ଯୁବ ବ୍ୟାପାର ଓ କ୍ରୀଡା ମନ୍ତ୍ରଣାଳୟ
ମାରୋଲରେ ଆୟୋଜିତ ୧୭ତମ ଜନଜାତି ଯୁବ ବିନିମୟ କାର୍ଯ୍ୟକ୍ରମକୁ ପରିଦର୍ଶନ କଲେ କେନ୍ଦ୍ର ଯୁବ ଏବଂ କ୍ରୀଡା ମନ୍ତ୍ରୀ
“ବିକଶିତ ଭାରତ” ଗଠନରେ ଆଦିବାସୀ ଯୁବ ନେତୃତ୍ୱ ହେବ ପ୍ରଗତିର ଭିତ୍ତି: ଡକ୍ଟର ମନସୁଖ ମାଣ୍ଡଭିୟ
प्रविष्टि तिथि:
30 OCT 2025 4:04PM by PIB Bhubaneshwar
ମୁମ୍ବାଇ ମାରୋଲସ୍ଥିତ ପୋଲିସ ତାଲିମ କେନ୍ଦ୍ରରେ ଅନୁଷ୍ଠିତ ହେଉଛି ୧୭ତମ ଜନଜାତି ଯୁବ ବିନିମୟ କାର୍ଯ୍ୟକ୍ରମ । କେନ୍ଦ୍ର ଗୃହ ମନ୍ତ୍ରଣାଳୟ ଦ୍ୱାରା ଆୟୋଜିତ, କେନ୍ଦ୍ର ଯୁବ ବ୍ୟାପାର ଏବଂ କ୍ରୀଡା ମନ୍ତ୍ରଣାଳୟର ସହଯୋଗ ଓ ମହାରାଷ୍ଟ୍ର ରାଜ୍ୟ ପୋଲିସ ଦ୍ୱାରା ସମନ୍ୱିତରେ ଅକ୍ଟୋବର ୨୭ରେ ଆରମ୍ଭ ହୋଇ ୨ ନଭେମ୍ବର, ୨୦୨୫ରେ ଶେଷ ହେବ। ଆଜିର କାର୍ଯ୍ୟକ୍ରମରେ କେନ୍ଦ୍ର ଯୁବ ବ୍ୟାପାର ଏବଂ କ୍ରୀଡା ମନ୍ତ୍ରୀ ଡକ୍ଟର ମନସୁଖ ମାଣ୍ଡଭିୟ ସମ୍ମାନିତ ଅତିଥି ଭାବେଯୋଗ ଦେଇଥିଲେ।
୨୦୪୭ ସୁଦ୍ଧା ଏକ ବିକଶିତ ଭାରତ ଗଠନରେ ଯୁବ ଆଦିବାସୀ ନେତାଙ୍କ ଗୁରୁତ୍ୱପୂର୍ଣ୍ଣ ଭୂମିକା ଉପରେ ଗୁରୁତ୍ୱାରୋପ କରିଥିଲେ କେନ୍ଦ୍ରମନ୍ତ୍ରୀ ଡକ୍ଟର ମନସୁଖ ମାଣ୍ଡଭିୟ । ସେ ଦକ୍ଷତା ବିକାଶ ଏବଂ ଡିଜିଟାଲ ସଶକ୍ତିକରଣ ମାଧ୍ୟମରେ ଦେଶର "ବିକଶିତ ଭାରତ" ଦୃଷ୍ଟିକୋଣକୁ ସକ୍ରିୟ ଭାବରେ ଯୋଗଦାନ ଦେବାକୁ ଯୁବପିଢ଼ିଙ୍କୁ ଆହ୍ୱାନ ଦେଇଥିଲେ।
ଡକ୍ଟର ମାଣ୍ଡଭିୟ ମଧ୍ୟ “ମେରା ଯୁବା (ମୋ) ଭାରତ ପୋର୍ଟାଲ”ର ଗୁରୁତ୍ୱ ଉପରେ ଗୁରୁତ୍ୱାରୋପ କରିଥିଲେ ଏବଂ ଏହି ପ୍ଲାଟଫର୍ମରେ ଯୁବପିଢ଼ିଙ୍କୁ ସେମାନଙ୍କର ଡିଜିଟାଲ ପରିଚୟ ସୃଷ୍ଟି କରିବାକୁ ଉତ୍ସାହିତ କରିଥିଲେ। ଏହି ପୋର୍ଟାଲ୍ ଚାକିରି ସୁଯୋଗ, ଦକ୍ଷତା ବିକାଶ କାର୍ଯ୍ୟକ୍ରମ, ଅନଲାଇନ୍ ପ୍ରତିଯୋଗିତା ଏବଂ ଅର୍ଥପୂର୍ଣ୍ଣ କାର୍ଯ୍ୟ ବିଷୟରେ ବ୍ୟାପକ ସୂଚନା ପ୍ରଦାନ କରିବା ସହ ଚିନ୍ତାଧାରା ବାଣ୍ଟିବାର ଉପାୟ ମଧ୍ୟ ପ୍ରଦାନ କରିଥାଏ, ଯାହା ଦ୍ୱାରା ଯୁବପିଢ଼ି ଅପଡେଟ୍ ଏବଂ ସଂଯୁକ୍ତ ରହିପାରିବେ।
ଏହି କାର୍ଯ୍ୟକ୍ରମରେ ଅନ୍ୟାନ୍ୟ ମାନ୍ୟଗଣ୍ୟ ବ୍ୟକ୍ତି ଶ୍ରୀ ପ୍ରବୀଣ କୁମାର ପଡ଼ୱାଲ, ସ୍ୱତନ୍ତ୍ର ପୋଲିସ ମହାନିରୀକ୍ଷକ, ତାଲିମ ବିଭାଗ, ମହାରାଷ୍ଟ୍ର ରାଜ୍ୟ ପୋଲିସ ଶ୍ରୀ ଅନୁପ ଇଙ୍ଗୋଲ, ଜିଲ୍ଲା ଯୁବ ଅଧିକାରୀ, ଶ୍ରୀ ରବିନ୍ଦ୍ର ଡାଲଭି, ମାରୋଲ ପୋଲିସ ତାଲିମ କେନ୍ଦ୍ର ଅଧ୍ୟକ୍ଷ ଏବଂ ଜୁଡୋ ଆସୋସିଏସନର ଯତୀନ ବାଙ୍ଗେରା ପ୍ରମୁଖ ଉପସ୍ତିତ ଥିଲେ।
ଏହି ପଦକ୍ଷେପ ଆଦିବାସୀ ଯୁବକମାନଙ୍କୁ ଜ୍ଞାନ, କୌଶଳ ଓ ସର୍ବାଙ୍ଗୀନ ବିକାଶ ଏବଂ ରାଷ୍ଟ୍ର ନିର୍ମାଣରେ ସକ୍ରିୟ ଅଂଶଗ୍ରହଣ ପାଇଁ ସୁଯୋଗ ପ୍ରଦାନ କରିବା ପାଇଁ ଭାରତ ସରକାରଙ୍କ ପ୍ରତିବଦ୍ଧତାକୁ ସ୍ପଷ୍ଟ କରିଥାଏ।
sws
(रिलीज़ आईडी: 2184459)
आगंतुक पटल : 18