نئی دہلی میں خوشحالی سربراہی اجلاس میں انڈیا-ای ایف ٹی اے تجارتی اور اقتصادی شراکت داری معاہدہ(ٹی ای پی اے) کا رسمی طور پر آغاز کیا گیا۔ اس معاہدے میں 15  برسوں کے دوران 100 ارب کی سرمایہ کاری اور ہندوستان میں 10 لاکھ براہ راست ملازمتیں پیدا کرنے کے ساتھ ساتھ سوئٹزرلینڈ، ناروے، آئس لینڈ اور لیکٹنسٹائن سے سامان اور خدمات تک وسیع تر رسائی فراہم کرنا شامل ہے۔ دنیا کی سب سے تیزی سے ترقی کرنے والی بڑی معیشت کے طور پر دنیا کی تیسری سب سے بڑی معیشت بننے کی راہ پر گامزن  ہندوستان کی اقتصادی ترقیٔ خوشحالی کی مضبوط بنیاد رکھے گی۔

تجارت اور صنعت کے مرکزی وزیر جناب پیوش گوئل نے ہندوستان-ای ایف ٹی اے تجارتی اور اقتصادی شراکت داری کے معاہدے(ٹی ای پی اے )کی تعریف کرتے ہوئے اس کا آغاز کیا ۔ انہوں نے اس معاہدے کو یوروپ کے ساتھ ہندوستان کی اقتصادی مصروفیت کا ایک اہم لمحہ قرار دیا اور کہا کہ یہ باہمی احترام اور حساسیت پر مبنی‘‘دوستوں کے درمیان ایک قابل اعتماد شراکت داری’’ کی نمائندگی کرتا ہے۔

مرکزی وزیر موصوف  نے ٹی ای پی اے کے خدوخال پر روشنی ڈالتے ہوئے کہا کہ یہ پہلا تجارتی معاہدہ ہے جس میں سرمایہ کاری کا پختہ عزم شامل ہے، اس طرح مفادات میں توازن پیدا ہوتا ہے اور شراکت داروں کے درمیان انصاف کو یقینی بنایا جاتا ہے۔ انہوں نے اس بات پر زور دیا کہ ای ایف ٹی اے کے چار ممالک کی مشترکہ آبادی صرف ممبئی شہر سے کم ہے پھر بھی یہ شراکت داری ای ایف ٹی اے کے علاقے کی ‘‘سخاوت اور بے پناہ صلاحیت’’ سے متاثر ہے۔

 جناب  گوئل نے معاہدے کے  شبھ موقع پر زور دیتے ہوئے کہا کہ نومی پر اس کا آغاز، وجے دشمی کے ساتھ، خوشحالی، واضح اور برائی پر اچھائی کی فتح کی علامت ہے۔ انہوں نے ٹی ای پی اے کو عالمی تجارتی  نشیب و فراز، ابہام اور خلل کے درمیان استحکام اور یقین کی علامت قرار دیا۔ مرکزی وزیر نے مختلف شعبوں میں معاہدے کے ذریعے کھلنے والے وسیع مواقع پر روشنی ڈالی،  جس میں لائف سائنس، کلین انرجی، پریزین انجینئرنگ اور فوڈ پروسیسنگ، ٹیکنالوجی، مصنوعی ذہانت(اے آئی)، اکاؤنٹنگ اور نرسنگ، تعلیم، آڈیو ویژول  سروسز، ثقافت، سیاحت اور تفریح، جیوتھرمل توانائی شامل ہیں۔ ہندوستان آئس لینڈ کے ساتھ جیوتھرمل توانائی، جہاز سازی، مرمت، کنٹینر مینوفیکچرنگ اور بحری خدمات کے میدان میں ناروے کے ساتھ شراکت داری، اختراعات، آر اینڈ ڈی اور سوئس اور لیکٹنسٹائن کمپنیوں کے تعاون سے جدید مینوفیکچرنگ وغیرہ کے میدان میں کام کرنے کا منتظر ہے۔

