ملک گیر ڈیجیٹل لائف سرٹیفکیٹ مہم 4.0 جو 2000 اضلاع/سب ڈویژنوں/شہروں میں یکم نومبر سے30 نومبر، 2025 تک  ڈی او پی پی ڈبلیو کے ذریعے چلائی جا رہی ہے، 5 نومبر 2025 کو وزیر مملکت ڈاکٹر جتیندر سنگھ کے ذریعے شروع کی جا رہی ہے۔

پنشنرز کو پنشن جاری رکھنے کے لیے سالانہ لائف سرٹیفکیٹ جمع کروانا ہوتا ہے۔ روایتی طور پر ایل سی فزیکل موڈ میں جمع کرائے جاتے تھے جو پنشنرز کے لیے تکلیف دہ تھی۔ نومبر، 2014 میں ڈیجیٹل لائف سرٹیفکیٹ کے آن لائن جمع کرانے کے لیے ایک آدھار پر مبنی اسکیم، جیون پرمان، عزت مآب وزیر اعظم کے ذریعے شروع کی گئی تھی جس کا مقصد نظام میں شفافیت کو یقینی بنانا اور پنشنرز کو زندگی کے سرٹیفکیٹ جمع کرانے میں سہولت فراہم کرنا ہے، اس طرح ان کی زندگی کی آسانی میں بہت اضافہ ہوا۔

ڈیجیٹل لائف سرٹیفکیٹس کے فوائد اور انہیں بنانے کی تکنیکوں کے بارے میں بیداری پھیلانے کے لیے، مرکزی حکومت کے پنشنرز کے لیے ڈی ایل سی مہمات کا انعقاد کیا گیا ہے۔ اس طرح کی پہلی مہم یکم سے 30 نومبر 2022 تک 37 شہروں میں منعقد کی گئی۔ ڈی ایل سی مہم 2.0 نومبر 2023 میں 100 شہروں میں 597 مقامات پر منعقد کی گئی جس کے تحت کل 1.47 کروڑ ڈی ایل سی بنائے گئے، جن میں سے 45.46 لاکھ مرکزی حکومت کے پنشنرز کے تھے۔

 ڈی ایل سی مہم 3.0 1 سے 30 نومبر تک 845 شہروں/اضلاع میں منعقد کی گئی جس کے تحت کل 1.62 کروڑ ڈی ایل سی بنائے گئے، جن میں سے 49.75 لاکھ مرکزی حکومت کے پنشنرز تھے۔ 90 سال سے زیادہ عمر کے پنشنرز کی جانب سے 85,200 سے زائد ڈی ایل سی جمع کروائے گئے، جن میں سے 2200 سے زائد 100 سال سے زائد عمر کے پنشنرز کے تھے۔ چہرے کی تصدیق کی تکنیک کا استعمال کرتے ہوئے 52.73 لاکھ ڈی ایل سی تیار کیے گئے ہیں۔

اس سال، ڈی او پی پی ڈبلیو 4 ویں ملک گیر ڈیجیٹل لائف سرٹیفکیٹ مہم کا انعقاد کرے گا جو یکم نومبر سے30 نومبر 2025 تک ہندوستان بھر کے 2000 اضلاع/ ذیلی ڈویژنوں/ شہروں میں منعقد کی جائے گی۔ اس کے لیے، محکمہ نے او ایم کے ذریعے مورخہ 30 جولائی 2025   کوجاری رہنما خطوط سے نوٹیفائی کیاہے۔  مہم کی کڑی نگرانی کے لیے 2000 اضلاع/ سب ڈویژنوں، 2500 کیمپ کے مقامات اور 1230 نوڈل افسران کی نقشہ سازی کے ساتھ ڈیڈیکیٹڈ ڈی ایل سی پورٹل بنایا گیا ہے۔

