ریلوے پروٹیکشن فورس (آر پی ایف) نے آج، نئی دہلی کے جواہر لال نہرو اسٹیڈیم میں منعقدہ ویدانتا ہاف میراتھن 2025 میں حصہ لیا۔

5 خواتین اہلکاروں سمیت مختلف رینک کے 26 اہلکاروں پر مشتمل دستے نے اس پر وقار تقریب میں محترمہ سونالی مشرا، آئی پی ایس، ڈائریکٹر جنرل، آر پی ایف کی رہنمائی میں فورس کی نمائندگی کی۔ آر پی ایف ٹیم کی قیادت محترمہ کمل جوت برار ، آئی جی / تعمیرات/ شمالی ریلوے  نے کی۔

ایسی تقریبات میں آر پی ایف کی شرکت اس کے اہلکاروں کے درمیان جسمانی تندرستی، نظم و ضبط اور سماجی ذمہ داری کو فروغ دینے کے لیے اس کے عزم کی عکاسی کرتی ہے۔

ویدانتا ہاف میراتھن 2025 کے لیے آر پی ایف ٹکڑی کا موضوع  تھا’’آپریشن نارکوس: منشیات کی ٹریفکنگ کے خلاف آر پی ایف‘‘۔یہ موضوع منشیات کے استعمال کے خلاف نوجوانوں میں بیداری پیدا کرنے، ریلوے نیٹ ورک کے ذریعے منشیات کی اسمگلنگ کو روکنے اور منشیات سے پاک معاشرے کی تعمیر میں اپنا تعاون دینے کے لیے آر پی ایف کی مسلسل کوششوں کی نشاندہی کرتا ہے۔

آر پی ایف مسافروں کی حفاظت، سلامتی اور بہبود کو یقینی بنانے کے اپنے مشن میں ثابت قدم ہے، جبکہ قومی مقاصد کو آگے بڑھانے کے لیے وقف سماجی طور پر ذمہ دار فورس کے طور پر اپنے کردار کو برقرار رکھتا ہے۔

*********

 (ش ح –ا ب ن)

U.No:7452

(Release ID: 2178123) Visitor Counter : 16