محنت اور روزگار کی وزارت نے ای پی ایف او کے ذریعے بڑی تعداد میں کارکنوں کو منظم سماجی تحفظ کے دائرے میں لانے کے لیے 'ایمپلائز انرولمنٹ کمپین ، 2025' (ای ای سی 2025) کا اعلان کیا ہے ۔یہ اسکیم یکم نومبر 2025 سے 30 اپریل 2026 تک نافذ العمل رہے گی ۔2009سے 2016 تک چھو ٹے ہوئے اہل ملازمین کے اندراج کے لیے سال 2017 میں کی گئی اسی طرح کی کامیاب اندراج مہم کے بعد یہ اسکیم وزارت کی ایک مسلسل کوشش ہے ۔

اس مہم کا مقصد پہلے سے رجسٹرڈ آجروں اور ایمپلائز پروویڈنٹ فنڈ اور متفرق دفعات ایکٹ 1952 کے دائرہ کار میں آنے والے نئے آجروں کو رضاکارانہ طور پر اہل ملازمین کا اعلان کرنے اور ان کا اندراج کرنے کی ترغیب دینا ہے ۔ آجر ان تمام موجودہ ملازمین کا اندراج کر سکتے ہیں ، جنہوں نے یکم جولائی 2017 اور 31 اکتوبر 2025 کے درمیان اسٹیبلشمنٹ میں شمولیت اختیار کی تھی ، اور جو اعلامیے کی تاریخ تک زندہ اور ملازم ہیں ، لیکن کسی بھی وجہ سے پہلے ای پی ایف اسکیم میں مندرج نہیں ہوئے تھے ۔

ایک بڑی راحت میں ، پچھلے عرصے (یکم جولائی ، 2017 سے 31 اکتوبر ، 2025 تک) کے لیے ملازم کے پروویڈنٹ فنڈ کے حصے کو معاف کر دیا جائے گا ، بشرطیکہ اسے ملازم کی اجرت سے نہیں کاٹا گیا ہو ۔ آجر کو اس مدت کے لیے صرف اپنا حصہ ادا کرنے کی ضرورت ہے ۔

اس اسکیم سے فائدہ اٹھانے والے آجروں کوصرف 100 روپے کا  معمولی جرمانۂ نقصان  یکمشت ادا کرنا ہوگاجو عدم تعمیل کے لیے معیاری جرمانے سے نمایاں کمی  ہے۔

تمام ادارے مجوزہ اسکیم میں حصہ لینے کے اہل ہیں اس حقیقت سے قطع نظر کہ آیا کسی ادارے کو ایکٹ کے سیکشن 7 اے کے تحت یا اسکیم کے پیراگراف 26 بی کے تحت یا ایمپلائز پنشن اسکیم ، 1995 کے پیراگراف 8 کے تحت انکوائری کا سامنا کرنا پڑ رہا ہے ۔

ای پی ایف او کی طرف سے ای ای سی کے فوائد حاصل کرنے والے آجروں کے خلاف کوئی از خود تعمیل کی کارروائی شروع نہیں کی جائے گی ، ایسے ملازمین کے سلسلے میں جو اعلان کی تاریخ تک جو ادارے کو چھوڑ چکے ہیں ۔

ای ای سی 2025 کے تحت رجسٹرڈ ہونے والے یا ای ای سی 2025 کے تحت اضافی ملازمین کا اعلان کرنے والے تمام آجر اس اسکیم کے تحت کچھ شرائط و ضوابط کے تابع،پردھان منتری وکست بھارت روزگار یوجنا کے فوائد حاصل کرنے کے اہل ہوں گے ۔

آجر کو ای پی ایف او کے ذریعہ فراہم کردہ ایک آن لائن سہولت کے ذریعے اعلامیہ دینے کی ضرورت ہے ، جہاں آجر اندراج شدہ ملازمین کی تفصیلات بتائے گا اور اسے الیکٹرانک چالان-کم-ریٹرن (عارضی ریٹرن ریفرنس نمبر) سے منسلک کرے گا جس کے ذریعے ، شراکت کی ادائیگی کی گئی ہے اور ایک سو روپے کا ایک یکمشت جرمانہ نقصان ادا کرے گا ۔

حکومت کو توقع ہے کہ اس مہم سے ملازمین کے لیے سماجی تحفظ کے احاطے کے تحت اندراج کو فروغ ملے گا ، اور آجروں کے لیے بھی اہم ہوگا کہ وہ کم سے کم مالی/قانونی بوجھ کے ساتھ اپنے ماضی کے ریکارڈ کو باقاعدہ بنائیں اور کاروبار کرنے میں آسانی پیدا کریں ۔

******

ش ح۔  اک۔ م ذ

U.N. 7477