நிதியாண்டு 2025-26-ல், பாதுகாப்பு அமைச்சகம், செப்டம்பர் 2025 இறுதிக்குள் மூலதன செலவில் 50% க்கும் அதிகமாகப் பயன்படுத்தியுள்ளது. மொத்த ஒதுக்கீட்டு தொகையான ரூ.1,80,000 கோடியில், மூலதனச் செலவு ரூ.92,211.44 கோடி (51.23%) ஆகும். கடந்த நிதியாண்டில் ரூ.1,59,768.40 கோடி மதிப்பிலான மூலதனச் செலவில் 100%-ஐ பாதுகாப்பு அமைச்சகம் பயன்படுத்தியிருந்தது.

மூலதனச் செலவில் 50%-க்கும் அதிகமாகப் பயன்படுத்துவதன் மூலம், வரும் ஆண்டில் ஆயுதப் படைகளின் நவீனமயமாக்கலுக்குத் தேவையான விமானங்கள், கப்பல்கள், நீர்மூழ்கிக் கப்பல்கள், ஆயுத அமைப்பு போன்ற முக்கிய தளங்களை சரியான நேரத்தில் வழங்குவதை உறுதிசெய்ய முடியும். பெரும்பாலான செலவுகள் விமானங்கள் மற்றும் விமான இயந்திரங்கள், மின்னணு போர் உபகரணங்கள், ஆயுதங்கள் மற்றும் ஏவுகணைகள் ஆகியவற்றிற்காக மேற்கொள்ளப்பட்டுள்ளன.

தற்போதைய நிதியாண்டின் இறுதிக்குள் ஒதுக்கீட்டை முழுமையாகப் பயன்படுத்துவதில் பாதுகாப்பு அமைச்சகம் உறுதிபூண்டுள்ளது. நடப்பு நிதியாண்டில், நிதி அமைச்சகத்தால் ஆரம்பக் கட்டத்தில் பாதுகாப்பு அமைச்சகத்திற்கு ரூ.1,80,000 கோடி ஒதுக்கப்பட்டது. இந்த ஒதுக்கீடு 2024-25 நிதியாண்டின் உண்மையான செலவினத்தை விட 12.66% அதிகமாகும்.2025-26 நிதியாண்டில், உள்நாட்டுத் தொழில்துறைக்கு ரூ.1,11,544.83 கோடி ஒதுக்கப்பட்டுள்ளது. இந்த ஒதுக்கீடு, பாதுகாப்பு தொழில்நுட்பம் மற்றும் உற்பத்தியில் தன்னிறைவு அடைவதை மேம்படுத்துவதையும், இந்தத் துறையில் எம்எஸ்எம்இகள், புத்தொழில் நிறுவனங்கள் போன்றவற்றை ஈர்ப்பதையும் நோக்கமாகக் கொண்டுள்ளது.

மேலும் விவரங்களுக்கு இந்த ஆங்கில செய்திக்குறிப்பைக் காணவும்: https://www.pib.gov.in/PressReleasePage.aspx?PRID=2178641

 (Release ID: 2178641)

 

***

SS/BR/SH

(रिलीज़ आईडी: 2178843) आगंतुक पटल : 21