نیتی آیوگ کے ذریعہ انڈین انسٹی ٹیوٹ آف ٹیکنالوجی (آئی آئی ٹی) گواہاٹی میں  16- 15 اکتوبر  ، 2025 ء کو  ‘‘ ریاستوں/مرکز کے زیر انتظام علاقوں کی ترقی کو تیز کرنے کے لئے ریسرچ اینڈ ڈیولپمنٹ (آر اینڈ ڈی) میں آسانی ’’  کے موضوع پر دو روزہ علاقائی مشاورتی میٹنگ کا انعقاد کیا گیا ۔ ورکشاپ میں  وائس چانسلرز ، ادارہ جاتی رہنماؤں  اور شمال مشرقی خطے کی سائنسی وزارتوں اور محکموں کے نمائندوں کو  بھارت کے آر اینڈ ڈی ماحولیاتی نظام کو مضبوط بنانے پر غور و فکر کرنے کے لیے یکجا  کیا ۔

استقبالیہ خطاب میں ، انڈین انسٹی ٹیوٹ آف ٹیکنالوجی (آئی آئی ٹی) گواہاٹی کے ڈائریکٹر پروفیسر دیویندر جلی ہل نے ملک کی تحقیق و ترقی کی ترجیحات کو تیز کرنے کے لیے ماہرین تعلیم ، صنعت اور حکومت کے درمیان زیادہ سے زیادہ تعاون پر زور دیا ۔ نیتی آیوگ کے پروگرام ڈائریکٹر پروفیسر وویک کمار سنگھ نے ورکشاپ کے موضوع کا خاکہ پیش کرتے ہوئے کہا کہ تحقیق میں آسانی کو  فروغ دینا  صرف پہلا قدم ہے  اور حتمی مقصد سائنسی نتائج کو حقیقی دنیا  میں بروئے کار  لانا  ہے  ۔

انڈین  اسٹیٹسٹیکل انسٹی ٹیوٹ (آئی ایس آئی) کولکاتہ  کے آفیشیٹنگ ڈائریکٹر  ڈاکٹر سنگھا مترا بندوپادھیائے  اور انڈین انسٹی ٹیوٹ آف مینجمنٹ (آئی آئی ایم) بودھ گیا  کی ڈائریکٹر ڈاکٹر ونیتا سہائے نے اپنے کلیدی خطاب میں ، ادارہ جاتی خول سے باہر نکلنے اور صنعتی روابط کو فروغ دینے پر توجہ مرکوز کرتے ہوئے ،  بھارت کے تحقیقی منظر نامے کو دوبارہ تشکیل دینے کی ضرورت پر زور دیا  ۔ انہوں نے اسکول کی سطح پر ہی تحقیق پر مبنی ماحول کو پروان چڑھانے کی اہمیت پر بھی زور دیا ۔

نیتی آیوگ کے رکن ڈاکٹر وی کے سرسوت نے بھارتی سائنس اور ٹیکنالوجی کے مستقبل کے بارے میں اپنے نقطہ نظر پیش کیے ۔ انہوں نے ریاستوں اور مرکز کے زیر انتظام علاقوں کی ضرورت پر زور دیا کہ وہ اپنے اندر پنہاں طاقتوں کو پہچانیں اور اپنے آر اینڈ ڈی ماحولیاتی نظام کو بڑھانے کے لیے کلسٹر پر مبنی نقطہ نظر اپنائیں ۔ ڈاکٹر سرسوت نے مربوط تحقیق اور اختراعی کلسٹروں کو فروغ دینے کے لیے شمال مشرقی خطے کے لیے موہالی ماڈل کو اپنانے کی افادیت پر روشنی ڈالی ، جس میں گواہاٹی مرکزی  ہب  ہے ۔ انہوں نے جامع اور پائیدار ترقی کو فروغ دینے کے لیے شمال مشرق خطے کے مخصوص چیلنجوں سے نمٹنے کے لیے مشن موڈ آر اینڈ ڈی پروجیکٹ شروع کرنے کی تجویز بھی پیش کی ۔

تکنیکی اجلاسوں  میں ، شرکاء تحقیق و ترقی کی کارکردگی اور پیداواری صلاحیت کو بڑھانے ، تحقیق و ترقی کو تیز کرنے کے لیے  ہنر مند انسانی وسائل کو راغب کرنے اور برقرار رکھنے ، تجربہ گاہ سے لے کر زمین تک (ٹیکنالوجی منتقلی اور پیشہ واریت) کو فروغ دینے اور موبیلٹی کی حمایت کرنے ، تحقیق و ترقی میں آسانی کی پیمائش کرنے کے لیے عمل کو ہموار کرنے پر ٹھوس مباحثوں میں مصروف رہے ۔ اس دوران یونیورسٹیوں ، قومی لیبارٹریوں اور اداروں کے سرکردہ وائس چانسلرز اور ڈائریکٹروں  نے تعاون کیا  ۔

میٹنگ کا اختتام ایک واضح پیش رفت کے ساتھ ہوا: بھارت  کی سائنسی ترقی صرف اس بات پر منحصر نہیں ہے کہ تحقیق کتنی آسانی سے کی جا سکتی ہے ، بلکہ اس بات پر بھی منحصر ہے کہ اسے کس حد تک مؤثر طریقے سے حقیقی دنیا کے اثرات میں تبدیل کیا جا سکتا ہے ۔ تحقیق کی منتقلی  کو پالیسی سازی ، فنڈنگ کی حکمت عملی اور ادارہ جاتی منصوبہ بندی کا مرکزی ستون بنانے سے بھارت  کی سائنسی کوششوں کو افکار پیدا کرنے سے لے کر صنعت کو فروغ دینے ، خود کفالت کو فروغ دینے اور وکست بھارت 2047 کے ویژن کو آگے بڑھانے والی اختراعات کی فراہمی میں مدد ملے گی ۔

 ***************************

( ش ح  ۔ ض ر ۔ ع ا )

U.No. 13