ہندوستان میں جاری جنجاتیہ گورو ورش 2025 کی تقریبات کے تحت، مختلف ریاستوں میں آج سلسلے وار پروگرام منعقد کیے گئے تاکہ دھرتی آبا بھگوان برسا منڈا کی 150ویں یوم پیدائش اور قومی ترانہ وندے ماترم کے 150 سال کی مناسبت سے یادگار تقریب منعقد کی جا سکے۔ یہ تقریبات حب الوطنی، اتحاد اور بھارت کے رونق بھرے قبائلی ورثے کی پائیدار روح کو اجاگر کرتی ہیں۔

عزت مآب وزیر اعظم جناب نریندر مودی نے سب کا ساتھ، سب کا وکاس، سب کا وشواس، سب کا پریاس کے وژن کے تحت قبائلی عطائے اختیار اور ثقافتی فخر کے لیے حکومت کے عزم کا اعادہ کرتے ہوئے اس تاریخی موقع پر قوم کی قیادت کی ہے۔

قبائلی امور کے وزیر جناب جول اورم کی رہنمائی میں، وزارت قبائلی امور ملک بھر میں بھگوان برسا منڈا کی میراث اور بھارت کی قبائلی برادریوں کے ملک کے سفر میں بھرپور تعاون کو خراج عقیدت پیش کرنے کے لیے سلسلے وار تقریبات، بیداری مہمات اور ثقافتی پروگراموں کا اہتمام کر رہی ہے۔

اوڈیشہ میں کئی دلچسپ پروگرام منعقد کیے گئے، جن میں کوئز مقابلہ اور طالب علموں کے لیے مشغولیتی پروگرام شامل تھے، جس کا مقصد نوجوان طلبا کو قبائلی تاریخ، ثقافت اور بھارت کی آزادی کی جدوجہد میں قبائلی شخصیات کے اہم کردار کو گہرائی سے سمجھنے کی ترغیب دینا تھا۔ اوڈیشہ اسٹیٹ ٹرائبل میوزیم میں ایک خاص بھگوان برسا منڈا گیلری اور قبائلی فنکاروں کی پینٹنگ نمائش بھی لگائی گئی، جس میں بھگوان برسا منڈا کی زندگی اور سفر کی داستان اور قبائلی زندگی اور ثقافت کی بھرپور تنوع کو پیش کیا گیا۔ طلبا نے جنجاتیہ گورو ورش کے جذبے کا جشن مناتے ہوئے، میوزیم کے دورے، کوئز مقابلے اور ثقافتی فوٹو سیشن میں حصہ لیا۔

 

 

 

آندھرا پردیش میں، ٹی آر آئی نے وندے ماترم کے اجتماعی گانے کا اہتمام کیا، جس سے شرکا میں قومی فخر اور اتحاد کا جذبہ پیدا ہوا۔ اسی طرح، تلنگانہ میں، ٹی آر آئی حیدرآباد نے حب الوطنی کے جذبے کو مناتے ہوئے، نہرو صد سالہ قبائلی عجائب گھر میں وندے ماترم کے اجتماعی گانے کا اہتمام کیا۔

 

 

 

جموں و کشمیر میں جنجاتیہ گورو ورش پکھواڑا کے تحت گورنمنٹ ہائی اسکول ککسار، کارگل میں ایک ایتھنک فوڈ فیسٹیول کا انعقاد کیا گیا۔ ٹرائبل ریسرچ انسٹی ٹیوٹ، یونیورسٹی آف لداخ کے تعاون سے اور قبائلی امور کی وزارت کی طرف سے مالی اعانت سے اس تقریب میں روایتی کھانوں کے ذریعے خطے کے متحرک قبائلی ورثے کو منایا گیا۔ اس میلے میں چیف ایجوکیشن آفیسر، کارگل بطور مہمان خصوصی اور کمانڈنگ آفیسر، ہندوستانی فوج نے بطور مہمان اعزازی شرکت کی، جو اتحاد اور ثقافتی فخر کی عکاسی کرتا ہے۔

 

 

 

جھارکھنڈ میں، بھگوان برسا منڈا کی جائے پیدائش، جنجاتیہ گورو ورش پکھواڑا کی تقریبات خاص طور پر کمزور قبائلی گروپ کی بستی میں منعقد کی گئیں۔ اس تقریب میں مقامی قبائلی برادریاں اتحاد اور احترام کے جذبے میں اکٹھا ہوئیں، نیز روایتی فن، موسیقی اور ثقافتی تاثرات کو اجاگر کیا جو بھگوان برسا منڈا کی پائیدار میراث اور جھارکھنڈ کے قبائلی ورثے کے فخر کی عکاسی کرتے ہیں۔ اس کے علاوہ، ٹرائبل ریسرچ انسٹی ٹیوٹ نے طلبا اور قبائلی نمائندوں کی فعال شرکت کے ساتھ وندے ماترم کا ایک اجتماعی گانا منعقد کیا۔

