প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রী মন্দলনা ‘দিবেলপমেন্ত ওফ সেমিকন্দক্তর্স এন্দ দিস্প্লে মেনুফেকচরিং ইকোসিস্তেম ইন ইন্দিয়া’ গী মখাদা সেমিকন্দক্তর য়ুনিৎ অহুম অমগা লিংখৎপদা অয়াবা পীখ্রে। য়ুনিৎ অহুম্মক্না মথঙগী নুমিৎ ১০০ গী মনুংদা শেমগৎ শাগৎপগী থবক হৌগনি।

দিবেলপমেন্ত ওফ সেমিকন্দক্তর্স এন্দ দিস্প্লে মেনুফেকচরিং ইকোসিস্তেম ইন ইন্দিয়াগী প্রোগ্রাম অসি লুপা করোর ৭৬,০০০ কী অপুনবা শেনফমগা লোয়ননা ২১.১২.২০২১ দা লাউথোকখিবনি।

জুন ২০২৩ দা, কেন্দ্রগী মন্ত্রী মন্দলনা গুজরাতকী সনন্দদা সেমিকন্দক্তর য়ুনিৎ অমা লিংখৎনবা মাইক্রোনগী প্রপোজেল অয়াবা পীখিবনি।

য়ুনিৎ অসি শেমগৎ শাগৎপগী থবক খোঙজেল য়াঙনা চঙশিল্লি অমদি য়ুনিৎ অসিগী মনাক্তা অচৌবা সেমিকন্দক্তর ইকোসিস্তেম অমা থোরক্লি।

অয়াবা পীখ্রবা সেমিকন্দক্তর য়ুনিৎ অহুম অদুদি:

১. ৫০,০০০ wfsm গী কেপাসিতী লৈবা সেমিকন্দক্তর ফেব:

তাতা ইলেক্ত্রোনিক্স প্রাইভেত লিমিতেদ (“TEPL”) না পৱারচিপ সেমিকন্দক্তর মেনুফেকচরিং কোর্প (PSMC), তাইৱানগা খোঙবু ওইদুনা সেমিকন্দক্তর ফেব অমা লিংখৎকনি।

ইনভেস্তমেন্ত: ফেব অসি ধোলেরা, গুজরাত্তা শাগদবনি। ফেব অসিদা থাগদবা শেনফম্না লুপা করোর ৯১,০০০ নি।

তেক্নোলোজী পার্ত্নর: PSMC অসি মাগী লোজিক অমদি মেমোরী ফাউন্দ্রী সেগমেন্তকীদমক মীয়াম্না খঙনৈ। PSMC গী তাইৱান্দা সেমিকন্দক্তর ফাউন্দ্রী ৬ লৈ।

কেপাসিতী: ৫০,০০০ ৱেফর স্তার্তস পর মন্থ (WSPM) 

কোনশিল্লিবা সেগমেন্ত:

২৮ nm তেক্নোলোজীগী হায় পর্ফোর্মেন্স কম্প্যুত চিপ্স

ইলেক্ত্রিক ভেহিকল (EV), তেলিকোম, দিফেন্স, ওতোমোতিব, কঞ্জ্যুমর ইলেক্ত্রোনিক্স, দিস্প্লে, পৱার ইলেক্ত্রোনিক্সনচিংবগী পৱার মেনেজমেন্ত চিপ্স। পৱার মেনেজমেন্ত চিপশিং অসি ভোল্তেজ ৱাংবা, করেন্ত ৱাংবা এপ্লিকেসনশিংনি।

২. অসামদা সেমিকন্দক্তর ATMP য়ুনিত:

তাতা সেমিকন্দক্তর এসেমব্লী এন্দ তেস্ত প্রাইভেত লিমিতেদ (“TSAT”) না মোরিগাও, অসামদা সেমিকন্দক্তর য়ুনিৎ অমা লিংখৎকনি।

ইনভেস্তমেন্ত: য়ুনিৎ অসি লুপা করোর ২৭,০০০ কী ইনভেস্তমেন্ত অমগা লোয়ননা লিংখৎকদবনি।

