ਮੱਛੀ ਪਾਲਣ, ਪਸ਼ੂ ਪਾਲਣ ਅਤੇ ਡੇਅਰੀ ਮੰਤਰਾਲੇ ਅਧੀਨ ਮੱਛੀ ਪਾਲਣ ਵਿਭਾਗ, "ਸਵੱਛਤਾ ਹੀ ਸੇਵਾ" ਮੁਹਿੰਮ ਦੇ ਦੂਜੇ ਪੜਾਅ ਨੂੰ ਲਾਗੂ ਕਰ ਰਿਹਾ ਹੈ ਜਿਸ ਦਾ ਮੁੱਖ ਉਦੇਸ਼ ਸਫਾਈ, ਕੁਸ਼ਲਤਾ ਅਤੇ ਬਿਹਤਰ ਕੰਮ ਦੇ ਵਾਤਾਵਰਣ ਨੂੰ ਉਤਸ਼ਾਹਿਤ ਕਰਨਾ ਹੈ। ਇਹ ਪੜਾਅ ਰਣਨੀਤਕ ਤੌਰ 'ਤੇ ਸਰਕਾਰ ਦੇ ਜਵਾਬਦੇਹ ਸ਼ਾਸਨ ਦੇ ਵਿਆਪਕ ਦ੍ਰਿਸ਼ਟੀਕੋਣ ਨਾਲ ਜੁੜਿਆ ਹੋਇਆ ਹੈ। ਇਹ ਮੁਹਿੰਮ ਲੰਬਿਤ ਮਾਮਲਿਆਂ ਦੇ ਜਲਦੀ ਨਿਪਟਾਰੇ 'ਤੇ ਕੇਂਦ੍ਰਿਤ ਕਰਦੀ ਹੈ, ਜਿਸ ਵਿੱਚ ਸੰਸਦ ਮੈਂਬਰਾਂ, ਪ੍ਰਧਾਨ ਮੰਤਰੀ ਦਫ਼ਤਰ, ਪਤਵੰਤਿਆਂ ਅਤੇ ਰਾਜ ਸਰਕਾਰਾਂ ਦੇ ਸੰਦਰਭ ਸ਼ਾਮਲ ਹਨ। ਇਸ ਵਿੱਚ ਜਨਤਕ ਸ਼ਿਕਾਇਤਾਂ ਦਾ ਸਮੇਂ ਸਿਰ ਹੱਲ ਵੀ ਸ਼ਾਮਲ ਹੈ। ਮੱਛੀ ਪਾਲਣ ਵਿਭਾਗ ਯੋਜਨਾਬੱਧ ਰਹਿੰਦ-ਖੂੰਹਦ ਪ੍ਰਬੰਧਨ ਅਤੇ ਈ-ਵੇਸਟ, ਫਜ਼ੂਲ ਸਮੱਗਰੀਆਂ ਅਤੇ ਪੁਰਾਣੀਆਂ ਫਾਈਲਾਂ ਦੇ ਜ਼ਿੰਮੇਵਾਰ ਨਿਪਟਾਰੇ ਰਾਹੀਂ ਟਿਕਾਊ ਦਫਤਰੀ ਅਭਿਆਸਾਂ ਨੂੰ ਅਪਣਾ ਰਿਹਾ ਹੈ। ਇਹ ਯਤਨ ਸੰਚਾਲਨ ਕੁਸ਼ਲਤਾ ਅਤੇ ਕਾਰਜ ਸਥਾਨ ਦੇ ਸੁਹਜ ਨੂੰ ਬਿਹਤਰ ਬਣਾ ਰਹੇ ਹਨ, ਇੱਕ ਸਾਫ਼, ਹਰੇ ਅਤੇ ਵਧੇਰੇ ਉਤਪਾਦਕ ਦਫਤਰੀ ਵਾਤਾਵਰਣ ਨੂੰ ਉਤਸ਼ਾਹਿਤ ਕਰ ਰਹੇ ਹਨ।

 

2 ਅਕਤੂਬਰ ਤੋਂ 23 ਅਕਤੂਬਰ, 2025 ਤੱਕ ਚੱਲ ਰਹੇ ਮੌਜੂਦਾ ਲਾਗੂਕਰਣ ਪੜਾਅ ਦੀਆਂ ਮੁੱਖ ਪ੍ਰਾਪਤੀਆਂ:

1. 50 ਨਿਰਧਾਰਤ ਸਫਾਈ ਮੁਹਿੰਮਾਂ ਵਿੱਚੋਂ 45 ਸਫਲਤਾਪੂਰਵਕ ਪੂਰੀਆਂ ਹੋਈਆਂ।

2.  ਟੀਚਾਗਤ 65 ਜਨਤਕ ਸ਼ਿਕਾਇਤਾਂ ਵਿੱਚੋਂ ਲਗਭਗ 82 ਪ੍ਰਤੀਸ਼ਤ ਯਾਨੀ 53 ਸ਼ਿਕਾਇਤਾਂ ਦਾ ਹੱਲ ਕੀਤਾ ਗਿਆ।
   [ਵਿਸ਼ੇਸ਼ ਮੁਹਿੰਮ 5.0 ਦੌਰਾਨ, 50 ਲੰਬਿਤ ਜਨਤਕ ਸ਼ਿਕਾਇਤਾਂ ਅਤੇ 15 ਅਪੀਲਾਂ, ਜਾਂ ਕੁੱਲ 65 ਜਨਤਕ ਸ਼ਿਕਾਇਤਾਂ ਨੂੰ ਹੱਲ ਕਰਨ ਦਾ ਟੀਚਾ ਨਿਰਧਾਰਿਤ ਕੀਤਾ ਗਿਆ ਸੀ। ਟੀਚਾਗਤ 65 ਜਨਤਕ ਸ਼ਿਕਾਇਤਾਂ ਵਿੱਚੋਂ, 53 (45 ਜਨਤਕ ਸ਼ਿਕਾਇਤਾਂ ਅਤੇ 8 ਅਪੀਲਾਂ) ਦਾ ਹੱਲ ਕੀਤਾ ਗਿਆ ਹੈ।]

3. 113 ਪੁਰਾਣੀਆਂ ਫਾਈਲਾਂ ਨੂੰ ਹਟਾ ਦਿੱਤਾ ਗਿਆ।

4. ਕਬਾੜ, ਈ-ਵੇਸਟ ਅਤੇ ਫਜ਼ੂਲ ਦਸਤਾਵੇਜ਼ਾਂ ਦੇ ਨਿਪਟਾਰੇ ਦੁਆਰਾ 50 ਵਰਗ ਫੁੱਟ ਦਫਤਰੀ ਜਗ੍ਹਾ ਨੂੰ ਵਰਤੋਂ ਯੋਗ ਬਣਾਇਆ ਗਿਆ।

 

ਇਹ ਨਤੀਜੇ ਵਿਭਾਗ ਦੀ ਪਾਰਦਰਸ਼ਿਤਾ, ਕੁਸ਼ਲਤਾ ਅਤੇ ਸਵੱਛ ਭਾਰਤ ਮਿਸ਼ਨ ਦੇ ਮੁੱਖ ਸਿਧਾਂਤਾਂ ਪ੍ਰਤੀ ਵਚਨਬੱਧਤਾ ਨੂੰ ਦਰਸਾਉਂਦੇ ਹਨ।

***

ਏਏ

(रिलीज़ आईडी: 2183717) आगंतुक पटल : 16