 جناب  گوئل نے ہندوستان کے پیمانے، خواہشات و ہنر اور ای ایف ٹی اے کی اختراعات اور مالی طاقت کے درمیان تکمیلات کے بارے میں بات کی۔ انہوں نے ہندوستان کے مسابقتی لاگت کے ڈھانچے کے کردار پر روشنی ڈالی اور ان خیالات کا ذکر کرتے ہوئے کہ ہندوستان میں ڈیٹا کی لاگت امریکہ میں صرف 3فیصد ہے اور عالمی اوسط کے 10فیصد سے بھی کم ہے۔ انہوں نے ہندوستان میں تقریباً 2,500 عالمی صلاحیت کے مراکز کے ابھرنے پر روشنی ڈالی جو دنیا بھر میں فارچیون 500 کمپنیوں کو سپورٹ کرتے ہیں۔ مرکزی وزیر موصوف نے ہندوستان میں اے بی بی اور نیسلے جیسی سوئس کمپنیوں کی وراثت کو یاد کیا اور کہا کہ کس طرح ہندوستان نے نہ صرف ایک مضبوط مارکیٹ کی بنیاد فراہم کی ہے بلکہ عالمی توسیع کا مرکز بھی بن گیا ہے۔ انہوں نے نشاندہی کی کہ نیسلے انڈیا اوراے بی بی انڈیا جیسی کمپنیوں کے اعلی قیمت سے کمائی (پی ای) تناسب ہندوستان کی مستقبل کی ترقی میں مارکیٹوں کی بے پناہ صلاحیت اور اعتماد کی عکاسی کرتے ہیں۔

ای ایف ٹی اے ممالک کی کمپنیوں کو  دعوت دیتے  ہوئے جناب  گوئل نے انہیں ہندوستان کے کھلے، شفاف اور سرمایہ کاروں کے لیے دوستانہ ماحول کا یقین دلایا، جہاں تقریباً تمام شعبوں میں 100فیصد براہ راست غیر ملکی سرمایہ کاری کی اجازت ہے۔ انہوں نے ہندوستان کے مواقع سے فائدہ اٹھانے کے لیے مختلف قسم کی شراکت داریوں — ایکویٹی، تکنیکی تعاون، یا کوآپریٹو ڈھانچے — کی حوصلہ افزائی کی۔ انہوں نے اس بات پر زور دیا کہ ہندوستانی حکومت سرمایہ کاروں کے لیے ایک ہموار، تیز اور زیادہ موثر راستے کو یقینی بنانے کے لیے پرعزم ہے۔

جناب  گوئل نے اس بات پر زور دیا کہ ٹی ای پی اے کا مقصد صرف ٹیرف کو کم کرنا یا سرمایہ کاری کے وعدوں کو بڑھانا نہیں ہے، بلکہ ایک مستحکم، پیش قیاسی اور قابل اعتماد فریم ورک قائم کرنا ہے جو سرمایہ کاروں کے اعتماد کو بڑھاتا ہے، غیر یقینی کی لاگت کو کم کرتا ہے، اور دنیا کو یہ اشارہ دیتا ہے کہ ہندوستان اور ای ایف ٹی اے پائیدار ترقی کے لیے پرعزم ہیں۔

معاہدے کو ہندوستان کے فلسفہ انتودیہ (انٹیگرل ہیومنزم) سے جوڑتے ہوئے انہوں نے اس بات پر زور دیا کہ خوشحالی کو سماج کے نچلے ترین طبقے تک پہنچنا چاہیے۔ انہوں نے کہا کہ ای ایف ٹی اے ممالک کے ساتھ ہندوستان کی شراکت داری زندگی کے بہتر معیار، جامع ترقی، استحکام اور ایک مضبوط عالمی اقتصادی نظام میں تعاون کرے گی۔

