بنکولہ ایریا کالونی میں واقع ایک 80 سال پرانی خستہ حال اور لاوارث عمارت، جسے ٹلی بنگلہ کے نام سے جانا جاتا ہے، کو ایسٹرن کول فیلڈز لمیٹڈ نے خوبصورتی سے بحال کر کے ایک نئی زندگی دی ہے۔ اصلاً اس عمارت کو برطانوی دور میں ایک نجی کوئلہ کمپنی نے اپنے سرکاری استعمال کے لیے تعمیر کیا تھا۔ اس ورثہ جاتی عمارت کو اس کے اصل تعمیراتی کردار کو تبدیل کیے بغیر مرمت کے ذریعہ بحال کیا گیا ہے۔

81,310 مربع فٹ کے کل رقبے پر پھیلے ہوئے احاطے کو جدید جسمانی فٹنس کے سامان سے آراستہ سرسبز و شاداب لان میں نئی ​​شکل دی گئی ہے۔ 16,868 مربع فٹ پر محیط مرکزی عمارت کو احتیاط کے ساتھ مرمت کر کے یوگا اور تفریحی مرکز میں تبدیل کر دیا گیا ہے، جس میں یوگا پریکٹشنرز، بنکولہ ایریا کے ملازمین اور مقامی باشندوں کے لیے بیت الخلاء اور واش روم کی سہولتیں بھی دستیاب ہیں۔

نومرمت شدہ سہولت کا افتتاح ای سی ایل کے چیئرمین اور منیجنگ ڈائرکٹر جناب ستیش جھا کے ذریعہ ورچووَل  طریقے سے کیا گیا۔ اس موقع پر بنکولہ ایریا کے ایریا جنرل منیجر جناب سنجے کمار ساہو ، محکموں کے سربراہان، جے سی سی، ویلفیئر کمیٹی، سی آئی ایس ٹی ای اے، آئی این ایم او ایس ایس اے، او بی سی ویلفیئر ایسوسی ایشن اور ایس سی / ایس ٹی / او بی سی کونسل  کے اراکین بھی موجود تھے۔

افتتاح کے دوران، سی ایم ڈی، ای سی ایل جناب ستیش جھا نے بنکولہ ایریا کی انتظامیہ کی اس پرانے ڈھانچے کو صحت اور ہم آہنگی کے مرکز میں بحال کرنے کے قابل ستائش پہل قدمی کی ستائش کی۔ انہوں نے جسمانی تندرستی، ذہنی سکون، جذباتی توازن اور ملازمین میں نظم و ضبط پر مبنی زندگی کو فروغ دینے میں باقاعدہ یوگا مشق کی اہمیت کو اجاگر کیا۔

ٹیلی بنگلے کی یہ تبدیلی ملامین کی فلاح و بہبود، ورثے کے تحفظ اور کام کاج کے مقام پر ایک صحت مند چلن کو فروغ دینے کے لیے ای سی ایل کی عہدبستگی کا ثبوت ہے۔

**********

 (ش ح –ا ب ن- ع ر)

U.No:42

(Release ID: 2180525) Visitor Counter : 7