپورٹ ہے  ، جسے ڈی اے آر پی جی نے شائع کیا ہے ۔

اس سے متعلق اکتوبر  ، 2025  ء کی پیش رفت سے ظاہر ہوتا ہے کہ مرکزی وزارتوں/محکموں کے ذریعے 144503 شکایات کا ازالہ کیا گیا ہے ۔  مرکزی وزارتوں/محکموں میں 2025  ء کے لیے  شکایات کے ازالے کا اوسط وقت 15 دن ہے ۔ یہ رپورٹیں 10 مراحل والے سی پی جی آر اے ایم ایس اصلاحاتی عمل کا حصہ ہیں  ، جسے ڈی اے آر پی جی نے  ازالے کے معیار کو بہتر بنانے اور اس میں لگنےوالے وقت کو کم کرنے کے لیے اپنایا تھا ۔

مذکورہ رپورٹ اکتوبر  ، 2025  ء کے مہینے میں سی پی جی آر اے ایم ایس پورٹل کے ذریعے رجسٹرڈ نئے صارفین کے لیے ڈیٹا فراہم کرتی ہے ۔ اکتوبر ، 2025  ء میں مختلف چینلوں کے ذریعے سی پی جی آر اے ایم ایس پر کل 52876 نئے صارفین رجسٹر  کئے  گئے  ، جن میں سے 8442 رجسٹریشن اترپردیش سے ہیں ۔ فیڈ بیک کال سینٹر نے اکتوبر ، 2025  ء کے مہینے میں 65197 فیڈ بیک اکٹھا کیے ، جب کہ مرکزی وزارتوں/محکموں کے لیے 38186 فیڈ بیک اکٹھے کیے گئے ۔

مذکورہ رپورٹ اکتوبر  ، 2025  ء میں کامن سروس سینٹرز کے ذریعے درج کی گئی شکایات پر ریاست کے لحاظ سے تجزیہ بھی فراہم کرتی ہے ۔ سی پی جی آر اے ایم ایس کو کامن سروس سینٹر (سی ایس سی) پورٹل کے ساتھ مربوط کیا گیا ہے اور یہ 5 لاکھ سے زیادہ سی ایس سی پر دستیاب ہے ، جو 2.5 لاکھ دیہی سطح کے کاروباریوں (وی ایل ای) کے ساتھ منسلک ہے ۔ اکتوبر  ، 2025 ء کے مہینے میں کامن سروس سینٹرز کے ذریعے کل 9500 شکایات درج کی گئیں ۔

اس رپورٹ میں جائزہ میٹنگ ماڈیول کا ایک جائزہ بھی پیش کیا گیا ہے ، جسے 14 فروری  ، 2025  ء کو مرکزی وزارتوں اور محکموں میں نافذ کیا گیا ہے ۔ یہ ماڈیول عوامی شکایات کے سکریٹری سطح کے جائزوں کی سہولت فراہم کرتا ہے ، اس طرح ازالے کے طریقہ کار کی کارکردگی  میں اضافہ کرتا ہے اور شہریوں کے اعتماد میں بھی اضافہ کرتا ہے ۔ 31 اکتوبر  ، 2025  ء تک کل 199 جائزہ میٹنگیں  منعقد کی جا چکی ہیں ، جن میں سے 12 میٹنگیں اکتوبر ، 2025  ء میں  منعقد کی گئی تھیں ۔

مرکزی وزارتوں/محکموں کے لیے اکتوبر  ، 2025  ء کے لیے ڈی اے آر پی جی کی ماہانہ سی پی جی آر اے ایم ایس رپورٹ کی اہم خصوصیات درج ذیل ہیں:

پی جی  معاملات :

• اکتوبر ، 2025  ء میں سی پی جی آر اے ایم ایس پورٹل پر 138575 پی جی  معاملات درج کئے گئے ، 144503 پی جی  معاملات کا ازالہ کیا گیا  ، جب کہ 66279 پی جی  معاملات زیر التواء ہیں ۔

پی جی اپیلیں:

• اکتوبر  ، 2025  ء میں 25991 اپیلیں موصول ہوئیں اور 28134 اپیلوں کا نمٹارہ کیا گیا ۔
• اکتوبر  ، 2025  ء  میں 17113 زیرِ  التوا  اپیلیں ریکارڈ کی گئیں۔

شکایات کے ازالے کا جائزہ اور اشاریہ ( جی آر اے آئی ) - اکتوبر  ، 2025 ء

• زمینی وسائل ، بالواسطہ ٹیکس اور کسٹمز کے مرکزی بورڈ  کے محکمے  اور آیوش کی وزارت  ، اکتوبر  ، 2025  ء کے لیے گروپ اے ( 5000 شکایات کے برابر) کے اندر شکایات کے ازالے کا جائزہ اور اشاریے میں سرفہرست کارکردگی کا مظاہرہ کرنے والوں میں شامل ہیں ۔
• شمال مشرقی خطے کے فروغ کی وزارت ، سرکاری زبان کا محکمہ اور بجلی کی وزارت ،  اکتوبر  ، 2025  ء کے لیے گروپ بی (500 سے کم شکایات) کے اندر شکایات کے ازالے کا جائزہ اور  اشاریے میں سرفہرست کارکردگی کا مظاہرہ کرنے والوں میں شامل ہیں ۔

Click here for pdf file.

************

U.No. 1031

(ش ح۔  ش م ۔ ع ا)