 جناب گوئل نے ان رہنماؤں، مذاکرات کاروں، صنعت کے نمائندوں اور افسران  کا شکریہ ادا کیا جنہوں نے معاہدے کی تکمیل میں تعاون کیا،  جس میں  چار ای ایف ٹی اے ممالک - آئس لینڈ، لیکٹنسٹائن، ناروے، اور سوئٹزرلینڈ کے نمائندے شامل ہیں۔ انہوں نے مذاکراتی ٹیم، صنعتی چیمبرز جیسے ایشو چیم، ایف آئی سی سی آئی-فکی، سی سی آئی اور  انویسٹ انڈیا کی انتھک کوششوں کی تعریف کی جو صنعت کی حمایت حاصل کرنے اور معاہدے میں اعتماد پیدا کرنے میں ان کے گراں قدر تعاون کے لیے ہیں۔ اپنے خطاب کے اختتام  پر جناب   پیوش گوئل نے ٹی ای پی اے کو ایک ‘نہ ختم ہونے والی شراکت دار’ کے طور پر بیان کیا جو کہ ایک طویل، خوشحال سفر کا صرف آغاز ہے۔ انہوں نے کہا کہ یہ آنے والی نسلوں تک جاری رہے گا اور یوروپ کے ساتھ ہندوستان کے گہرے تعلق کی بنیاد رکھے گا۔

محترمہ ہیلین بڈلگر آرٹیدا ، سوئٹزرلینڈ کی سکریٹری برائے اقتصادی امور نے کہا کہ یہ معاہدہ ایک قانونی دستاویز سے زیادہ ہے۔ انہوں نے کہا-‘‘یہ ہمارے ممالک کے لیے جیت کی شراکت ہے۔ آج کے خوشحالی سربراہی اجلاس میں سوئٹزرلینڈ اور دیگر ای ایف ٹی اے ممالک کی کمپنیوں کی مضبوط موجودگی اپنے آپ میں ایک ثبوت ہے۔ یہ کمپنیاں یہاں اس لیے موجود ہیں کیونکہ انہیں ہندوستان پر اعتماد ہے اور وہ تجارتی اور اقتصادی شراکت داری کے معاہدے سے فائدہ اٹھانے کے لیے تیار ہیں۔ وہ صلاحیت کو دیکھتے ہیں، سرمایہ کاری کرنا چاہتے ہیں اور سوئٹز لینڈ کا حصہ بننے کے لیے تیار ہیں۔ اور ہندوستان ایک دوسرے کی تکمیل کرتا ہے۔ ٹی ای پی اے سوئٹزرلینڈ اور ہندوستان دونوں کو فائدہ پہنچانے کے لیے ان تکمیلات کو ایک ساتھ لائے گا۔

اس موقع پر کامرس سکریٹری جناب راجیش اگروال نے کہا کہ ہندوستان-ای ایف ٹی اے تجارتی اور اقتصادی شراکت داری کے معاہدے (ٹی ای پی اے) کا نفاذ اجتماعی دانشمندی اور آزادانہ اور منصفانہ تجارت کو مضبوط کرنے کے عزم کی ایک طاقتور علامت ہے۔ انہوں نے کہا کہ یہ معاہدہ نہ صرف تجارتی  التزام  کی علامت ہے بلکہ مشترکہ ترقی، جدت اور خوشحالی کے نئے دور کا آغاز بھی کرتا ہے۔ اس بات پر زور دیتے ہوئے کہ ہندوستان دنیا کی چوتھی سب سے بڑی معیشت کے طور پر ابھرا ہے اور تیسری سب سے بڑی معیشت بننے کے لیے تیار ہے- انہوں نے کہا کہ ٹی ای پی اے کے تحت سرمایہ کاری کے وعدے ہندوستان کی ترقی پر عالمی اعتماد کی عکاسی کرتے ہیں۔

اس تقریب کو سوئٹزرلینڈ کی خارجہ سکریٹری محترمہ ہیلین بڈلگر آرٹیڈا ،محترمہ مے ایلن سٹینر، ناروے کی سفیر، محترمہ کرسٹین لینگ، وزارت برائے خارجہ امور کی ڈپٹی ڈائریکٹر لیچٹینسٹائن اور ہز ایکسی لینسی  عزت مآب  راگنار کرسٹینسن، آئس لینڈ کی وزارت خارجہ کے ڈائریکٹر جنرل کی موجودگی سے سجایا گیا۔  اس موقع پر ناروے کی وزیر خارجہ محترمہ سیسلی مائرستھ نے ایک خصوصی ویڈیو پیغام کے ذریعے اپنی نیک تمنائیں بھیجیں۔