یہ مہم پنشن تقسیم کرنے والے بینکوں، انڈیا پوسٹ پیمنٹس بینک، پنشنرز ویلفیئر ایسوسی ایشنز، سی جی ڈی اے، ڈی او ٹی، ریلوے کے ساتھ مل کر ملک کے دور دراز کونے میں تمام پنشنرز کو چھونے کے مقصد کے ساتھ چلائی جائے گی اور تمام اسٹیک ہولڈروں کے ساتھ تربیت کے ساتھ وسیع میٹنگیں منعقد کی گئی ہیں۔الیکٹرانکس اور انفارمیشن ٹکنالوجی کی وزارت اوریو آئی ڈی اے آئی اس مہم کے دوران مکمل تکنیکی مدد فراہم کریں گے۔

آئی پی پی بی اپنے 1.8 لاکھ پوسٹ مینوں اور گرامین ڈاک سیوکوں کے وسیع نیٹ ورک کے ذریعے 1600 اضلاع/ سب ڈویژنوں میں کیمپ لگائے گا۔آئی پی پی بی دہلیز پرڈی ایل سی خدمات فراہم کرتا ہے جو ملک بھر کے پنشنرز کی تمام اقسام کے لیے دستیاب ہے۔

19 پنشن تقسیم کرنے والے بینک 250 شہروں میں 1250 سے زیادہ مقامات پر کیمپ بھی لگائیں گے۔ عمر رسیدہ/معذور/بیمار پنشنرز کے لیے گھروں/اسپتالوں کے دورے کیے جائیں گے، اس طرح انہیں  لائف سرٹیفکیٹ ڈیجیٹل طور پر جمع کرانے میں آسانی ہوگی۔ ان اقدامات کا مقصد اس بات کو یقینی بنانا ہے کہ تمام پنشنرز مہم سے مستفید ہوں اور خاص طور پر انتہائی سینئر/ معذور پنشنرز کے لیے مددگار ہوں۔

57 پنشنرز ویلفیئر ایسوسی ایشنز، جو ڈی او پی پی ڈبلیو کے ساتھ رجسٹرڈ ہیں، کیمپوں کا اہتمام کرکے اور پنشنرز کو کیمپوں کے لیے متحرک کرکے مہم میں اہم کردار ادا کریں گی جو آئی پی پی بی اور پنشن تقسیم کرنے والے بینکوں کے ذریعہ منعقد ہوں گے۔

بنیادی طور پر توجہ چہرے کی شناخت کی ٹیکنالوجی کو فروغ دینے پر ہے۔ الیکٹرانکس اور انفارمیشن ٹیکنالوجی کی وزارت  اور یو آئی ڈی اے آئی اس مہم کے دوران تکنیکی مدد فراہم کریں گے۔ عمر رسیدہ پنشنرز کے لیے چہرے کی تصدیق کو زیادہ ہموار اور آسان بنایا گیا ہے اور اسے اینڈرائیڈ کے ساتھ ساتھ آئی او ایس پر بھی استعمال کیا جا سکتا ہے۔ ڈیجیٹل موڈ آف لائف سرٹیفکیٹ جنریشن (جیون پرمان) کے فوائد دیگر تنظیموں جیسے ریاستی حکومتوں، ای پی ایف او اور خود مختار اداروں وغیرہ کے پنشنرز بھی حاصل کر رہے ہیں۔

ڈی ڈی، اے آئی آر اور پی آئی بی کی ٹیمیں آڈیو، ویژول اور پرنٹ پبلسٹی کے لیے اس مہم کو مکمل تعاون فراہم کرنے کے لیے پوری طرح تیار ہیں۔ مہم کے بارے میں بیداری پھیلانے کے لیے ایس ایم ایس، ٹویٹس (DLCCampaign4#)، جِنگلس اور شارٹ فلموں کے ذریعے عوامی رسائی کی کوششوں کو انجام دیا جائے گا۔

یہ ڈیجیٹل بااختیار بنانے کی اب تک کی سب سے بڑی مہم ہوگی اور پنشنرز کے تمام زمروں تک زیادہ سے زیادہ رسائی حاصل کرنے کی کوشش کرے گی۔

*****

 ( ش ح ۔ ع و۔اش ق)

U. No. 759