وائس ایڈمیرل گرچرن سنگھ، اے وی ایس ایم، این ایم نے یکم نومبر 2025 کو بھارتی بحریہ کے چیف آف پرسنل کا عہدہ سنبھالا۔

قومی دفاعی اکادمی (کھڈک واسلا) کے سابق طالب علم، موصوف یکم جولائی 1990 میں بھارتی بحریہ میں شامل ہوئے تھے۔

فلیگ آفیسر سمندر میں اور ساحل پر ، دونوں جگہ متعدد عہدوں پر فائز رہے۔ گنری اور میزائل کے ماہر کے طور پر، انہوں نے ہندوستانی بحریہ کے جہاز رنجیت اور پرہار میں خدمات انجام دیں۔ اسے تین دیسی ساختہ جنگی جہازوں کے کمیشننگ عملے کا حصہ بننے کا اعزاز حاصل ہے، یعنی آئی این ایس برہم پترا کو گنری آفیسر کے طور پر، آئی این ایس شیوالک کو ایگزیکٹو آفیسر کے طور پر، اور آئی این ایس کوچی کو بطور کمانڈنگ آفیسر کے طور پر ۔ انہوں نے آئی این ایس وِدیوت اور آئی این ایس کھوکری کی بھی کمان کی ہے۔

وہ آئی این ایس دروناچاریہ (گنری اسکول) میں انسٹرکٹر اور نیول وار کالج، گوا کے ڈپٹی کمانڈنٹ رہ چکے ہیں۔ ان کے عملے کی مدت میں اسسٹنٹ چیف آف پرسنل (ایچ آر ڈی) اور این ایچ کیو میں ڈائریکٹوریٹ آف نیول انٹیلی جنس اور ہندوستانی بحریہ کی ورک اپ ٹیم بھی شامل ہے۔

انہوں نے نومبر 2022 میں فلیگ آفیسر کمانڈنگ ایسٹرن فلیٹ کا عہدہ سنبھالا۔ اس مدت کے دوران، بحری بیڑے نے 'آرڈیننس آن ٹارگٹ' کے مشن پر توجہ مرکوز کرتے ہوئے آپریشنل تیاریوں کی تیز رفتاری کو برقرار رکھا۔ جنوری 2024 میں وائس ایڈمرل کے عہدے پر ترقی پر، فلیگ آفیسر کو کنٹرولر پرسنل سروسز کے طور پر تعینات کیا گیا جہاں اہلکاروں اور بحری برادری کے کام کے حالات کو بہتر بنانے کے لیے مختلف اقدامات کیے گئے۔ چیف آف پرسنل کا چارج سنبھالنے سے پہلے، فلیگ آفیسر قومی دفاعی اکادمی، کھڈک واسلا میں کمانڈینٹ کے عہدے پر فائز تھے۔

انہیں ابتدائی تربیت کے دوران اپنے بیچ کے 'فسٹ ان اوورآل آرڈر آف میرٹ' پر رہنے پر ایڈمرل کٹاری ٹرافی سے نوازا گیا۔ ان کی کمان میں، آئی این ایس کھوکری کو دسمبر 2011 میں بحریہ کے سربراہ کے اعزاز سے نوازا گیا، مجموعی طور پر آپریشنل تاثیر اور انسداد قزاقی آپریشنز کے کامیاب انعقاد کے لیے۔ انہیں ایف او سی – اِن – سی کمنڈیشن (2002)، نوسینا میڈل (2020)، اور اتی وششٹ سیوا میڈل (2024) سے بھی نوازا گیا ہے۔

ان کی تعلیمی قابلیت میں ایم ایس سی اور ایم فل (دفاعی اور اسٹریٹجک اسٹڈیز) شامل ہیں۔ ڈی ایس ایس سی ویلنگٹن میں اسٹاف کورس، نیول وار کالج میں ہائر کمان، اور ہندوستان میں این ڈی سی کورسز کے علاوہ، اس نے نیشنل انٹیلی جنس یونیورسٹی (این آئی یو)، واشنگٹن میں میری ٹائم انٹیلی جنس کورس اور اسٹاک ہوم، سویڈن میں اقوام متحدہ کے اسٹاف آفیسرز کورس (یو این ایس او سی) میں شرکت کی ہے۔

**********

 

 (ش ح –ا ب ن)

U.No:610

(Release ID: 2185136) Visitor Counter : 7