کوئلے اور کانوں کے مرکزی وزیر جناب جی کشن ریڈی نے اروناچل پردیش کے وزیر اعلیٰ جناب پیما  کھانڈو کے ساتھ آج چانگلانگ ضلع میں نمچک نامفوک کوئلے کی کان کا افتتاح کیا ، جو ریاست کی پہلی کمرشیل کوئلے کی کان کنی کے منصوبے کے طور پر ایک تاریخی سنگ میل ہے ۔  اس سے اروناچل پردیش کے اقتصادی سفر میں ایک نئے باب کا اضافہ ہوگا ، جو اسے  بھارت کے کوئلے اور توانائی کے نقشے پر مضبوطی   فراہم کرے گا ۔

 

 

اس تاریخی موقع پر کوئلے اور کانوں کے مرکزی وزیر جناب جی کشن ریڈی اور اروناچل پردیش کے وزیر اعلیٰ جناب پیما  کھانڈو نے بھومی پوجن کیا اور پروجیکٹ  کے مقام پر  ’ ’ 100  پودے لگانے کی پہل ‘‘  کے تحت شجرکاری مہم میں حصہ لیا ۔ اس کے بعد نمچک نامفوک کوئلے کی کان کا باضابطہ  طور پر افتتاح  کیا گیا ۔ اس تقریب میں کان کنی کے لیز اور سی پی پی ایل کے آلات اور مشینری کو نمچک-نامفوک سنٹرل کول بلاک کو سونپے جانے کی تقریب بھی  ہوئی ، جس سے کان کنی کی کارروائیوں کا باضابطہ آغاز ہوا ۔

 

 

مرکزی وزیر جناب جی کشن ریڈی نے اجتماع سے خطاب کرتے ہوئے  ، اس تقریب کی اہمیت  کو اجاگر کیا  ۔ اس کے بعد  انہوں نے میڈیا سے بات چیت کی ۔ انہوں نے  اس آغاز کو  ’’ نئی امید کی علامت اور شمال مشرق میں توانائی کی  یقینی فراہمی اور علاقائی ترقی کی  جانب ایک اہم قدم ‘‘  قرار دیا اور بتایا کہ نمچک نامفوک کوئلے کی کان میں 1.5 کروڑ ٹن کوئلے کے ذخائر موجود ہیں  اور  یہاں آج سے کام  کا آغاز ہو گیا ہے ۔

 

پروجیکٹ کی اہمیت کو اجاگر کرتے ہوئے  ، وزیر اعلیٰ  جناب پیما کھانڈو نے ریاست کی معیشت کو فروغ دینے ، روزگار کے مواقع پیدا کرنے اور اروناچل پردیش کے لیے مستحکم آمدنی پیدا کرنے میں  ، اس کے کردار کے بارے میں بتاتے ہوئے نمچک نامفوک کوئلے کی کان کے آغاز کا  خیرمقدم کیا ۔ انہوں نے اعتماد کا اظہار کیا کہ یہ پہل مقامی برادریوں کو بااختیار بنائے گی اور ریاست کے کان کنی اور صنعتی شعبوں میں مستقبل کی سرمایہ کاری کو راغب کرے گی ۔

نمچک نامفوک کوئلے کی کان  ، شمال مشرقی خطے کی ترقی کو   رفتار دینے میں اہم کردار ادا کرے گی اور ساتھ ہی آتم نربھر بھارت کی  جانب بھارت کے سفر کو  مستحکم کرے گی ۔  اس سے نہ صرف مقامی  طور پر روزگار اور صنعتی ترقی کو فروغ  حاصل ہو گا بلکہ ملک کی توانائی کی یقینی فراہمی اور خود  کفیل بننے میں خطے کے تعاون  میں بھی  اضافہ ہو گا ۔

 

.....................................................

) ش ح –    ا ع خ             -  ع ا )

U.No. 7149

(Release ID: 2175504) Visitor Counter : 9