ٹیلی کام ریگولیٹری اتھارٹی آف انڈیا (ٹرائی) نے ڈیجیٹل کنیکٹوٹی ریٹنگ (ڈی سی آر) لوگو ڈیزائن مقابلہ شروع کرنے کا اعلان کرتے ہوئے خوشی کا اظہار کیا ہے-جس میں 15 سال اور اس سے زیادہ عمر کے افراد کو عمارتوں اور عوامی بنیادی ڈھانچے میں ڈیجیٹل کنیکٹوٹی کے لیے ہندوستان کے پہلے ریٹنگ فریم ورک کی نمائندگی کرنے والے سرکاری نشان کے لیے ڈیزائن جمع کرانے کی دعوت دی گئی ہے۔

مقابلے کا مقصد بیداری کو فروغ دینا اور اس تاریخی فریم ورک کی شناخت کی تشکیل میں عوامی شرکت کی حوصلہ افزائی کرنا ہے۔ جیتنے والے ڈیزائن کو ڈی سی آر سے متعلق تمام سرٹیفکیشنز، پلیٹ فارمز، اسٹیک ہولڈرز کمیونیکیشن اور آؤٹ ریچ مہموں کے لیے سرکاری لوگو کے طور پر اپنایا جائے گا۔

ریٹنگ آف پراپرٹیز فار ڈیجیٹل کنیکٹیویٹی ضوابط، 2024 کے ایک حصے کے طور پر، ٹرائی نے اس بات کی درجہ بندی کرنے کے لیے ایک فریم ورک قائم کیا ہے کہ موبائل کوریج سے لے کر براڈ بینڈ انفراسٹرکچر اور حقیقی سروس کی کارکردگی تک اعلی معیار کی ڈیجیٹل کنیکٹوٹی میں تعاون کرنے کے لیے عمارت کتنی تیار ہے۔ ڈی سی آر فریم ورک پراپرٹی منیجروں کو اندرون خانہ ڈیجیٹل بنیادی ڈھانچے میں شفافیت اور جواب دہی لانے والی ٹرائی میں رجسٹرڈ ڈیجیٹل کنیکٹوٹی ریٹنگ ایجنسیوں (ڈی سی آر اے) کے ذریعے ڈیجیٹل کنیکٹوٹی ریٹنگ کے لیے درخواست دینے کا اختیار دیتا ہے۔

مقابلے کی تفصیلات:

اہلیت: 15 سال اور اس سے زیادہ عمر کے افراد کے لیے

انٹری ونڈو: 05 نومبر 2025 تک

جمع کرانے کا فارمیٹ: جے پی جی، پی این جی یا پی ڈی ایف (زیادہ سے زیادہ 5 ایم بی) فی شریک 2 اندراجات تک

ای میل کے ذریعے جمع کرانا: digital-rating@trai.gov.in

لازمی معلومات: نام، عمر، پتہ، رابطے کی تفصیلات، پیشہ اور درست شناختی ثبوت

شارٹ لسٹ کیے گئے شرکاء کو جانچ کے لیے اوپن فائل فارمیٹس (.اے آئی/ .ای پی ایس / .ایس وی جی) جمع کرانے کی ضرورت ہوگی۔

آئی پی آر ٹرانسفر: جیتنے والے ڈیزائنر کو مکمل املاک دانش کے حقوق ٹرائی کو منتقل کرنے کے لیے راضی ہونا ہوگا

اندراجات کا جائزہ اصلیت، شمولیت (رہائشی عمارتوں، شاہراہوں اور عوامی مقامات جیسے مختلف بنیادی ڈھانچے کی اقسام کی بصری نمائندگی کے ساتھ) اور ڈیجیٹل کنیکٹوٹی ریٹنگ فریم ورک کی بنیادی اقدار یعنی اعتماد، تیاری اور رسائی کی بنیاد پر کیا جائے گا۔ ڈیزائن میں جمالیاتی اپیل، تکنیکی معیار (بشمول متوازن ٹائپوگرافی اور رنگ کے استعمال) اور مختلف فارمیٹس-ڈیجیٹل، پرنٹ، چھوٹے پیمانے، بڑے پیمانے اور مونوکروم میں اسکیل ایبلٹی کا بھی مظاہرہ کرنا چاہیے۔

پہلا انعام جیتنے والے کو ٹرائی کی طرف سے سرٹیفکیٹ آف ریکگنیشن کے ساتھ 10 ہزار روپے کا نقد انعام ملے گا۔ دوسرا انعام جیتنے والے کو 5 ہزار روپے اور ایک سرٹیفکیٹ آف ریکگنیشن ملے گا۔ جیتنے والے لوگو کو ٹرائی کی طرف سےسرکاری ڈی سی آر نشان کے طور پر اپنایا جائے گا۔ فاتحین کو ڈیجیٹل اور پرنٹ میڈیا میں ٹرائی کے لانچ مواصلات میں بھی دکھایا جا سکتا ہے۔

یہ پہل سرکاری اور نجی دونوں جگہوں پر بنیادی افادیت کے طور پر ڈیجیٹل بنیادی ڈھانچے کے بارے میں بیداری کو فروغ دینے کے لیے ٹرائی کی طرف سے جاری کوششوں سے ہم آہنگ ہے۔ لوگو مقابلہ شمولیت کے پیغام کو تقویت دیتا ہے-نہ صرف رہائشی عمارتوں بلکہ دفاتر، مالز، اسپتالوں، ٹرانسپورٹ ہبس اور ڈیجیٹل ماحولیاتی نظام میں دیگر مشترکہ بنیادی ڈھانچے کو بھی تسلیم کرتا ہے۔

ڈیجیٹل کنیکٹوٹی ریٹنگ فریم ورک کے بارے میں مزید معلومات کے لیے براہ کرم ٹرائی کی ویب سائٹ - https://trai.gov.in/dcra-portal/ پر جائیں اور ٹرائی کے سوشل میڈیا ہینڈلز کو فالو کریں ۔

کسی بھی قسم کی وضاحت کے لیے، براہ کرم رابطہ کریں:

جناب تیج پال سنگھ، مشیر (کیو او ایس-I)

ای میل:      adv-qos1@trai.gov.in      | ٹیلی فون: +91-11-20907759

****

ش ح۔ک ح                                                     

U. No. 9954

(Release ID: 2179929) Visitor Counter : 9