 

 

 

بہار میں، طلبا نے جنجاتیہ گورو ورش 2025 کے تھیم کے تحت منعقدہ مضمون نگاری اور کوئز مقابلوں میں بڑھ چڑھ کر حصہ لیا، جس میں ہندوستان کے قبائلی ورثے میں فخر، لچک اور اتحاد کی اقدار کو اجاگر کیا گیا۔ ای ایم آر ایس اداروں میں مالیاتی اور ڈیجیٹل خواندگی کی ورکشاپ کا بھی انعقاد کیا گیا تاکہ قبائلی طلبا کو تعلیم اور با اختیار بنانے کے وسیع اہداف کے ساتھ ہم آہنگ زندگی کی ضروری مہارتوں سے آگاہ کیا جا سکے۔

 

 

 

تقریبات کی ایک بڑی جھلک گجرات میں دیکھنے کو ملی، جہاں عزت مآب وزیر اعلیٰ بھوپیندر پٹیل نے امباجی سے جنجاتی گورو یاترا (قبائلی فخر مارچ) کو جھنڈی دکھا کر روانہ کیا۔ یاترا، جو ولساڈ کے عمرگام سے بھی شروع ہوئی تھی، 7 سے 13 نومبر 2025 تک ایکتا نگر (اسٹیچو آف یونٹی) کی طرف بڑھ رہی ہے۔ ایک بڑے قافلے اور وسیع کمیونٹی کی شرکت کے ساتھ، یاترا کا مقصد ہندوستان کی تاریخ میں قبائلی ہیرو کی شراکت کے بارے میں بیداری پھیلانا اور بھگوان برسا منڈا کی 150ویں یوم پیدائش کے ایک حصے کے طور پر، ان کے ناقابل تسخیر جذبے اور میراث کا احترام کرنا ہے۔

 

 

 

تمل ناڈو میں، بھگوان برسا منڈا جنجاتیہ گورو دیوس کی تقریبات کے تحت، جے یو جی اے پہل کے تحت اے ایچ ایس سداپلی میں ایک ڈرائنگ مقابلہ منعقد کیا گیا، جس میں قبائلی طلبا کو تخلیقی اظہار میں شامل کیا گیا۔

 

 

سکم میں، ریشیتانگ کے کھیل گاؤں میں قبائلی طلبا کے کھیلوں سے متعلق میٹ کم ہیلتھ کیمپ کا انعقاد کیا گیا۔ اس تقریب میں ایکلویہ ماڈل رہائشی اسکولوں (ای ایم آر ایس) کے طلبا کی پرجوش شرکت دیکھنے میں آئی، جس نے قبائلی نوجوانوں میں جسمانی تندرستی، کھیل کود اور صحت سے متعلق آگاہی کی اہمیت پر زور دیا۔

 

 

 

اس بیچ، ناگالینڈ میں ای ایم آر ایس اسکولوں نے کہانی سنانے اور روایتی لباس کے مقابلوں کا انعقاد کیا، جس میں ریاست کی متنوع قبائلی برادریوں کی بھرپور زبانی روایات، لوک داستانوں اور متحرک لباس کی نمائش کی گئی۔ ان اقدامات نے طلبا کو اپنی جڑوں سے جڑنے، اپنی ثقافت کو منانے اور اپنے آباؤ اجداد کی وراثت کو فخر کے ساتھ آگے بڑھانے کی ترغیب دی۔

 

 

 

جاری جنجاتیہ گورو ورش پکھواڑا (1 تا 15 نومبر 2025) کے تحت یہ سرگرمیاں قبائلی امور کی وزارت کی قبائلی شناخت، ثقافت اور کامیابیوں کو منانے کے مسلسل عزم کی عکاسی کرتی ہیں۔ یہ اقدامات جامع ترقی اور اس کے زرخیز قبائلی ورثے کے تحفظ کے لیے ملک کی لگن کی تصدیق کرتے ہیں۔

                                               **************

ش ح۔ ف ش ع

08-11-2025

                                                                                                                                          U: 977

 

(Release ID: 2187915) Visitor Counter : 3