برج ٹاؤن ، بارباڈوس میں منعقد ہونے والی 68 ویں کامن ویلتھ پارلیمانی کانفرنس کے موقع پر ، لوک سبھا اسپیکر جناب اوم برلا کی قیادت میں ہندوستانی پارلیمانی وفد (آئی پی ڈی) نے بارباڈوس کی قومی اسمبلی کا باضابطہ دورہ کیا ۔  بارباڈوس کے ایوان اسمبلی کے اسپیکر عزت مآب جناب آرتھر ہولڈر نے جناب برلا اور آئی پی ڈی کے اراکین کا پرتپاک استقبال کیا ۔    دورے کے دوران ، آئی پی ڈی کے اراکین اور باربوڈوس کے قانون سازوں نے باہمی تعاون کو مستحکم کرنے ، جمہوری اقدار کے تبادلے اور عالمی پلیٹ فارم پر شراکت داری بڑھانے کے مقصد سے بات چیت کی ۔

جناب اوم برلا کو بارباڈوس پارلیمنٹ میں تاریخی اسپیکر کی اُس کرسی کو بھی دیکھنے کا موقع ملا ، جو 1966 میں بارباڈوس کی آزادی کے موقع پر حکومت ہند کی طرف سے ایک تحفہ تھا ۔  یہ کرسی ہندوستان اور بارباڈوس کے درمیان گہرے تاریخی اور ثقافتی تعلقات کی علامت ہے ۔  یہ کرسی ہندوستان کی ساگوان کی لکڑی سے تیار کی گئی تھی اور اسے بارہ ہندوستانی کاریگروں نے تقریبا ایک سال کے دوران باریکی کے ساتھ ہاتھ سے تراشا تھا ۔  کرسی پر موجود کندہ کاری میں "ہندوستان کے عوام سے لے کر بارباڈوس کے عوام تک" لکھا ہوا ہے ، جو دونوں ممالک کے درمیان پیار ، تعاون اور دوستی کے پائیدار جذبے کی علامت ہے ۔

اس موقع پر جناب برلا نے اس بات پر زور دیا کہ ہندوستان اور بارباڈوس کی جمہوری روایات ، پارلیمانی نظام اور مشترکہ اقدار نے دونوں ممالک کو قریب لانے کا کام کیا ہے ۔  انہوں نے اس تاریخی ورثے کو "ہندوستان - بارباڈو س کی دوستی کی زندہ مثال" قرار دیا ۔  دونوں فریقوں نے تعلیم ، ثقافت ، قابل تجدید توانائی اور پارلیمانی تعاون میں اشتراک  کے نئے مواقع تلاش کرنے پر اتفاق کیا ۔  دونوں ملکوں کے قانون سازوں نے اس بات پر پختہ اتفاق رائے کا اظہار کیا کہ جناب برلا کی قیادت میں ہندوستانی پارلیمانی وفد کا دورہ ہندوستان اور بارباڈوس کے درمیان دو طرفہ تعلقات کو مزید مستحکم کرنے کی سمت میں ایک اہم قدم ہے ۔

بارباڈوس کے اپنے دورے کے دوران لوک سبھا اسپیکر جناب اوم برلا نے بھارت نژاد افراد کے ساتھ بات چیت کی ۔  اس موقع پر اظہار خیال کرتے ہوئے جناب برلا نے کہا کہ ہندوستانی تارکین وطن نے اپنی محنت اور دیانتداری سے دنیا بھر میں تاریخی طور پر ایک مضبوط ساکھ قائم کی ہے ۔  انہوں نے مزید کہا کہ بارباڈوس میں ہندوستانی برادری دیوالی ، ہولی ، گنیش چترتھی اور نوراتری جیسے تہوار ایک ساتھ مناتی ہے ، جس سے کمیونٹی کے درمیان رشتوں میں باہمی طور پر مضبوطی  آتی ہے ۔  جناب برلا نے مشاہدہ کیا کہ رامائن اور مہابھارت کی تعلیمات، ایمانداری  ، سچائی اور فرض پر زور دیتی ہیں اور ہندوستانی باشندوں کی رہنمائی کے عمل کوجاری رکھے ہوئے ہے ۔

وزیر اعظم جناب نریندر مودی کی متحرک قیادت میں ہندوستان کی کامیابیوں کے بارے میں بات کرتے ہوئے جناب برلا نے کہا کہ آج ہندوستان خلائی تحقیق ، ڈیجیٹل ادائیگیوں اور مصنوعی ذہانت جیسی جدید ترین ٹیکنالوجیوں  میں دنیا کی قیادت کر رہا ہے ۔  جناب برلا نے مشاہدہ کیا کہ کرکٹ دونوں ممالک کے درمیان ایک مضبوط ثقافتی پل ہے ۔  انہوں نے مزید کہا کہ حالیہ برسوں میں دونوں ممالک نے انفارمیشن ٹیکنالوجی ، صحت کی دیکھ بھال اور تعلیم جیسے شعبوں میں قریبی تعاون کا مشاہدہ کیاہے ۔  جناب برلا نے سامعین کی اس بات کے لئے حوصلہ افزائی کی کہ وہ اپنے کاموں کے ذریعے ہندوستان کی مثبت شبیہہ کو برقرار رکھیں ۔  انہوں نے نئی نسل پر زور دیا کہ وہ اپنے بچوں کو ہندوستانی زبانیں اور ثقافت سکھائیں ، تاکہ ہندوستانی ثقافت کو نسلوں تک زندہ رکھا جا سکے ۔

