இந்திய தொலைத்தொடர்பு துறைக்கான தொலைநோக்கு  கொள்கையை  வகுக்க  தொழில்துறை நிபுணர்கள், தலைமை செயல் அதிகாரிகள் பங்கேற்ற  வட்டமேசை கூட்டம் நடைபெற்றது.

 இந்திய மொபைல் காங்கிரஸ் மாநாட்டின் ஒரு பகுதியாக நடைபெற்ற இந்த கூட்டத்திற்கு தலைமை தாங்கிய அமைச்சர் திரு ஜோதிராதித்ய சிந்தியா, இந்தியாவின் டிஜிட்டல் மற்றும் தொழில் முனைவோர் புரட்சியைப் பாராட்டினார். நாட்டின் டிஜிட்டல் பொருளாதாரத்தின் முதுகெலும்பாகவும், 140 கோடி குடிமக்களுக்கான உள்ளடக்கத்திற்கான வாகனமாகவும் தொலைத்தொடர்புத் துறையின் முக்கிய பங்கை வலியுறுத்தினார்.

முக்கியமான தொலைத்தொடர்பு தயாரிப்புகளில் இந்தியா இப்போது கிட்டத்தட்ட தன்னிறைவு பெற்றுள்ளது, 5ஜி விரிவாக்கத்தின் பெரும்பகுதி உள்நாட்டில் தயாரிக்கப்பட்ட உபகரணங்களால் இயக்கப்படுகிறது - இது தொழில்நுட்ப இறையாண்மையை நோக்கிய ஒரு பெரிய பாய்ச்சல் என்று அவர் சுட்டிக்காட்டினார்.

மத்திய அமைச்சர் இந்தியாவின் மூலோபாய டிஎஸ்எஸ் கட்டமைப்பை விவரித்தார். இது இந்தியாவில் வடிவமைப்பு, இந்தியாவில் தீர்வு, இந்தியாவிலிருந்து விரிவாக்கம் என்பதாகும்.  இது உலகளாவிய வளர்ச்சிக்கான தொலைநோக்கு என்று கூறினார். இந்தியாவின் தனித்துவமான தேவைகளை பூர்த்தி செய்யும் அதே வேளையில் உலகளாவிய விநியோகச் சங்கிலிகளை வலுப்படுத்தும் அறிவுசார் சொத்து உருவாக்கம், நிலையான தயாரிப்பு புதுமை மற்றும் நெகிழ்வான, அளவிடக்கூடிய தீர்வுகளில் மேலும் முதலீடு செய்ய அவர் தொழில்துறையை வலியுறுத்தினார்.

ஒரு காலத்தில் பெரும்பாலும் "சேவைகள் நாடாக" வரையறுக்கப்பட்ட நாடு இன்று டிஜிட்டல் சேவைகளிலிருந்து தயாரிப்புகள் மற்றும் குறைக்கடத்தி சிப்கள் வரை உயர்-மதிப்பு உற்பத்தியில் ஒருங்கிணைந்துள்ளது என்று மத்திய அமைச்சர் குறிப்பிட்டார். கடந்த 11 ஆண்டுகளாக டிஜிட்டல் இந்தியா, ஸ்டார்ட்அப் இந்தியா மற்றும் செமி கண்டக்டர் பணிக்கான  பிரதமர் திரு நரேந்திர மோடியின் உந்துதலே இந்த பாய்ச்சலுக்கு அடித்தளமாக அமைந்தது என்று அவர் குறிப்பிட்டார்.

"ஒரு தசாப்தத்திற்கு முன்பு சிப்களை உற்பத்தி செய்வதை கூட கற்பனை செய்ய முடியாத இந்தியா, இன்று குஜராத் முதல் அஸ்ஸாம் வரை செமிகண்டக்டர்களை உருவாக்குகிறது," என்று அவர் கூறினார்.

மேலும் விவரங்களுக்கு இந்த செய்திக்குறிப்பை ஆங்கிலத்தில் இங்கே காணவும்: https://www.pib.gov.in/PressReleasePage.aspx?PRID=2176771

SS/VK/SH