حکومت ہند کی قلیتی امور کی وزارت،  پردھان منتری جن وکاس کاریہ کرم (پی ایم جے وی کے) کے تحت ورثے اور کلاسیکی زبانوں کے فروغ اور تحفظ کے لیے  کلی طور پروقف سینٹرز آف ایکسی لینس(عمدگی کے مراکز) کے قیام کے لیے ملک بھر کی یونیورسٹیوں کو تعاون فراہم کر رہی ہے۔

اس پہل کے ایک حصے کے طور پر ، دیوی اہلیہ وشو ودیالیہ (ڈی اے وی وی) اندور نے ‘‘جین مت اور ہندوستانی علمی نظام’’ پر ایک قومی سیمینار کی میزبانی کی ، جس میں اس کے سینٹر فار جین اسٹڈیز کا آغاز کیا گیا ، جسے پی ایم جے وی کے کے تحت اقلیتی امور کی وزارت نے 27.16 کروڑ روپے کی لاگت  کی منظوری دی ہے ۔

اس تقریب میں مدھیہ پردیش حکومت کے اعلی تعلیم کے وزیر جناب اندر سنگھ پرمار اور اقلیتی امور کی وزارت کے سکریٹری ڈاکٹر چندر شیکھر کمار کے ساتھ ساتھ اقلیتی امور کی وزارت کے جوائنٹ سکریٹری جناب رام سنگھ نے بھی شرکت کی ۔

اپنے دورے کے دوران ڈاکٹر چندر شیکھر کمار نے یونیورسٹی کیمپس کا فیلڈ ٹور بھی کیا اور اساتذہ کے ساتھ بات چیت کی ۔ انہوں نے یونیورسٹی سے اپیل کی کہ  وہ سینٹر فار جین اسٹڈیز کو سینٹر آف گلوبل ایکسی لینس کے طور پر تیار کرے ، جس میں تحقیق ، دستاویزات اور تشہیرکے لیے جدید ٹیکنالوجی اور ڈیجیٹل ٹولز کو مربوط کیا جائے ۔ٹیکنالوجی کے کردار پر زور دیتے ہوئے ، انہوں نے وسیع تر تعلیمی اور ثقافتی مصروفیت کے لیے ثقافتی زبانوں کے تحفظ ، ڈیجیٹائزیشن اور فروغ میں مصنوعی ذہانت (اے آئی) کے امکانات پر روشنی ڈالی ۔

اقلیتی امور کی وزارت نے ممبئی یونیورسٹی میں پہلے ہی - پالی ، پراکرت اور اویستا پہلوی اور گجرات یونیورسٹی  میں  پراکرت زبانوں کے مطالعہ کے لیے سینٹرز آف ایکسی لینس قائم کیے ہیں۔ان مراکز کا مقصد جدید تحقیق ، ترجمہ ، مخطوطات کی ڈیجیٹلائزیشن اور روایتی علم کو جدید تدریس کے ساتھ مربوط کرنے کو فروغ دینا ہے ۔ اس پہل کے ذریعے وزارت ،ہندوستان کے لسانی اور فلسفیانہ ورثے کی حفاظت اور ملک کی متنوع برادریوں کی فکری روایات کو مضبوط کرنے کے لیے کوشاں ہے۔

******

ش ح۔  اک۔ م ذ

U.N. 7481

(Release ID: 2178485) Visitor Counter : 11