ٹی ای پی اے کو انجینئرنگ، فارما اور میڈ ٹیک، فوڈ پروسیسنگ، ٹیکسٹائل/ ملبوسات اور سمندری شعبوں میں علاقائی روڈ میپ اور برآمداتی فروغ کے ذریعے لاگو کیا جائے گا۔ ٹھوس نتائج کے لیے کوالٹی، پیکیجنگ، اور پائیداری پر ایم ایس ایم ای کو باہمی تعامل اور مہارت کے ماڈیولز کے ساتھ شامل کرنے کے لیے آؤٹ ریچ کوششیں کی جائیں گی۔ بندرگاہ کے قیام کے اوقات اور ٹرانزٹ کے اوقات کو کم کرنے کے لیے لاجسٹکس کی سہولت پر زور دیا جائے گا۔ دونوں فریق ایف ٹی اے کے استعمال، سرمایہ کاری میں توسیع اور خدمات کے نتائج کی نگرانی کریں گے۔

ٹی ای پی اے ‘پاور آف فائیو’ کا استعمال کر تے ہوئے  کرداروں اور تکمیلات کو بیان کرتا ہے۔ ہندوستان وسعت، طلب اور ہنر مند ٹیلنٹ لاتا ہے۔ سوئٹزرلینڈ صحت سے متعلق مینوفیکچرنگ، فنانس، اور کیپٹل گڈز لاتا ہے۔ ناروے سمندری صلاحیتوں اور صاف توانائی میں گہرائی لاتا ہے۔ آئس لینڈ خصوصی کلین ٹیکنالوجی اور ڈجیٹل آسانی لاتا ہے۔ لیکٹنسٹائن اعلی قدر کی مینوفیکچرنگ اور خصوصی انجینئرنگ لاتا ہے۔ یہ شراکت داری آئندہ دو سے تین دہائیوں میں تجارت، سرمایہ کاری اور ٹیکنالوجی کے بہاؤ کو بڑھانے کی کوشش کرے گی۔

بہتر مارکیٹ تک رسائی اور نقل و حمل  ہندوستانی کسانوں ایم ایس ایم ای اور کاروباریوں کے لیے ای ایف ٹی ٹی اے ممالک کے دروازے کھول دے گی۔ کسانوں اور زرعی سمندری برآمد کنندگان کو  مخصوص کافی، سمندری غذا اور تازہ اور پروسیس شدہ کھانے کی اشیاء میں ٹیرف کے فوائد اور پریمیم مارکیٹ پوزیشنیں حاصل ہوں گی۔ ایم ایس ایم ای سے توقع کی جاتی ہے کہ وہ معیاری معاونت اور تجربہ گاہوں میں آن بورڈنگ، بار بار جانچ اور تعمیل کے اخراجات کو کم کرنے کے ساتھ ساتھ خریدار-سپلائر کے ملاپ اور مہارتوں کی ترقی کے تعاون سے فائدہ اٹھائیں گے۔ سروس ایکسپورٹرز ڈجیٹل ڈسٹری بیوشن (موڈ 1)، کاروباری موجودگی (موڈ 3) اور متوقع کاروباری نقل و حرکت (موڈ 4) کے لیے واضح چینلز حاصل کریں گے، نیز پیشہ ور افراد کے لیے باہمی شناخت کے معاہدوں کے لیے راستے کھولیں گے۔

خوشحالی سمٹ میں کاروباری شرکت کے نتیجے میں ای ایف ٹی اے ممالک کی کمپنیوں کی جانب سے سرمایہ کاری کے متعدد اعلانات  کئے گئے۔ ان میں شامل ہیں:

خوشحالی سربراہی اجلاس نے ٹی ای پی اے کو ایک منصفانہ، باہمی طور پر فائدہ مند اور متوازن فریم ورک کے طور پر سراہا  گیاجو ہندوستان کی ترقی کی رفتار کو یوروپی منڈیوں سے جوڑتا ہے۔ یہ نتائج کا پہلا ایجنڈا مرتب کرتا ہے جس کی تائید واضح اصولوں، متعین کرداروں اور نفاذ کے راستے سے ہوتی ہے، جس کا مقصد مارکیٹ تک رسائی اور اعلیٰ معیار کی ملازمتیں پیدا کرنے کے لیے سرمایہ کاری کا راستہ صاف کرنا ہے۔

*******

ش ح۔ ظ ا- اج

UR  No. 7368

(Release ID: 2177267) Visitor Counter : 14