ہندوستان کی صدر محترمہ دروپدی مرمو نے آج (11 اکتوبر 2025) احمد آباد میں گجرات ودیا پیٹھ کے 71ویں کانووکیشن کی تقریب میں شرکت کی۔

اس موقع پر خطاب کرتے ہوئے صدر جمہوریہ نے گجرات ودیا پیٹھ کو قوم کی تعمیر اور خود انحصاری کے زندہ آدرشوں کی تاریخی علامت قرار دیا۔ انہوں نے کہا کہ گجرات ودیا پیٹھ کا کیمپس ہماری جدوجہد آزادی کے نظریات کی مقدس سرزمین ہے۔ انہوں نے مہاتما گاندھی کی مقدس یاد کو خراج عقیدت پیش کیا۔

صدر جمہوریہ نے گجرات ودیا پیٹھ کے طلباء پر زور دیا کہ وہ اس بات سے آگاہ رہیں کہ باپو ان سے قومی اقدامات میں تعاون کی توقع رکھتے ہیں۔ انہوں نے کہا کہ باپو کی توقعات کو مدنظر رکھتے ہوئے انہیں قومی ترقی سے متعلق تمام اقدامات میں قائدانہ کردار ادا کرنا چاہئے۔ انہوں نے انہیں مشورہ دیا کہ وہ ہندوستان کو ایک ترقی یافتہ ملک بنانے کا عہد کریں۔

صدر مملکت نے کہا کہ تعلیم سماجی تعمیر نو کا سب سے موثر ذریعہ ہے۔ انہوں نے گجرات ودیا پیٹھ کے اساتذہ اور طلباء کو تعلیم کے اس مقصد کی مثالیں قائم کرنے کا مشورہ دیا۔ انہوں نے اس بات پر روشنی ڈالی کہ کردار سازی اور اخلاقی اقدار کی ترغیب تعلیم کے بنیادی مقاصد ہیں۔ انہوں نے کہا کہ طلباء اپنی تعلیم کو مقامی سیاق و سباق سے جوڑ کر اس کا عملی استعمال کر سکتے ہیں۔

قبل ازیں صدر جمہوریہ نے دوارکا، گجرات میں دوارکادھیش مندر میں درشن اور آرتی کی۔

*****

ش ح ۔ ال

UR-7441