جدید معذوری کی بحالی کے ساتھ روایتی ہندوستانی شفا یابی کے طریقوں کو مربوط کرنے کی طرف ایک اہم قدم  کے طور پر سماجی انصاف اور بااختیار بنانے کی وزارت کے تحت معذور افراد کے بااختیار بنانے کے محکمے (ڈی ای پی ڈبلیو ڈی) نے آیوش کی وزارت کے ساتھ مل کر کئی مشترکہ تحقیقی پروجیکٹوں کو منظوری دی ہے۔ یہ اقدامات آیوروید، یوگا، نیچروپیتھی، یونانی، سدھا اور ہومیوپیتھی سے فائدہ اٹھانے پر توجہ مرکوز کرتے ہیں۔ جس سے معذور افراد (پی ڈبلیو ڈیز) کے لیے معیار زندگی کو بہتر بنایا جا سکے،  اس میں  اعصابی تنوع، خون کی خرابی، سماعت کی خرابی، جسمانی معذوری اور عمر سے متعلق مسائل  کو شامل کیا گیا ہے۔

یہ منظوری معذور افراد کے لیے قومی فنڈ کی 19ویں گورننگ باڈی میٹنگ کے دوران دی گئی، جس کی صدارت ڈی ای پی ڈبلیو ڈی کے سکریٹری جناب راجیش اگروال نے کی۔ جامع اور شواہد پر مبنی نقطہ نظر پر زور دیتے ہوئے، پروجیکٹوں کا مقصد تحقیقی خلاء کو پُر کرنا، انٹیگریٹو تھراپیوں کو فروغ دینااور پورے ہندوستان میں  پی ڈبلیو ڈیز کے لیے جامع فلاح و بہبود کو فروغ دینا ہے۔

منظور شدہ منصوبوں کی اہم جھلکیاں

1. این آئی ای پی آئی ڈی، سکندرآباد میں نیوروڈائیورسٹی میں تحقیق کے لیے آیوش مرکز کا قیام: بین الضابطہ تحقیق اور صلاحیت کی تعمیر کے ذریعے دانشورانہ معذوری، آٹزم، اے ڈی ایچ ڈی اور متعلقہ حالات کے شکار افراد کی مدد کے لیے روایتی نظاموں کی تلاش۔
2. ایس وی این آئی آر ٹی اے آر، اڈیشہ میں خون کی خرابیوں کی بحالی کے لیے تعاون: تھیلیسیمیا، ہیموفیلیا، اور سکل سیل انیمیا کے لیے ‘‘رکتمرت وتی’’ جیسی آیورویدک مداخلتوں کو یکجا کرنا۔
3. اے وائی این آئی ایس ایچ ڈی، ممبئی میں فلاح و بہبود پر یوگا کا اثر: بہرے پن کے شکار طلباء اور ان کے والدین کے لیے یوگا کے فوائد کا تجزیہ۔
4. پی ڈی یو این آئی پی پی ڈی، نئی دہلی میں بوڑھے بالغوں کے لیے یوگا کے ساتھ پیشہ ورانہ تھراپی: جسمانی، علمی اور عملی نتائج پر مشترکہ اثرات کا مطالعہ۔
5. پی ڈی یو این آئی پی پی ڈی، نئی دہلی میں گھٹنے کے اوسٹیو ارتھرائٹس کے لیے آیوروید اور پنچکرما: فزیوتھراپیٹک مداخلتوں کے ساتھ آیورویدک طریقہ کار کا موازنہ۔
6. پی ڈی یو این آئی پی پی ڈی،، نئی دہلی میں دماغی فالج کے لیے آیوروید، او ٹی، اور وی آر: بچوں میں مجموعی موٹر افعال پر تاثیر کا جائزہ۔
7. پی ڈی یو این آئی پی پی ڈی،، نئی دہلی میں ذیابیطس کے چپکنے والی کیپسولائٹس کے لیے آیورویدک جڑی بوٹیوں کا علاج بمقابلہ انسولین: ذیابیطس کے مریضوں میں فزیو تھراپی کے نتائج کا اندازہ لگانا۔

ان پروجیکٹوں کے لیے قومی فنڈ کے تحت کل 5.26 کروڑ روپے کی منظوری دی گئی ہے، جس کا نفاذ اعلیٰ قومی اداروں جیسے کہ این آئی ای پی آئی ڈی (سکندرآباد)، ایس وی این آئی آر ٹی اے آر (اڈیشہ)، اے وائی جے این آئی ایس ایچ ڈی (ممبئی) اور پی ڈی یو این آئی پی پی ڈی، (نئی دہلی) کے ذریعے کیا جائے گا۔

********

ش ح۔م ح ۔ رض

U-7172

(Release ID: 2175654) Visitor Counter : 8