ਕੇਂਦਰੀ ਸਿਹਤ ਅਤੇ ਪਰਿਵਾਰ ਭਲਾਈ ਰਾਜ ਮੰਤਰੀ ਸ਼੍ਰੀ ਪ੍ਰਤਾਪਰਾਓ ਜਾਧਵ ਨੇ ਚੱਲ ਰਹੇ ਵਿਸ਼ੇਸ਼ ਅਭਿਆਨ 5.0 ਦੀ ਤਰੱਕੀ ਦੀ ਸਮੀਖਿਆ ਕੀਤੀ ਅਤੇ ਨਿਰਮਾਣ ਭਵਨ, ਨਵੀਂ ਦਿੱਲੀ ਸਥਿਤ ਦਫ਼ਤਰ ਪਰਿਸਰਾਂ ਦਾ ਨਿਰੀਖਣ ਕੀਤਾ।

ਵਿਸ਼ੇਸ਼ ਅਭਿਆਨ 5.0 (2 ਤੋਂ 31 ਅਕਤੂਬਰ 2025 ਤੱਕ) ਦੇ ਤਹਿਤ, ਸਿਹਤ ਅਤੇ ਪਰਿਵਾਰ ਭਲਾਈ ਵਿਭਾਗ (ਡੀਓਐੱਚਐੱਫਡਬਲਿਊ) ਨੇ ਸਵੱਛਤਾ ਅਭਿਆਨ, ਰਿਕਾਰਡ ਪ੍ਰਬੰਧਨ, ਜਨਤਕ ਸ਼ਿਕਾਇਤਾਂ ਅਤੇ ਪੈਂਡਿੰਗ ਮਾਮਲਿਆਂ ਦੇ ਨਿਪਟਾਰੇ ਦੇ ਨਾਲ ਈ-ਵੇਸਟ ਦੇ ਨਿਪਟਾਰੇ ਵੱਲ ਵਿਸ਼ੇਸ਼ ਧਿਆਨ ਕੇਂਦ੍ਰਿਤ ਕੀਤਾ ਹੈ। ਡੀਓਐੱਚਐੱਫਡਬਲਿਊ ਦੇ ਤਹਿਤ ਆਉਣ ਵਾਲੇ ਕੇਂਦਰ ਸਰਕਾਰ ਦੇ ਹਸਪਤਾਲਾਂ/ਸੰਸਥਾਨਾਂ, ਜੁੜੇ ਹੋਏ ਅਤੇ ਅਧੀਨ ਦਫ਼ਤਰਾਂ, ਖੁਦਮੁਖਤਿਆਰੀ ਸੰਸਥਾਵਾਂ ਅਤੇ ਸੀਪੀਐੱਸਯੂ ਦਰਮਿਆਨ ਨਿਗਰਾਨੀ ਅਤੇ ਤਾਲਮੇਲ ਨੇ ਅਭਿਆਨ ਦੇ ਪ੍ਰਭਾਵਸ਼ਾਲੀ ਅਤੇ ਸਥਾਈ ਲਾਗੂਕਰਨ ਨੂੰ ਯਕੀਨੀ ਬਣਾਇਆ ਹੈ। 

29 ਅਕਤੂਬਰ 2025 ਤੱਕ, ਕੁੱਲ 1582 ਸਵੱਛਤਾ ਅਭਿਆਨ ਚਲਾਏ ਜਾ ਚੁੱਕੇ ਸਨ, ਅਤੇ ਸੰਸਦ ਮੈਂਬਰਾਂ ਦੇ 85 ਸੰਦਰਭਾਂ ਦਾ ਸੁਚਾਰੂ ਢੰਗ ਨਾਲ ਨਿਪਟਾਰਾ ਕਰ ਦਿੱਤਾ ਗਿਆ ਸੀ। ਸ਼ਿਕਾਇਤ ਨਿਪਟਾਰੇ ਦੇ ਸਬੰਧ ਵਿੱਚ 4726 ਜਨਤਕ ਸ਼ਿਕਾਇਤਾਂ ਅਤੇ 360 ਸ਼ਿਕਾਇਤ-ਸਬੰਧੀ ਅਪੀਲਾਂ ਦਾ ਨਿਪਟਾਰਾ ਕੀਤਾ ਜਾ ਚੁੱਕਾ ਸੀ। ਇਸ ਤੋਂ ਇਲਾਵਾ, ਕੁੱਲ 41,909 ਫਿਜੀਕਲ ਫਾਈਲਾਂ ਦੀ ਸਮੀਖਿਆ ਕੀਤੀ ਗਈ, ਜਿਨ੍ਹਾਂ ਵਿੱਚੋਂ 29,844 ਫਾਈਲਾਂ ਹਟਾ ਦਿੱਤੀਆਂ ਗਈਆਂ। ਇਸੇ ਤਰ੍ਹਾਂ 5759 ਈ-ਫਾਈਲਾਂ ਦੀ ਸਮੀਖਿਆ ਕੀਤੀ ਗਈ, ਜਿਸ ਦੇ ਸਿੱਟੇ ਵਜੋਂ 2114 ਈ-ਫਾਈਲਾਂ ਬੰਦ ਕਰ ਦਿੱਤੀਆਂ ਗਈਆਂ ਇਸ ਅਭਿਆਨ ਨਾਲ 30,442 ਵਰਗ ਫੁੱਟ ਦਫ਼ਤਰ ਦਾ ਥਾਂ ਖਾਲੀ ਹੋਈ ਅਤੇ 37,54,570 ਰੁਪਏ ਦਾ ਮਾਲੀਆ ਪ੍ਰਾਪਤ ਹੋਇਆ।

ਡੀਓਐੱਚਐੱਫਡਬਲਿਊ ਮਜ਼ਬੂਤ ਜਨਤਕ ਸਿਹਤ ਸ਼ਾਸਨ ਦੀ ਆਪਣੀ ਦੂਰਦਰਸ਼ਿਤਾ ਦੇ ਅਨੁਸਾਰ, ਕੁਸ਼ਲਤਾ, ਸਥਿਰਤਾ ਅਤੇ ਬਿਹਤਰ ਜਨਤਕ ਸੇਵਾ ਵੰਡ ਲਈ ਵਚਨਬੱਧ ਹੈ। 

************

ਐੱਸਆਰ/ਬਲਜੀਤ

(रिलीज़ आईडी: 2184701) आगंतुक पटल : 21