نیشنل فٹنس اینڈ ویلنیس کانکلیو، جو بھارت میں بڑھتی ہوئی فٹنس اور ویلنیس تحریک کا ایک نمایاں ایونٹ ہے، یکم نومبر 2025 کو دی ٹرائیڈنٹ ہوٹل، ممبئی میں منعقد ہوگا۔کانکلیو کی تقریب میں شرکت کے لیے نوجوانوں کے امور کھیل کود اور محنت و روزگار کے مرکزی  وزیر ، ڈاکٹر منسکھ منڈاویا، اور نوجوانوں کے امور اور کھیل کود کی مرکزی وزیر مملکت ، محترمہ رکھشا نکھل کھڈسے، کھیلوں کے مرکزی سکریٹری جناب ہری رنجن راؤ اور انڈین اولمپک ایسوسی ایشن کی صدر محترمہ پی ٹیاوشا بھی مدعو ہیں۔

کھیلوں ، سنیما ، طرز زندگی اور تندرستی میں ملک کی سرکردہ آوازوں کو اکٹھا کرتے ہوئے ، کانکلیو میں روہت شیٹی ، 2012 کے لندن اولمپکس میں تمغہ جیتنے والی سائنا نہوال ، کرکٹ ورلڈ کپ جیتنے والے ہربھجن سنگھ ، سیامی کھیر ، جیکی بھگنانی سمیت بہت سی ممتاز شخصیات کی شرکت ہوگی جو فٹنس اور استقامت کے جذبے کو مجسم کرتی ہیں ۔

مصروف پینل مباحثوں اور سیشنز کے ذریعے، نیشنل فٹنس اینڈ ویلنیس کانکلیو بھارت کے ابھرتے ہوئے فٹنس ماحولیاتی نظام، اس کی کاروباری صلاحیت، سماجی اہمیت، اور ایک صحت مند مستقبل کی تشکیل میں اس کے کردار پر جامع تبادلۂ خیال کے لیے ایک اہم پلیٹ فارم کے طور پر کام کرے گا۔

ڈاکٹر منڈاویا نے کہا کہ ’’ یہ فٹنس اور ویلنیس کے شعبے کو مستحکم اور فروغ دینے کا وقت ہے۔ وزیرِ اعظم نریندر مودی پہلے ہی فٹ انڈیا موومنٹ کے ذریعے اس راہ پر قدم رکھ چکے ہیں، اور اب ہم سب کو مل کر اسے آگے بڑھانا ہے۔ بھارت ایک نوجوان ملک ہے، لیکن یہاں طرزِ زندگی سے متعلق بیماریوں کی شرح کافی زیادہ ہے۔ ان چیلنجز پر قابو پانے کے لیے ہمیں سب کو ایک ساتھ کام کرنا ہوگا۔ مجھے خوشی ہے کہ کئی سرکردہ شخصیات فٹنس اور تندرستی کے مشن کو آگے بڑھانے کے لیے خود آگے آئی ہیں۔‘‘

دلچسپ پینل مباحثوں کا ایک سلسلہ مختلف شعبوں سے تعلق رکھنے والے ممتاز مہمانوں کو فٹنس اور مجموعی تندرستی کی اہمیت پر اپنے خیالات کا اشتراک کرتے ہوئے پیش کرے گا۔ فٹنس اور تفریح کے سنگم کو اجاگر کرتے ہوئے، فلم ساز روہت شیٹی اپنے ذاتی فٹنس سفر کی بصیرت شیئر کریں گے اور عوام میں صحت اور فٹنس کے کلچر کو فروغ دینے میں سینما کے کردار پر روشنی ڈالیں گے۔ اسی طرح، اولمپین نہوال اپنے کیریئر کے عروج کے دوران اپنی فٹنس کی جدوجہد کی کہانیاں بیان کریں گی، جو شرکاء کے لیے حوصلہ افزا اور متاثر کن ہوں گی۔

ڈاکٹر منڈاویا نے مزید کہا’’ مشہور شخصیات سے یہ سننے کا ایک بہترین موقع ہے کہ وہ فٹنس اور ویلنیس کے بارے میں کیا سوچتی ہیں ۔ یہ صنعت کے قائدین سے سننے کا بھی ایک موقع ہے جو شہروں میں ہمارے پاس موجود جم کے لیے فٹنس کا سامان تیار کرتے ہیں ۔ میں ماحولیاتی نظام کے کام کرنے کے طریقے کے بارے میں کچھ بہترین بصیرت حاصل کرنے کی امید کر رہا ہوں۔ ‘‘

کانکلیو کا ایک اہم حصہ فٹ انڈیا موومنٹ کے اقدامات اور سنگ میل کی نمائش کرے گا ، جو ایک بہتر ، مضبوط اور زیادہ خود کفیل بھارت بنانے کے عزم کو اجاگر کرے گا ۔ تقریب کا اختتام فٹ انڈیا کے سفیروں اور فٹ انڈیا آئیکونز کو ملک کے فٹنس مشن میں ان کی متاثر کن شراکت کے لیے اعزاز دینے کی تقریب کے ساتھ ہوگا ۔

****

 

ش ح ۔ ش ت۔ ر ب

U. No.558

(Release ID: 2184792) Visitor Counter : 9