তেক্নোলোজী: TSAT সেমিকন্দক্তরনা ফ্লিপ চিপ অমদি ISIP (ইন্তিগ্রেতেদ সিস্তেম ইন পেকেজ) তেক্নোলোজিজ য়াওনা লমদমসিগী ওইবা খুমাঙ চাওশিল্লবা সেমিকন্দক্তর পেকেজিং তেক্নোলোজীশিং শেমগৎলি।

কেপাসিতী: নোংমদা ৪৮ মিলিয়ন

কোনশিল্লিবা সেগমেন্ত: ওতোমোতিব, ইলেক্ত্রিক ভেহিকল, কঞ্জ্যুমর ইলেক্ত্রোনিক্স, তেলিকোম, মোবাইল ফোন অসিনচিংবা।

৩.   স্পিসিএলাইজ চিপশিংগী সেমিকন্দক্তর ATMP য়ুনিত:

CG পৱারনা, রেনেসাস ইলেক্ত্রোনিক্স কোর্পোরেসন, জাপান অমদি স্তার্স মাইক্রোইলেক্ত্রোনিক্স, থাইলেন্দগা খোঙবু ওইদুনা সনন্দ, গুজরাত্তা সেমিকন্দক্তর য়ুনিত অমা লিংখৎকনি।

ইনভেস্তমেন্ত: য়ুনিত অসি লুপা করোর ৭,৬০০ গী ইনভেস্তমেন্ত অমগা লোয়ননা লিংখৎকদবনি।

তেক্নোলোজী পার্ত্নর: রেনেসাস অসি স্পিসিএলাইজ চিপশিংদা মীৎয়েঙ থম্লিবা মাঙজিল থাবা সেমিকন্দক্তর কম্পেনী অমনি। মসিনা সেমিকন্দক্তর ফেসিলিতী ১২ চলাইরি অমদি মাইক্রোকন্ত্রোলর, এনালোগ পৱার, অমদি সিস্তেম ওন চিপ (‘SoC)’ প্রদক্তশিংগী মরুওইবা প্লেয়র অমনি।

কোনশিল্লিবা সেগমেন্ত: CG পৱার সেমিকন্দক্তর য়ুনিৎনা কঞ্জ্যুমর, ইন্দস্ত্রিএল, ওতোমোতিব অমদি পৱার এপ্লিকেসনগী চিপশিং পুথোক্কনি।

কেপাসিতী: নোংমদা মিলিয়ন ১৫

য়ুনিতশিং অসিগী স্ত্রেতেজিক মরু ওইবা:

তেল্লবা মতমগী মনুংদা, ইন্দিয়া সেমিকন্দক্তর মিসন্না অচৌবা মায় পাকপা মরি ফংবা ঙমখ্রে। হায়রিবা য়ুনিতশিং অসিগা লোয়ননা ভারত্তা সেমিকন্দক্তর ইকোসিস্তেম অমা লিংখৎলগনি।

ভারত্তা চিপ দিজাইনগী অচেৎপা মতিং হান্ননা লৈরে। য়ুনিতশিং অসিগা লোয়ননা লৈবাক অসিনা চিপ ফেব্রিকেসনগী মতিং শেমগৎলগনি।

এদভান্স পেকেজিং তেক্নোলোজীশিং ঙসি লাউথোক্লিবা অসিগা লোয়ননা ভারত্তা লমদমসিগী ওইবা মওংদা পুথোক্লগনি।

থবক পীবা ঙম্বগী মতিং:

য়ুনিতশিং অসিনা এদভান্স তেক্নোলোজী জোব লিশিং ২০ গী দাইরেক্ত এমপ্লোইমেন্ত অমদি ইন্দাইরেক্ত জোব লিশিং ৬০ রোম পীগনি।

য়ুনিতশিং অসিনা দাউনস্ত্রীম ওতোমোতিব, ইলেক্ত্রোনিক্স মেনিফেকচরিং, তেলিকোম মেনুফেকচরিং, ইন্দস্ত্রিএল মেনুফেকচরিং, অমদি অতৈ সেমিকন্দক্তর শীজিন্নবা ইন্দস্ত্রীশিংদা থবক পীবগী খোঙজেল য়াঙখৎহনগনি।

***