ایک اچھی طرح سے منظم اور جامع منصوبہ بندی کا عمل پنچایت کے کام کاج  میں اہم  ہے۔ گرام پنچایت ترقیاتی منصوبہ(جی پی ڈی پی) سے توقع کی جاتی ہے کہ وہ کمیونٹی کی ضروریات اور ترجیحات کی عکاسی کرے گا، انہیں دستیاب وسائل کے ساتھ ہم آہنگ کرے گا اور منصفانہ، شفاف اور شراکت دار طریقے سے تیار کیا جائے گا۔

قومی اہمیت کے موضوعات پر اسکیموں کے موثر نفاذ کے لیے، پنچایتی ترقیاتی منصوبے (پی ڈی پی) جامع اور شمولیات پر مبنی ہونے چاہئیں۔ یہ منصوبے آئین کے گیارہویں شیڈول میں درج 29  موضوعات  پر محیط ہیں۔ جبکہ گرام پنچایتیں جی پی ڈی پی تیار کرتی ہیں، بلاک پنچایتیں بلاک پنچایت ترقیاتی منصوبے(بی پی ڈی پی) تیار کرتی ہیں اور ضلع پنچایتیں ضلع پنچایت ترقیاتی منصوبے (جی پی ڈی پی) تیار کرتی ہیں۔

پنچایتی راج ادارے(پی آر آئی) گاؤں کی سطح پر پانی کی فراہمی، صفائی، سڑکیں،  پانی نکلنے کی جگہ ، سڑکوں پر روشنی، صحت، تعلیم، اور غذائیت جیسی خدمات فراہم کرنے کی  ذمہ دار ہیں۔ گیارہویں شیڈول کے 29 مضامین (تمام 29 مضامین اور ہندوستان میں پنچایتی راج کی 73 ویں ترمیم کو پڑھنے کے لیے،  اس لنک پر کلک  کریں@https://secforuts.mha.gov.in/73rd-amendment-of-panchayati-raj-in-india/) اوریہ پائیدار ترقی کے اہداف(ایس ڈی جیز) کے ساتھ بھی یہ ہم آہنگ ہیں۔اسی طرح پی آر آئیز اشیاء کو مقامی بنانے کے ذریعے ایس ڈی جیز کے حصول میں ہم عوامل کے طور پر کام کررہے ہیں ۔

 ایس ڈی جی ایجنڈے کو  زمینی  سطح تک لے جانے کے لیے، پنچایتی راج کی وزارت نے ایک موضوعاتی نقطہ نظر اپنایا ہے، جو 17 ایس ڈی جی کو نو وسیع موضوعات میں  شامل کرتا ہے۔ یہ نقطہ نظر پنچایتوں کو‘پوری حکومت اور پورے معاشرے’ کے فریم ورک کے تحت ترقیاتی منصوبے تیار کرنے کے قابل بناتا ہے۔

سال2018 سے، سیلف ہیلپ گروپس (ایس ایچ جی) بھی گاؤں کی خوشحالی اور بحالی کے منصوبے(وی پی آر پی) کی تیاری میں مصروف ہیں، جو کہ گاؤں کی سطح پر ہمہ گیر ترقی اور لچک کو مزید سپورٹ کرتے ہیں۔

پنچایتی ترقیاتی منصوبوں کی تیاری میں لوگوں کی شرکت کو بڑھانے کے لیے 2 اکتوبر 2018 کو ‘‘سب کی یوجنا، سب کا وکاس’’ کے موضوع کے تحت عوامی منصوبہ مہم (پی پی سی) کا آغاز کیا گیا تھا۔ گرام سبھا کے مثبت نتائج، متعلقہ شراکت داروں کی سرگرمیاں  اور شراکتی منصوبہ بندی سے حوصلہ افزائی ہوئی ۔ یہ مہم ہر سال ایک مشن موڈ میں چلائی جاتی ہے جس میں منتخب نمائندوں،  یہ صف اول کے کارکنان ، سیلف ہیلپ گروپس(ایس ایچ جی)، کمیونٹی پر مبنی تنظیموں (سی بی او) اور دیگر مقامی افراد کی فعال شمولیت ہوتی ہے۔

