شماریات اور پروگرام کے نفاذ کی وزارت (ایم او ایس پی آئی) نے 31 اکتوبر 2025 کو انڈین انسٹی ٹیوٹ آف کارپوریٹ افیئرز (آئی آئی سی اے) کے ساتھ ایک مفاہمت نامے پر دستخط کیے جو کارپوریٹ امور کی وزارت ، حکومت ہند کے تحت ایک خود مختار ادارہ ہے ۔ اس میں وکست بھارت کے وژن کو حاصل کرنے کے لیے قومی ، ریاستی ، ای ایس جی اور سی ایس آر اشارے کو مربوط کرتے ہوئے ایک جامع ایس ڈی جی صف بندی فریم ورک تیار کرنے کا تصور کیا گیا ہے ۔

آئی آئی سی اے میں، آئی آئی سی اے کے ڈائریکٹر جنرل اور سی ای او جناب گیانیشور کمار سنگھ کی متحرک قیادت میں تعاون کا تصور کیا گیا ہے، جو ای ایس جی، سی ایس آر اور ذمہ دار کاروباری طرز عمل کے شعبوں میں آئی آئی سی اے کے اسٹریٹجک اقدامات کو آگے بڑھانے اور اسے ہندوستان کے قومی ترقی کے ایجنڈے کے ساتھ مربوط کرنے میں اہم کردار ادا کر رہے ہیں۔ دستخط کی تقریب میں جناب کشور بابو راؤ سروادے، ایڈیشنل ڈائریکٹر جنرل، کیپیسٹی ڈیولپمنٹ ڈویژن، ایم او ایس پی آئی ؛  ڈاکٹر گریما ددھیچ، ایسوسی ایٹ پروفیسر اور سربراہ، سکول آف بزنس انوائرمنٹ، آئی آئی سی اے ؛ محترمہ روچیکا گپتا، ڈپٹی ڈائریکٹر جنرل، سماجی شماریات ڈویژن، ایم او ایس پی آئی ؛ جناب شیو ناتھ سنگھ جاداوت، ڈائریکٹر، ٹریننگ یونٹ، کیپیسٹی ڈیولپمنٹ ڈویژن، ایم او ایس پی آئی؛ ڈاکٹر ضیاء الحق، ڈائریکٹر، سماجی شماریات ڈویژن، ایم او ایس پی آئی ، اور ایم او ایس پی آئی اور آئی آئی سی اے  کے دیگر اراکین موجود تھے۔

نیشنل انڈیکیٹر فریم ورک (این آئی ایف)، جو پائیدار ترقی کے اہداف (ایس ڈی جیز) کی طرف ہندوستان کی پیشرفت کی نگرانی کے لیے بنیاد کے طور پر کام کرتا ہے، اس مشترکہ کوشش کی بنیاد بنائے گا۔ این آئی ایف  پر تعمیر کرتے ہوئے، یہ اقدام ایک ایسا فریم ورک تیار کرے گا جو ای ایس جی  اور سی ایس آر کے طول و عرض کو مربوط کرتا ہے جبکہ ریاستی سطح کے اشارے کو قومی ترجیحات کے ساتھ ہم آہنگ کرتا ہے۔ یہ ہم آہنگ نقطہ نظر قومی، ریاستی اور کارپوریٹ پائیداری کے فریم ورک کو جوڑ دے گا، اس بات کو یقینی بنائے گا کہ کاروبار کے سی ایس آر اور ای ایس جی  اقدامات ریاست اور یونین کے زیر انتظام علاقوں کے ایس ڈی جی مقاصد کے ساتھ مؤثر طریقے سے منسلک ہوں۔ یہ این آئی ایف-ایس آئی ایف امتزاج ثبوت پر مبنی پالیسی سازی کو مضبوط کرے گا، پائیدار کارپوریٹ شراکت کو فروغ دے گا، اور مستقل اور جامع ایس ڈی جی  نگرانی اور عمل درآمد کے ذریعے ترقی یافتہ ہندوستان کے حکومت کے وژن کو آگے بڑھائے گا۔

*****

 

U.No:608

ش ح۔ح ن۔س ا

(Release ID: 2185131) Visitor Counter : 8