مالیاتی خدمات کے محکمے نے خصوصی مہم 5.0 کے دوسرے ہفتے کے دوران اپنی تنظیموں (پی ایس بی، پی ایس ایف آئی، پی ایس آئی سی، آر آر بی، وغیرہ) کے ساتھ اپنی عمارتوں اور عوامی مقامات ، جن میں بس اسٹینڈس، سمندری ساحلوں، مندروں اور اسکولوں میں صفائی ستھرائی کی بڑی مہمات کا اہتمام کیا۔

ملک بھر میں 23000 سے زائد مقامات کو صاف ستھرا بنایا گیا اور تقریباً 1.25 لاکھ مربع فٹ کے بقدر جگہ کو خالی کیا گیا۔ ان خالی جگہوں کو صارفین کے لیے لاؤنج ایریا، اسٹوریج، ملازمین کے لیے اپنے چھوٹی بچوں کی دیکھ بھال کی جگہ، وغیرہ جیسے مختلف مقاصد کے لیے استعمال کیا جائے گا۔ کاٹھ کباڑ کو ٹھکانے لگاکر اب تک تقریباً 2 کروڑ روپے کمائے جا چکے ہیں۔

جناب چندردیپ کمار جھا، ڈپٹی ڈائرکٹر جنرل (ڈی ایف ایس)، نوڈل افسر برائے خصوصی مہم 5.0 نے دیگر افسران کے ساتھ مالیاتی خدمات کے محکمے کے ریکارڈ روم کا جائزہ لیا۔ انہوں نے ریکارڈوں کا بھی جائزہ لیا اور متعلقہ سیکشنوں کو کاغذی فائلوں کو ڈیجیٹل شکل میں لانے کے بارے میں آگاہ کیا۔

مالیاتی خدمات کے محکمے کی تمام تر تنظیمیں اس مہم میں سرگرمی کے ساتھ حصہ لے رہی ہیں۔ ان کی سرگرمیوں کو مسلسل سوشل میڈیا پلیٹ فارموں پر پوسٹ کیا جا رہا ہے۔

 

**********

 (ش ح –ا ب ن- ع ر)

U.No:45

(Release ID: 2180626) Visitor Counter : 5