عوامی منصوبہ مہم کی رہنمائی، ملک بھر میں طے وقت پرگرام پنچایت، انٹرمیڈیٹ (بلاک) پنچایت اور ضلع پنچایت کی سطحوں پر شراکتی، جامع اور مربوط ترقیاتی منصوبوں جی پی ڈی پی، بی پی ڈی پی اور ڈی پی ڈی پی کی تیاری کے مقصد سے کی جاتی ہے۔ منظم گرام سبھا کی میٹنگیں کمیونٹی ممبران کی فعال شرکت اور تمام متعلقہ محکموں کے صف اول کے کارکنان کے ذریعے پریزنٹیشنز کے ساتھ منعقد کی جاتی ہیں۔ اس مہم کے ذریعے ایل ایس ڈی جی کے نو موضوعاتی نقطہ نظر کو پنچایت ترقیاتی منصوبوں میں ضم کرکے اور سیلف ہیلپ گروپ فیڈریشنوں کے ذریعہ تیار کردہ گاؤں کی خوشحالی اور بحالی کے منصوبے(وی پی آر پی) کو شامل کرکے ایس ڈی جی کی مؤثر لوکلائزیشن حاصل کرنے کی کوشش ہے۔ یہ منصوبہ بندی کے عمل میں خواتین کے منتخب نمائندوں (ایس ایچ جی، ڈبلیو ای آر) اور خواتین کمیونٹی کے ارکان کی فعال شمولیت کے ذریعے صنفی جوابی طرز حکمرانی کو بھی فروغ دیتا ہے۔ مزید برآں، عوامی معلومات کی مہم چلانے اور گرام پنچایت دفاتر اور پبلک انفارمیشن بورڈز پر اسکیموں، مالیات اور پروگراموں کی تفصیلات کا انکشاف کرنے سے شفافیت اور جوابدہی کو تقویت ملتی ہے۔

پنچایتی راج کی وزارت نے 2 اکتوبر 2025 کو تمام ریاستوں اور مرکز کے زیر انتظام علاقوں میں عوامی منصوبہ بندی مہم (پی پی سی) 2026-2025: ‘‘سب کی یوجنا، سب کا وکاس’’ ابھیان شروع کیا، اس طرح سے پنچایتی ترقیاتی منصوبے(پی ڈی پیز) کی تیاری کے لیے ملک گیر عمل شروع کیا گیا۔

 اس کی شروعات  میں وسیع پیمانے پر تیاریاں کی گئیں۔ وزارت نے حکمت عملیوں کو حتمی شکل دینے اور آسانی سے تال میل کو یقینی بنانے کے لیے ریاستی حکومتوں، مرکز کے زیر انتظام علاقوں، اور دیہی ترقی اور پنچایتی راج کے ریاستی اداروں(ایس آئی آر ڈی اینڈ پی آر) کے ساتھ ورچوئل طریقے سے بات چیت کی۔ ہم آہنگی اور زمینی سطح کی شرکت کو فروغ دینے کے لیے موجودہ  وزارت ،حکومت ہند کی 20  متعلقہ وزارتوں/محکموں کے ساتھ مل کر کام کر رہی ہے تاکہ وہ اپنے متعلقہ ریاستوں/ مرکزکے زیرانتظام علاقوں میں خاص طور پر گرام سبھا کی خصوصی میٹنگوں کے ذریعے اہم منصوبوں کو مہم میں سرگرمی سے شامل کرنے کی ہدایت کریں۔ مزید برآں، ریاستوں اور مرکز کے زیر انتظام علاقوں کو ہدایت دی گئی ہے کہ وہ نوڈل افسران، تربیتی سہولت کاروں کی تقرری کریں، گرام سبھا کے شیڈول کو حتمی شکل دیں اور عوامی معلومات کے بورڈ نمایاں طور پر آویزاں کریں۔ 2 اکتوبر 2025 کو بلائی گئی خصوصی گرام سبھا نے ملک بھر میں اس مہم کا باقاعدہ آغاز کیا۔

