مضبوط گھریلو اسٹیل کی مانگ اور لچکدار کان کنی سے متعلق کارروائیوں کے درمیان ،این ایم ڈی سی نے مالی سال 2026 میں اپنی اب تک کی بہترین دوسری سہ ماہی فراہم کی۔کمپنی نے اہم مالیاتی پیرامیٹرز میں مسلسل ترقی کے ساتھ ساتھ ہمہ وقتی اعلیٰ پیداوار اور فروخت کا حجم درج کیا۔

مالی سال 26 کی دوسری سہ ماہی میں، پیداوار 10.21 ملین ٹن رہی، جو گزشتہ سال کی اسی مدت کے مقابلے میں 23 فیصد زیادہ ہے، اور فروخت 10.72 ملین ٹن تک پہنچ گئی، جو مالی سال 25 کی دوسری سہ ماہی کے مقابلے میں 10 فیصد زیادہ ہے۔

این ایم ڈی سی کی آپریشنل رفتار نے سہ ماہی کے لیے مضبوط مالیاتی نتائج میں صورت اختیار کی۔ ٹرن اوور 30 ​​فیصد اضافے سے 6,261 کروڑروپے تک پہنچ گیا۔ پی بی ٹی 35 فیصد بڑھ کر2,271 کروڑ روپے ہو گیا، اور پی اے ٹی 33 فیصد بڑھ کر1,694 کروڑ روپے ہو گیا جبکہ ای بی آئی ٹی ڈی اے بھی 32فیصد بڑھ کر 2,385 کروڑ روپے تک پہنچ گیا۔

نتائج پر تبصرہ کرتے ہوئے، جناب امیتاوا مکھرجی، چیئرمین اوراین ایم ڈی سی کے ایم ڈی نے کہاکہ اس سہ ماہی میں ریکارڈ پیداوار، ریکارڈ فروخت، اور مضبوط مالیاتی نمو ہمارے تاریخی بھروسے کے تمام اشارے ہیں۔ اعلی معیار کی خام دھات کی فراہمی،حوصلہ افزا توسیعی منصوبے، اور قومی اہداف کے اہداف کے لیے جوابدہی این ایم ڈی سی کی صنعتی کوششوں کو آگے بڑھانے کے لیے، اسٹیل بنانے کے خام مال میں خود کفالت حاصل کرنے کے ساتھ ساتھ کاربن کے مکمل  اخراج تک پہنچنے کی ذمہ داری سے رہنمائی کرتے ہوئے، بھارت کو آگے لے جانے کی ایک اہم کوشش ہے۔

 

*******

 

ش ح۔ ش م۔م ش

U.NO.482

(Release ID: 2184095) Visitor Counter : 6