மத்திய வர்த்தகம் மற்றும் தொழில்துறை அமைச்சர் திரு பியூஷ் கோயல் பிரஸ்ஸல்சுக்கு பயணம்

மத்திய வர்த்தகம் மற்றும் தொழில்துறை அமைச்சர் திரு பியூஷ் கோயல், அக்டோபர் 27–28  ஆகிய தேதிகளில், பெல்ஜியத்தின் பிரஸ்ஸல்சுக்குச் சென்று, ஐரோப்பிய ஒன்றியத்தின் நிர்வாக துணைத் தலைவரும் ஐரோப்பிய வர்த்தக ஆணையருமான மாரோஸ் செஃப்கோவிச்சுடன் உயர் மட்ட விவாதங்களை நடத்துவார்.

இந்தியா-ஐரோப்பிய ஒன்றிய தடையற்ற  வர்த்தக ஒப்பந்தம் பேச்சுவார்த்தைகளில் இந்தப் பயணம் ஒரு முக்கியமான கட்டத்தில் வருகிறது. ஏனெனில் இரு தரப்பினரும் ஒரு விரிவான, சமநிலையான மற்றும் பரஸ்பர நன்மை பயக்கும் வர்த்தக ஒப்பந்தத்தை விரைவில் முடிப்பதற்கான முயற்சிகளை தீவிரப்படுத்துகின்றனர். இந்த மாதத் தொடக்கத்தில் நடைபெற்ற 14-வது சுற்று பேச்சுவார்த்தைகளால் உருவாக்கப்பட்ட உத்வேகத்தை அடிப்படையாகக் கொண்டு, பேச்சுவார்த்தைகளுக்கு திசையையும் அரசியல் உத்வேகத்தையும் வழங்குவதே அமைச்சரின் பயணத்தின் நோக்கமாகும்.

சந்தை அணுகல், வரி அல்லாத நடவடிக்கைகள் மற்றும் ஒழுங்குமுறை ஒத்துழைப்பு உள்ளிட்ட முன்மொழியப்பட்ட தடையற்ற வர்த்தக ஒப்பந்தத்தின்  முக்கிய பகுதிகளை விவாதங்கள் உள்ளடக்கும் என்று எதிர்பார்க்கப்படுகிறது. இதுவரை அடைந்துள்ள முன்னேற்றத்தை ஆய்வு செய்வதற்கும் மேலும் ஒருங்கிணைப்பு தேவைப்படும் பகுதிகளை அடையாளம் காண்பதற்கும் இந்தப் பயணம் உதவும்.

இந்த ஆண்டு தொடக்கத்தில் பிரதமர் திரு நரேந்திர மோடி மற்றும் ஐரோப்பிய ஆணையத் தலைவர்  உர்சுலா வான் டெர் லேயன் ஆகியோருக்கு இடையேயான சந்திப்பைத் தொடர்ந்து இந்தியா-ஐரோப்பிய ஒன்றிய கூட்டாண்மை புதுப்பிக்கப்பட்ட  ஆழத்தைப் பெறுவதன் பின்னணியில் இந்தப் பயணம்  நடைபெறுகிறது.

பிரஸ்ஸல்ஸுக்கு அமைச்சர் கோயலின் பயணம்,  அந்தப் பகிரப்பட்ட பார்வையை உறுதியான விளைவுகளாக மாற்றுவதில் ஒரு முக்கியமான முன்னேற்றத்தைக் குறிக்கிறது. அதன் மிகப்பெரிய வர்த்தக கூட்டாளிகளில் ஒன்றான ஐரோப்பிய ஒன்றியத்துடன் ஆழமான ஈடுபாட்டை ஏற்படுத்துவதற்கும், நிலையான விநியோகச் சங்கிலிகள், நிலையான வளர்ச்சி மற்றும் விதிகள் சார்ந்த உலகளாவிய வர்த்தக அமைப்புக்கு பங்களிக்கும் ஒரு ஒப்பந்தத்தை முன்னெடுப்பதற்கும் இந்தியாவின் உறுதியான அர்ப்பணிப்பை இது பிரதிபலிக்கிறது.

***

(Release ID: 2182607)

AD/PKV/RJ