لوک سبھا اسپیکر نے 68 ویں کامن ویلتھ پارلیمانی کانفرنس کے دوران باہمی میٹنگیں منعقد کیں

کانفرنس کے موقع پر جناب برلا نے اپنے شریک قانون ساز ہم منصبوں کے ساتھ باہمی میٹنگیں کیں ۔

آسٹریلیائی سینیٹ کی صدر محترمہ سو لائنز کے ساتھ ملاقات کے دوران ، دونوں رہنماؤں نے ہندوستان اور آسٹریلیا کے درمیان بڑھتے ہوئے تعاون کو اجاگر کیا ،  جو 2020 سے ایک جامع اہمیت کی حامل شراکت داری میں تبدیل ہوا ہے ۔  جناب برلا نے اس بات پر زور دیا کہ یہ شراکت داری ، جسے جی-20 اور دولت مشترکہ جیسے فورموں کے ذریعے مزید پروان چڑھایا گیا ہے ، دفاع ، تجارت ، قابل تجدید توانائی ، اور سائنس و ٹیکنالوجی سمیت کلیدی شعبوں تک پھیلی ہوئی ہے-جو عالمی امن اور خوشحالی کے تئیں مشترکہ عزم کی عکاسی کرتی ہے ۔  جناب برلا نے 'ڈیجیٹل سنسد' اور اے آئی سے چلنے والے کثیر لسانی ٹولز جیسے اقدامات کے خاص حوالے سے پارلیمانی اختراع میں ہندوستان کی قیادت پر بھی زور دیا ، جو قانون سازی کے عمل میں شفافیت ، کارکردگی اور جواب دہی کو بڑھا رہے ہیں ۔  جناب برلا نے عزت مآب سولائنز کو جنوری 2026 میں نئی دہلی میں منعقد ہونے والی کامن ویلتھ (سی ایس پی او سی) کے اسپیکرز اور پریذائیڈنگ افسران کی 28 ویں کانفرنس کے لیے مدعو کیا ۔

لوک سبھا اسپیکر جناب اوم برلا اور بارباڈوس کے ایوان اسمبلی کے اسپیکر عزت مآب جناب آرتھر ہولڈر کے درمیان ایک دو طرفہ میٹنگ کے دوران اقوام متحدہ،  جی-77 اور کیریکوم جیسے کثیرالجہتی پلیٹ فارموں پر جاری تعاون پر تبادلہ خیال کیا گیا ، جس کے کے لئے دونوں نے ممالک مساوی اور جامع اصلاحات کی وکالت کی ہے ۔   اجلاس میں پارلیمانی تعاون کو بڑھانے کے مواقع ، باقاعدہ وفود کے تبادلے ، بہترین قانون سازی کے طریقوں کو اپنانے ، اور ابھرتی ہوئی ٹیکنالوجیز اور اے آئی کے استعمال کو مزید جامع ، شہریوں پر مرکوز قانون سازوں کو فروغ دینے پر زور دیا گیا ۔  جناب برلا نے عزت مآب جناب ہولڈر کوجنوری 2026 میں نئی دہلی میں 28 ویں سی ایس پی او سی میں شامل ہونے کی دعوت دی۔

68 ویں سی پی سی کے موقع پر ، جناب برلا نے جمائیکا کی پارلیمنٹ کے ایوان نمائندگان کی اسپیکر محترمہ جولیٹ ہولنیس کے ساتھ بھی بات چیت کی ۔  دونوں رہنماؤں نے قانون سازی کی شفافیت اور کارکردگی بڑھانے کے لیے باقاعدہ تبادلوں ، صلاحیت سازی کے اقدامات اور مصنوعی ذہانت کے انضمام کے ذریعے پارلیمانی تعاون کو مستحکم کرنے پر اپنے بصیرت افروز خیالات کا تبادلہ کیا ۔  جناب برلا نے عزت مآب محترمہ ہولنیس کو جنوری 2026 میں نئی دہلی میں منعقد ہونے والی 28 ویں سی ایس پی او سی میں شرکت کی دعوت دی ۔

جناب برلا نے زامبیا کی قومی اسمبلی کی اسپیکر محترمہ نیلی مٹّی کے ساتھ بھی ایک خوشگوار باہمی میٹنگ کی ۔  جناب برلا نے مشاہدہ کیا کہ ہندوستان اور زامبیا کے درمیان بڑے پیمانے پر دیرینہ دوستی کے تعلقات ہیں   اور دونوں فریق پارلیمانی تعاون کو بڑھانے کے لیے نئے راستے تلاش کرتے ہیں ، جس میں باقاعدہ وفود کا تبادلہ اور قانون سازی کے بہترین طریقوں کا اشتراک شامل ہے ۔  جناب برلا نے پارلیمانی عمل کو مزید شہریوں پر مرکوز بنانے میں ٹیکنالوجی اور مصنوعی ذہانت کے استعمال میں ہندوستان کے تجربے کو بھی مشترک کیا ۔  میٹنگ میں جناب برلا نے عزت مآب محترمہ مٹّی کو جنوری 2026 میں نئی دہلی میں منعقد ہونے والی  28 ویں سی ایس پی او سی میں شرکت کی باضابطہ دعوت دی ۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

(ش ح –ش م۔ ق ر)

U. No.7385