نئی دہلی کے سی سبرامنیم آڈیٹوریم، این اے ایس سی کمپلیکس میں منعقدہ ’ویونگ انڈیا ٹوگیدر‘ پر قومی کانکلیو میں ایک انٹرایکٹو سیشن پیش کیا گیا جہاں بُنکر اور دستکاروں نے منتظمین اور شرکاء کے ساتھ سرگرمی سے حصہ لیا۔

زراعت اور کاشتکاروں کی فلاح و بہبود اور دیہی ترقی کے مرکزی وزیر جناب شیوراج سنگھ چوہان نے اس موقع پر شرکت کی اور شمال مشرق کے کاریگروں اور بُنکروں کے ساتھ بات چیت کی اور ان کی شاندار کاریگری اور ثقافتی ورثے کی ستائش کی۔ اس موقع پر موجود دیگر معززین میں آئی سی اے آر کے ڈائرکٹر جنرل اور ڈی اے آر ای کے سکریٹری ڈاکٹر منگی لال جاٹ اور ڈاکٹر راجبیر سنگھ، ڈی ڈی جی ایگریکلچرل ایکسٹینشن، آئی سی اے آر شامل تھے۔

اس پروگرام نے کاریگروں کو اپنے تجربات، چیلنجوں اور خواہشات کا اظہار کرنے اور پالیسی سازوں اور حکام کو روایتی دستکاری اور جدید مارکیٹوں کے درمیان ہم آہنگی کو مضبوط کرنے کے طریقوں پر تبادلہ خیال کرنے کے لیے ایک پلیٹ فارم فراہم کیا۔ اس تقریب نے دیہی کاریگروں کی جامع ترقی کے ذریعے ’وکل فار لوکل‘ اور اتمنیر بھر بھارت کے وژن کو مزید اجاگر کیا۔

اس تقریب نے مرکزی زرعی یونیورسٹی، امپھال کی بونائی کی روایات کو فروغ دینے، کاریگروں کو تربیت دینے اور کمیونٹی دستکاریوں کے لیے اقتصادی مواقع کو فعال کرنے کی کوششوں کو بھی تسلیم کیا اور ان کی تعریف کی۔

**********

(ش ح –ا ب ن)

U.No:7294