پی پی سی  2025-26 شراکتی، شفاف، اور جوابدہ مقامی حکمرانی  کو مضبوط بنانے کے لیے ڈیزائن کیا گیا ہے۔ اس پہل کے تحت گرام سبھا کو ڈیجیٹل پلیٹ فارم جیسے ای گرام سوراج، میری پنچایت ایپ، اور پنچایت این آئی آر این اے وائی کا استعمال کرتے ہوئے پہلے کے گرام پنچایت ترقیاتی منصوبوں (جی پی ڈی پیز)  کا جائزہ لینے کا کام سونپا گیا ہے۔ ان سے توقع کی جاتی ہے کہ وہ کاموں کی  پیش رفت کا جائزہ لیں گے، تاخیر کی نشاندہی کریں گے، اور نامکمل منصوبوں کو ترجیح دیں گے، خاص طور پر وہ جو مرکزی مالیاتی کمیشن کے بلا خرچ والے گرانٹس سے منسلک ہیں۔ منصوبہ بندی کے عمل کی رہنمائی پنچایت ایڈوانسمنٹ انڈیکس (پی اے آئی) سے کی جائے گی، جبکہ سبھا سار جیسے اجزاء کی حوصلہ افزائی کی جائے گی تاکہ بحث کو مزید موثر بنایا جا سکے۔ یہ کوششیں پنچایتوں کے اپنے ذریعہ آمدنی (او ایس آر)  کو بہتر بنانے اور فیصلہ سازی میں کمیونٹی کی دلجمعی سے شمولیت کو یقینی بنانے پر بھی  مرکوز ہوں گی۔

مہم کا ایک خاص پہلو قبائلیوں کو بااختیار بنانے پر زور دینا ہے، جس میں آدی کرمایوگی ابھیان کے تحت  اہم  سرگرمیاں ہیں۔ پنچایت کے نمائندوں، متعلقہ  محکمے  کے افسران، کمیونٹی ممبران، سیلف ہیلپ گروپس(ایس ایچ جیز) اور  صف اول کے کارکنان کی فعال شرکت کو یقینی بنا کر، مہم کا مقصد زمینی  سطح پر منصوبہ بندی میں شفافیت، ہم آہنگی اور جوابدہی کو مزید  مضبوط  کرنا ہے۔ اس سے ہندوستان بھر میں دیہی برادریوں کے لیے مضبوط  خدمات کی فراہمی کے طریقے کار ،جامع ترقی اور بہتر نتائج کی راہ ہموار ہونے کی امید ہے۔

 سال 2018 میں اپنے آغاز کے بعد سے، عوامی منصوبہ مہم نے پنچایتوں کو شواہد پر مبنی اور جامع ترقیاتی منصوبے تیار کرنے میں مدد کی ہے جو قومی ترجیحات کے مطابق مقامی ضروریات کی عکاسی کرتے ہیں۔

ای گرام سوراج پورٹل پر دستیاب ڈیٹا کے مطابق، 2020-2019 سے 2026-2025 تک (29 جولائی 2025 تک) 18.13 لاکھ سے زیادہ پنچایت ترقیاتی منصوبے اپ لوڈ کیے گئے ہیں۔ ان میں شامل ہیں:

• 17.73 لاکھ سے زیادہ گرام پنچایتی ترقیاتی منصوبے(جی پی ڈی پیز)
• 35,755 بلاک پنچایتی ترقیاتی منصوبے(بی پی ڈی پیز)
• 3,469 ضلع پنچایتی ترقیاتی منصوبے(ڈی پی ڈی پیز)