தேசிய ஓய்வூதிய திட்டம் (என்பிஎஸ்) மற்றும் ஒருங்கிணைந்த ஓய்வூதியத் திட்டம் (யுபிஎஸ்) ஆகிய இரண்டின் கீழும் மத்திய அரசு ஊழியர்களுக்கு எல்சி 75 மற்றும் பிஎல்சி முதலீட்டு விருப்பங்களை நீட்டிக்க மத்திய அரசு ஒப்புதல் அளித்துள்ளது. அரசு சாரா சந்தாதாரர்களுக்குக் கிடைப்பதைப் போன்ற பரந்த அளவிலான முதலீட்டு விருப்பங்களுக்கான மத்திய அரசு ஊழியர்களின் தொடர்ச்சியான கோரிக்கைக்கு ஏற்ப இந்த முடிவு எடுக்கப்பட்டுள்ளது. ஓய்வூதியத் திட்டத்தில் நெகிழ்வுத்தன்மையை மேம்படுத்தவும், ஊழியர்கள் தங்கள் ஓய்வூதிய நிதியை தனிப்பட்ட விருப்பங்களுக்கு ஏற்ப நிர்வகிக்க அனுமதிக்கவும் இந்த விருப்பங்கள் வடிவமைக்கப்பட்டுள்ளன.

என்பிஎஸ் மற்றும் யுபிஎஸ்-இன் கீழ், மத்திய அரசு ஊழியர்கள் இப்போது பல்வேறு முதலீட்டு விருப்பங்களிலிருந்து தேர்வு செய்யலாம்:

• இயல்புநிலை விருப்பம்: ஓய்வூதிய நிதி ஒழுங்குமுறை மற்றும் மேம்பாட்டு ஆணையத்தால் அவ்வப்போது வரையறுக்கப்பட்ட முதலீட்டின் 'இயல்புநிலை முறை'.
• திட்டம் ஜி: குறைந்த இடற்பாடு, நிலையான வருமானத்திற்கான அரசு பத்திரங்களில் 100% முதலீடு.
• எல்சி-25: அதிகபட்ச பங்கு ஒதுக்கீடு 25%, 35 வயதிலிருந்து 55 வயது வரை படிப்படியாகக் குறைகிறது.
• எல்சி-50: அதிகபட்ச பங்கு ஒதுக்கீடு 50%, 35 வயதிலிருந்து 55 வயது வரை படிப்படியாகக் குறைகிறது.
• பிஎல்சி: எல்சி 50-ன் மாற்றியமைக்கப்பட்ட பதிப்பு, 45 வயதிலிருந்து பங்கு ஒதுக்கீடு குறைகிறது, தேவைப்பட்டால் ஊழியர்கள் நீண்ட காலத்திற்கு பங்குகளில் முதலீடு செய்ய அனுமதிக்கிறது.
• எல்சி-75: அதிகபட்ச பங்கு ஒதுக்கீடு 75%, 35 வயதிலிருந்து 55 வயது வரை படிப்படியாகக் குறைகிறது.

மேலும் விவரங்களுக்கு இந்த செய்திக் குறிப்பை ஆங்கிலத்தில் இங்கே காணவும்:  https://www.pib.gov.in/PressReleasePage.aspx?PRID=2182253

***

AD/RB/RJ