విమాన ఛార్జీలను పర్యవేక్షించాలని, ముఖ్యంగా పండుగ సీజన్‌లో ధరల పెరిగినట్లయితే తగిన చర్యలు తీసుకోవాలని డైరెక్టరేట్ జనరల్ ఆఫ్ సివిల్ ఏవియేషన్‌ను (DGCA) పౌర విమానయాన మంత్రిత్వ శాఖ (ఎంఓసీఏ) ఆదేశించింది. 

దీనికి అనుగుణంగా డీజీసీఏ.. పండుగ సీజన్‌కు ముందే ఈ విషయాన్ని విమానయాన సంస్థలతో చర్చించింది. పండుగ సీజన్‌ అధిక డిమాండ్‌ను తీర్చేందుకు అదనపు విమానాలను మోహరించటం ద్వారా ప్రయాణ సామర్థ్యాన్ని పెంచాలని ఆయా సంస్థలను కోరింది.

విమానయాన సంస్థలు అదనపు విమానాలను నడపనున్నట్లు తెలియజేశాయి. వాటి వివరాలు ఇలా ఉన్నాయి:

1. ఇండిగో: 42 సెక్టార్లలో సుమారు 730 అదనపు విమానాల ఏర్పాటు.

2. ఎయిర్ ఇండియా, ఎయిర్ ఇండియా ఎక్స్‌ప్రెస్: 20 సెక్టార్లలో అదనంగా సుమారు 486 విమానాల ఏర్పాటు 

3. స్పైస్‌జెట్: 38 సెక్టార్లలో సుమారు 546 అదనపు విమానాల ఏర్పాటు.

పౌర విమానయాన డైరెక్టరేట్ జనరల్ పండుగ సీజన్‌లో ప్రయాణికుల ప్రయోజనాలను కాపాడేందుకు విమాన ఛార్జీలు, విమాన సామర్థ్యాలను చాలా నిశితంగా పర్యవేక్షిస్తుంది.

***